Luka 12:1 - Nyaa Shɔɔ Ɓɔɔ Laa a Ɓɛɛ

¹ Zang ri kpalɛ zɔɔ ɓarɛ tɔ labang gaagaa, nɔng doo naanang kagn kpang. Ri vãlɛ kaa yuu zɔɔ. A Yeesɔ gaa tɔɔsung yee rannang kaa nɛɛ zang ɓɔɔ ri mantɛ vuu ka bii ɓiɓɛ kɔ shɔɔnang tɔɔ, “Nɔɔ gãng jĩng ka yisi zang Farisi. Yisi ɓarɛ ɓi nwãarɛnang ɓɔɔ ri nwãarɛ zang nɛɛ vuu palɛnang ɓɛɛ.

Luka 12:1 Referans Kwoze

1 Bituru 2:1

Ka ruu nɔngkɔ, wee Laa a nɔɔ suru bii shɔɔ tɔ ɓee, nɔɔ nwangsɛ gnvɔ ta nandon ka yeti manɛ, nɔ́ɔ suu zang sèé takpang, nɔ́ɔ nwãarɛ zang nɛɛ vuu palɛnang kpang, nɔ́ɔ shing jĩng ka vuu zang kpang, nɔ́ɔ ti rang yee shi kpang tɔ̀ɔ́ ka yuu zang kpang.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

Luka 12:56

Ɓɔɔ nɔɔ zang ɓɔɔ nwãarɛ zang nɛɛ vuu palɛnang ɓɛɛ, nɔɔ nɛɛ pɛ̃ɛrɛ koo tɔ, nɛɛ lapa, nɔɔ zi vuu ɓɔɔ naa nwang katɔ. A nɔɔ zi vuu ɓɔɔ Laa palɛ ka diki keɓe kpang ka ruu viya?

1 Koranti 15:3

N kɔɔ nɔɔ Ruu Tɔ̃ɔ keɓe tɔ ka tĩng, ɓɔɔ Yeesɔ Kirisi kɔɔ m ka tĩng ɓɛɛ. Ruu Tɔ̃ɔ keɓe ɓa vuu piti katɔ, Ruu Tɔ̃ɔ keɓe, kɔɔ ruu nɛɛ Kirisi vɔ ka ruu vuu shi kpang ɓɔɔ ruu palɛ ɓɛɛ. Naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ nɛɛ wu naa palɛ ɓɛɛ.

Zang Shonang Yeesɔ 21:20

Ɓɔɔ ri tãa naa weɓe, ri dɔɔ Laa. A ri kɔɔ wu nɛɛ, “Manzung ɓuru, mɔɔ zi tɔ waa, zang labang dɔɔli ri shing danggn tɔ ka bii Laa ka teteng zang Yahudi, ri ti pĩiri jĩng nɛɛ nyaa dannang Laa dũnnang kpang.

Luka 11:44

Jĩng dannang kagn yuu manɛ, ka ruu ɓɔɔ, nɔɔ nwang naa yuu saa, ɓɔɔ zang zi kpang, zang ra ka yuu ɓiɓɛ ɓɛɛ.”

Luka 6:17

Yeesɔ shooro tɔ nɛɛ kɔpɔ nɛɛ zang ɓɔɔ wu shɛ̃ɛrɛ ri, a daa shii ka nyɛlɛ. Zang ɓɔɔ ri mantɛ vuu ka bii ɓiɓɛ dɔɔli, nɛɛ zang dɔɔli ɓɔɔ ri alɛ nɛɛ tipi Yahudi, nɛɛ gari Urushalima, a ɓɔɔ zang ɓɔɔ ri alɛ nɛɛ gari Taya nɛɛ Sidong ɓɔɔ ka nyaa waapo ɓɛɛ. Ri arɛ nɛɛ ri naa tãa yee Laa ɓɔɔ wu rangnɛ, nɛɛ wu ti màsɛ̀ ri kɔnang ɓarɛ.

Luka 5:15

A nyaa Yeesɔ sãlɛ nɔng ɓi doo nɛɛ mani. Zang kpalɛ zɔɔ ka bii ɓiɓɛ gaagaa nɛɛ zang naa tãa yee ɓiɓɛ, nɛɛ tɔ̀ɔ, wu ti màsɛ̀ ri kɔnang ɓarɛ.

Luka 5:1

Diki ɓɔɔ kagn, Yeesɔ shii ka nyaa mii waapo Janesara, a zang ɓɔɔ ri kpalɛ zɔɔ ri màasɛ́ wu, ri kasɛ nɛɛ ri tãa yee Laa.

Yahudi 12:22

Nɔɔ à manɛ ka kɔpɔ Siyona, a ɓɔɔ ka gari bang ɓɔ̀ɔ́ Laa ɓɔɔ ɓi ningkãari ɓɛɛ. Gari keɓe wukɔ Urushalima ɓɔɔ ka lapa ɓɛɛ. Nɔɔ a manɛ ka nɔng ɓɔɔ rɛɛ zang nyaa shonang Laa ɓɔɔ ri ka lapa, ɓɔɔ ri ɓa naa ɓɔɔ zang gã katɔ, ri kpalɛ zɔɔ ri dɔ̀ɔ́ Laa, ri tãa tĩnang ɓɛɛ.