Luka 11:42 - Nyaa Shɔɔ Ɓɔɔ Laa a Ɓɛɛ

⁴² “Jĩng dannang kagn yuu manɛ Farisi, ka ruu ɓɔɔ, nɔɔ zɔ̃ng Laa vuu gbete ka teteng vuu kopi ɓɔɔ nɔɔ walɛ naa rɛɛ zitaa nɛɛ siteng nɛɛ vuu ɓɔɔ zang tɛ̃́ɛ ka yɔkɔ naa weɓe piti. A nɔɔ yaa ruu vuu tɔ̃ɔ ɓɔɔ nɔɔ palɛ zang ɓɛɛ, nɛɛ ruu naa ɓɔɔ rúu kasɛ Laa ɓɛɛ. Nɔɔ nɛ̀ɛ́ palɛ vuu keɓe nandon, nɔɔ yaa ɓɔɔ kpang.

Luka 11:42 Referans Kwoze

Matiyu 23:23

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ a Kpanti Laa vuu gbete ka yeti kopi vuu ɓɔɔ nɔɔ langkɛ naa rɛɛ zitaa, nɛɛ seteng, a ɓɔɔ yaaji kɔ̃ɔlaa ɓɛɛ katɔ nandon. A nɔɔ dũng ruu bang ɓɔɔ ka yeti labeenang Kpanti Laa ɓɛɛ kpang. Kpanti Laa kasɛ nɛɛ nɔɔ jɛ̃ɛ zang ruu tɔ̃ɔ. Nɛɛ gn zang wu ti kɔng nɔɔ katɔ, nɛɛ nɔɔ ti kɔɔ ruu ɓɔɔ niizang ɓɛɛ. Nɔɔ palɛ vuu keɓe nɛɛ ɓɔɔ nimbang ning.

Luka 18:12

N seng nyaalaa diki ziti ka teteng diki manziti. Ka yeti vuu ɓɔɔ n walɛ nandon diki diki, n basɛ tìng kopi, ń a mɔɔ tìng gbete.’

1 Yɔhana 4:20

Naa zang ɓɔɔ kɔɔyi tɔɔ, wu kasɛ Ruu Laa katɔ, a kasɛ ruu ɓeezung kpang, ɓi zang sèé. Ka ruu ɓɔɔ, zang ɓɔɔ kasɛ ruu ɓeezung ɓɔɔ wu zi katɔ kpang, kàsɛ́ Laa ɓɔɔ wu zi nɛɛ jĩng kpang, ɓi kaa biya?

Matiyu 23:27

“Vuu gn kɔnang kagn yuu manɛ zang ɓɔɔ tusu zang vuu, nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ, nwang naa, yuu sàa ɓɔɔ zang mãarɛ, zang nwãa kponsi puru ka bii ɓarɛ, tɔ̀ɔ, ri shi kaa nɛɛ biling ɓɛɛ. A yeti ɓarɛ ɓi kaka shɔnzang ɓɔɔ ri vɔlɔ nɛɛ vuu ɓɔɔ pũlu katɔ kɔ shɛ̃ɛning.

Yɔhana 5:42

N zi zɔ̃ng manɛ m tɔ. Nɔɔ kasɛ Laa nɛɛ yeti manɛ kpang.

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.