Kolosi 2:3 - Nyaa Shɔɔ Ɓɔɔ Laa a Ɓɛɛ

³ Ɓɔɔ Laa waasɛ zũnang nɛɛ vuu zinang nandon ka bii ɓiɓɛ ɓɛɛ.

Kolosi 2:3 Referans Kwoze

1 Koranti 1:24

Zang ɓɔɔ Laa shɛ̃ɛrɛ katɔ nɛɛ ri nwáng zang ɓiɓɛ, zang Yahudi nɛɛ zang Heleni piti, ri zi ɓarɛ tɔ nɛɛ, naa vuu palɛnang Laa ɓuru ka bìí Yeesɔ Kirisi kɔ, a wukɔ ti tusu ri naa ɓɔɔ zũnang Laa nwang ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

Rooma 11:33

Laa pàlɛ́ zang tɔ̃ɔ dɔɔli, ti zũng dɔɔli, a zi vuu piti. Zang ɓɔɔ zi naa ɓɔɔ Laa shii ka yuu vuu kpang, ruu ti zi gbalang ɓiɓɛ kpang.

Kolosi 1:9

Ka ruu nɔngkɔ, rùu gaa Laa diki diki ka ruu manɛ, ruu gaayu doo nɛɛ diki ɓɔɔ ruu tãa ruu manɛ ɓɛɛ. Ruu gaa Laa wu shing nɔɔ, nɔɔ zi vuu ɓɔɔ wu kasɛ nɛɛ zang palɛ ɓɛɛ. Suru Laa wu a nɔɔ zũnang nɛɛ vuu zinang ɓɔɔ nɔɔ palɛ vuu keɓe nɛɛ mani ɓɛɛ.

Afisa 1:8

Tɔ̃ɔ ɓɔɔ wu palɛ ruu daa naa ɓɔɔ zang gãsɛ ɓɛɛ kpang. Laa zũngnɛ, a ti zi vuu dɔɔli.

Matiyu 10:26

“Ka ruu nɔngkɔ, nɔɔ kaa vɔrɔ ɓarɛ kpang. Vuu ɓɔɔ zang palɛ, a zang màkɛ̀ piti, Laa naa nwangsɛ ditɔ. Ruu ɓɔɔ zang ti kɔɔ nɛɛ nwĩiri, zang naa tãa ditɔ nandon.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

Vuu ɓɔɔ zang nwangsɛ Yɔhana 2:17

Zang ɓɔɔ shoo ɓiɓɛ nɛɛ kagn, wu ɓaayi, wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ. Zang piti ɓɔɔ nɛɛ ɓa vuu gãsɛnang yuu, n á wu vuu shaanang ɓɔɔ zang ɓaa nɛɛ maanaa ɓɔɔ zang waasɛ katɔ ɓɛɛ. N ti á wu tari ɓɔɔ kagn puru nɛɛ nung shɔɔ ɓɔɔ zang bee ka yuu tari bìí. Zang ɓɔɔ zi nung bìí kpang ɓi zang ɓɔɔ tarɛ kɔ zi shɛ̃ɛning.”

Kolosi 3:3

Ka ruu ɓɔɔ, nwàng ɓi naa ɓɔɔ nɔɔ vɔ tɔ, a suru bii manɛ ɓɔɔ kãntang zang waasɛ ka bii Kirisi ɓɔɔ wu ka bii Laa ɓɛɛ.

Kolosi 1:19

Ka ruu ɓɔɔ, Laa kɔ kasɛ nɛɛ yuu ɓiɓɛ nɛɛ nwannang ɓiɓɛ wu nwang ka bii Jaa nandon.

Luka 11:49

Laa rang yee ka yeti zũnang ɓiɓɛ tɔɔ, ‘N shong ri zang nyaa shonang nɛɛ zang ɓɔɔ n shɛ̃ɛrɛ ri katɔ ɓɛɛ ditɔ. Ri naa nyɔkɔ ɓɔɔ vɔrɔ, ri ti dang ɓɔɔ jĩng.’

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

2 Bituru 1:5

Ka ruu nɔngkɔ, wee nɔɔ shing danggn tɔ ka bii Yeesɔ Kirisi ɓee, nɔɔ gisi nwannang tɔ̃ɔ kaa gn, nɔ́ɔ ti gisi zũnang ka yuu nwannang tɔ̃ɔ manɛ.