Yɔhana 9:39 - Nyaa Shɔɔ Ɓɔɔ Laa a Ɓɛɛ

³⁹ Yeesɔ kɔɔyi tɔɔ, “N à ka koo keɓe nɛɛ n naa basɛ teteng zang. Tɔ̀ɔ, zang ɓɔɔ ri jĩng ringtang ri zi nɔng. Zang ɓɔɔ ri zi nɔng katɔ jĩng ɓarɛ wu zuuyi.”

Yɔhana 9:39 Referans Kwoze

Yɔhana 3:19

Laa dɔ̌ng zang ɓɔɔ bɛ̃ɛ Jaa gbete ɓiɓɛ ruu ka ruu ɓɔɔ, Laa shɔng nɔng yakɛnang ka koo, a zang ri kasɛ nɔng ɓɔɔ tɔ̀ɔ katɔ kɔ jong, ɓa nɔng yakɛnang ɓɛɛ. Ka ruu ɓɔɔ, bɛ̀ɛ́ ri pálɛ̀ ɓarɛ vuu shi kpang kɔ nwani ɓɛɛ.

Yɔhana 12:46

N a ka koo keɓe, tɔ̀ɔ n yakɛ zang nɔng, tɔ̀ɔ zang ɓɔɔ nɛɛ shing danggn ka bii mɛɛ wu nwang tɔ̀ɔ́ nɔng ɓɔɔ tɔ̀ɔ katɔ kpang.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

1 Yɔhana 2:11

Zang ɓɔɔ kasɛ ruu ɓeezung kpàng, nwàng ɓi doo ka nɔng ɓɔɔ tɔ̀ɔ katɔ ɓɛɛ. Ra ɓi ka nɔng ɓɔɔ tɔ̀ɔ katɔ ɓɛɛ. Zi nɔng ɓɔɔ wu daa ɓi kpang, ka ruu ɓɔɔ, nɔng ɓɔɔ tɔ̀ɔ katɔ, tɔ̀ɔ wu jĩng katɔ ɓɛɛ.

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

Afisa 5:14

Ka ruu ɓɔɔ, vuu ɓɔɔ zang zi katɔ piti, nwang ɓi naa nɔng yakɛnang ɓɛɛ. Ka ruu nɔngkɔ, zang kɔɔyi nɛɛ, “Hingsi jĩng, zang ɓɔɔ roo katɔ ɓɛɛ, a mɔɔ yupaa ka vɔrɔ, Kirisi wu yakɛ nɔng ka yuu ɓaaɓɛ.”

2 Koranti 2:16

Ka nɔng zang ɓɔɔ ri shàarɛ́ katɔ, ɓi vuu ɓɔɔ a sɛ̃ɛ ɓɔɔ nyɔ zang vɔrɔ ɓɛɛ. Ka nɔng zang ɓɔɔ Laa ta yuu ɓarɛ kana, ɓi vuu ɓɔɔ a zang suru bii ɓɛɛ. Ɓu wi zunung shonang keɓe palɛnang wiya?

Yɔhana 9:25

Yɔɔ ɓɔɔ Yeesɔ másɛ́, kasɛ ri nyaa tɔɔ, “Naa ti zang ɓɔɔ palɛ vuu shi kpang ya, n zi kpang. Vuu ɓɔɔ n zirɛ ɓi gbete. N zi m ɓɔɔ ɓeleng, bɛ̀ɛ́ n jĩng ringtang, kãntang keɓe n zi nɔng kaa tɔ ɓɛɛ kɔ shɛ̃ɛning.”

Yɔhana 8:15

Nɔɔ jɛ̃ɛ zang ruu manɛ naa ɓɔɔ shɔnzang jɛ̃ɛ ɓɛɛ. N jɛ̃̀ɛ zang ruu m kpang.

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.

Luka 13:30

Zang ɓɔɔ rikɔ doo knti kãntang keɓe, rikɔ naa sɔ̀ɔ́ zang tĩng. A zang ɓɔɔ rikɔ ka tĩng, ri naa ràa zang ɓɔɔ waa nyaa knti ɓɛɛ.”

Luka 7:21

Ka laa kaɓa, Yeesɔ masɛ zang ɓɔɔ kɔnang ɓarɛ ka zɔ̃ng zɔ̃ng ɓɛɛ dɔɔli. A ti nwangsɛ suru shi kpang nɛɛ bii zang dɔɔli. A ti masɛ zang jĩng ringtang, ri zi nɔng kati.

Luka 2:34

Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 6:23

A jĩng ɓaaɓɛ nɛɛ tɔ̃ɔ kpang, bii ɓaaɓɛ nandon nwang ɓi ka nɔng ɓɔɔ tɔɔ katɔ ɓɛɛ. Naa mɔɔ tɔɔ mɔɔ nwàng ka nɔng yakɛnang, a ɓeekpang mɔɔ doo ka nɔng tɔɔnang, nɔng tɔɔnang kaɓa bang dɔɔli.

2 Tesalonika 2:10

Naa nwãarɛ zang ɓɔɔ ri naa shaarɛ katɔ ɓɛɛ, nɛɛ zɔ̃ng nwannang ɓɔɔ a nɛɛ bii vuu shi kpang ɓɛɛ, ka zɔ̃ng zɔ̃ng. Ri shaarɛ ka ruu ɓɔɔ ri kasɛ ruu ɓɔɔ niizang a ri ti tarɛ, tɔɔ zang ta yuu ɓarɛ kati kpang ɓɛɛ.

Matiyu 15:14

Nɔɔ yaa ri ka nɔngkɔ, ri ɓarɛ zang jĩng ringtang ɓɔɔ tusu zang jĩng ringtang gbalang ɓɛɛ. Naa zang jĩng ringtang tɔɔ wu tusu zang ɓɔɔ doo jĩng ringtang kɔ doori gbalang, ri dáa gɔlɔ zɔɔ ɓarɛ ka too nandon.”

Yɔhana 12:31

Diki ɓɔɔ zang jɛ̃ɛ zang koo keɓe ruu a tɔ. Wee kaa diki ɓɔɔ zang nwangsɛ sheetang, kpanti koo keɓe ɓɛɛ kɔ.