Yɔhana 8:24 - Nyaa Shɔɔ Ɓɔɔ Laa a Ɓɛɛ

²⁴ Ka ruu nɔngkɔ, n kɔ̀ɔ́ nɔɔ nɛɛ nɔɔ vɔ nɛɛ vuu shi kpang manɛ ning. Nɔɔ nɛɛ shing danggn nɛɛ nkɔ zang ɓɔɔ n tɔɔ, nkɔ wukɔ kpang, nɔɔ naa vɔ nɛɛ vuu shi kpang manɛ.”

Yɔhana 8:24 Referans Kwoze

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Yɔhana 3:18

Zang piti ɓɔɔ nɛɛ shing danggn ka bii Jaa, zang jɛ̃ɛ wu ruu ɓi kpang. Zang ɓɔɔ nɛɛ shing danggn ka bii Jaa kpang, zang dɔng wu ruu ɓi tɔ. Ka ruu ɓɔɔ shing danggn ka bii Jaa gbete Laa kpang ɓɛɛ.

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Yahudi 12:25

Nɔɔ palɛ waasɛ̃, nɔ́ɔ bɛ̃ɛ Laa kɔ rang yee ɓee kpang. Ka ruu ɓɔɔ, naa zang ɓɔɔ ri bɛ̃ɛ ruu ɓiɓɛ ɓɔɔ a nɛɛ bii Musa ɓɔɔ shàarɛ̀ ri nyaa ka koo keɓe ri wɔ kpang, a ruu nɛɛ bɛ̃ɛ ruu ɓiɓɛ ɓɔɔ a nɛɛ bii Yeesɔ ɓɔɔ a nɛɛ lapa, a shaarɛ ri nyaa ɓɛɛ, ruu palɛ biya ruu wɔ viya?

Yɔhana 13:19

N kɔɔ nɔɔ vuu keɓe kãntang, bɛ̀ɛ́ vuu bìí palɛ gn kpang. Nɛɛ palɛ tɔ, nɔɔ zi kaa gn nɛɛ nkɔ zang ɓɔɔ n kɔɔ nɔɔ nɛɛ n wukɔ ɓɛɛ.

Yɔhana 4:26

A Yeesɔ kɔɔ wu kati nɛɛ, “Wee n rang yee nɛɛ mɔɔ ɓee, nkɔ Kirisi bìí.”

Yahudi 2:3

A naa ruu shing jĩng gbãng gbãng ka ruu naa ɓɔɔ zang ta yuu zang, ɓɔɔ bang katɔ naa weɓe kpang, ruu wɔ biya? Ka ruu ɓɔɔ, ɓi Kpanti Yeesɔ nɛɛ yuu ɓiɓɛ, wukɔ gaayu ruu keɓe kɔɔnang ɓɛɛ. A zang ɓɔɔ ri tãayi, rikɔ tusu ruu nɛɛ ruu keɓe niizang kɔ nwani.

Yɔhana 8:21

Yeesɔ kɔɔ zang ɓɔɔ ri kpalɛ zɔɔ nɛɛ, “N daa kaa tɔ, nɔɔ naa kãa m, nɔɔ vɔ nɛɛ vuu shi kpang manɛ ning. Nɔng ɓɔɔ n daa gn, nɔɔ daa manɛ kpang.”

Zang Shonang Yeesɔ 4:12

“Zang ɓɔɔ ta yuu zang ɓɔɔ takpang, ka ruu ɓɔɔ, zang ɓɔɔ kagn ka koo keɓe gbete ɓɔɔ Laa a zang nung ɓiɓɛ, nɛɛ wukɔ ta yuu zang ɓɛɛ kpang ɓɛɛ.”

Maraku 13:6

Zang dɔɔli naa a ditɔ nɛɛ nung mɛɛ, ri naa kɔɔyi nɛɛ “Rikɔ zang ɓɔɔ naa a ɓɛɛ” Ri nwãarɛ zang dɔɔli.

Luka 21:8

A kɔɔ ri tɔɔ, “Nɔɔ gãng jĩng waasɛ̃ zang ɓɔɔ nɛɛ nwãarɛ nɔɔ. Zang dɔɔli a ditɔ nɛɛ nung mɛɛ, ri naa kɔɔyi nɛɛ rikɔ zang ɓɔɔ naa a ɓɛɛ. A ri ti kɔɔ nɛɛ diki a naabm tɔ. Nɔɔ dũ̀ng ri kpang.

Matiyu 24:5

Ka ruu ɓɔɔ, zang dɔɔli naa a nɛɛ nung mɛɛ, nɛɛ rikɔ Kirisi ɓɛɛ. Ri naa nwãarɛ zang dɔɔli.

Yɔhana 8:25

Ri hɛ̃ɛ wu nɛɛ, “Mɔkɔ ɓu wiya?” Yeesɔ kɔɔ ri tɔɔ, “Nkɔ zang ɓɔɔ n kɔɔ nɔɔ doo ka tĩng nɛɛ nkɔ wukɔ ɓɛɛ.

Yɔhana 8:28

Ka ruu nɔngkɔ, kɔɔ ri nɛɛ, “Nɔɔ nɛɛ wisi m, ɓɔɔ n Jaa Shɔnzang tɔ ka yuu laa, nɔ́ɔ naa zi kati nɛɛ nkɔ wukɔ. Tɔ̀ɔ, nɔ́ɔ zi kati nɛɛ n palɛ vuu gbete nɛɛ kaka yuu mɛɛ kpang. N kɔɔ m vuu ɓɔɔ Daa kpɛ̃ɛrɛ m nɛɛ n kɔ̀ɔ ɓɛɛ.

Yɔhana 8:58

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, ɓɔɔ zang yi Ibirayi bɛ̀ɛ́ n m kaa gn kɔ nwani.”