Yɔhana 6:45 - Nyaa Shɔɔ Ɓɔɔ Laa a Ɓɛɛ

⁴⁵ Rɛɛ zang nyaa shonang Laa ri beeyi nɛɛ, ‘Ri nandon Laa kɔ naa tusu ri vuu.’ Zang ɓɔɔ nɛɛ ɓaa shoo ka vuu ɓɔɔ Daa mɛɛ tusu, nɛɛ ti mantɛ vuu ka bii ɓiɓɛ, a katɔ ka bii mɛɛ.

Yɔhana 6:45 Referans Kwoze

Yahudi 10:16

“Laa kɔɔyi nɛɛ, wee nyaa ɓɔɔ n naa mã nɛɛ ri ka knti rɛɛ diki kaɓa kɔ. N naa shing nyaa dannang mɛɛ ka yeti ɓarɛ, a n beere ka ɓoro ɓarɛ”.

1 Tesalonika 4:9

Ka ruu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ɓɛɛ, daa naa ɓɔɔ ruu bee labeenang ka yuu ruu keɓe kpang. Ka ruu ɓɔɔ, nɔɔ nɛɛ yuu manɛ, Laa tusu nɔɔ naa ɓɔɔ nɔɔ kasɛ zɔɔ tɔ ɓɛɛ.

Yɔhana 6:65

A gisi ruu keɓe tɔkn tɔɔ, “Wee vuu ɓɔɔ palɛ, n kɔɔ nɔɔ tɔɔ, naa Daa dɔ̃ zang, zang a ka bii mɛɛ kpang, zang ɓɔɔ zunung anang nɛɛ yuu ɓiɓɛ kpang kɔ.”

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Afisa 1:17

N gàá Làá Kpanti ɓuru Yeesɔ Kirisi. Daa, ɓɔɔ zang a wu bannang ɓɛɛ, wu a nɔɔ Suru ɓiɓɛ, ɓɔɔ shing nɔɔ nɔ́ɔ zũngnɛ, a wu ti nwangsɛ nɔɔ Laa, tɔ̀ɔ, nɔ́ɔ zi wu kati ɓɛɛ.

Yɔhana 10:27

Mɛ̀ɛrɛ́ mɛɛ ri tãa yee mɛɛ ɓarɛ katɔ. N zi ri nung tɔ, a ri dũng m katɔ.

Luka 18:31

Yeesɔ gɔ̃ zang ɓɔɔ ri mantɛ vuu ka bii ɓiɓɛ kopi tu ziti dang gbete, a kɔɔ ri tɔɔ, “Nɔɔ zirɛ, ruu daa kana Urushalima, vuu piti ɓɔɔ zang nyaa shonang Laa ri bee ka yuu mɛɛ ɓɔɔ n Jaa Shɔnzang, daa nwang kaa naa ɓɔɔ ri bee ɓɛɛ.

Luka 1:70

Laa palɛ tɔ naa ɓɔɔ wu kɔɔ nɛɛ nyaa zang nyaa shonang ɓiɓɛ ka tĩng tɛ̃ɛ tɛ̃ɛ ɓɛɛ.

Maraku 1:2

Gaayu ka naa ɓɔɔ zang bee ka yeti labeenang Ishaya, zang nyaa shonang Laa ɓɛɛ. “Laa tɔɔ, “ ‘N shong zang shonang mɛɛ, ɓɔɔ palɛ mɔɔ gbalang ditɔ ka tĩng ɓaaɓɛ.’ ”

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Zang Shonang Yeesɔ 7:42

A Laa raa ri yuu knti. A yaa ri nɛɛ ri bang rɛɛ sang ɓɔɔ ka lapa ɓɛɛ, naa ɓɔɔ rɛɛ zang nyaa shonang Laa ri bee ka yeti labeenang ɓɛɛ. Zang nyaa shonang Laa beeyi tɔɔ, “ ‘Zang Isirela, nɔɔ dɔ̀ɔ nkɔ vuu vaa ɓɔɔ nɔɔ yele ka jĩngti saa laa ziti ɓɛɛ ya?

Zang Shonang Yeesɔ 13:40

Ka ruu nɔngkɔ, nɔɔ palɛ waasɛ̃ vuu ɓɔɔ rɛɛ zang nyaa shonang ri kɔɔyi, nɛɛ pálɛ̀ nɔɔ. Ri kɔɔyi tɔɔ,

Filipi 3:15

Wee naa ɓɔɔ rùu ɓɔɔ rùu tɔ̀ɔ́ wujɛ ka rɛɛ vuu Suru Laa kpang, rùu rɛ̃rɛ ɓɛɛ kɔ. Naa zang ɓɔɔ kagn teteng manɛ rɛ̃rɛ náabm̀, Laa naa tusu nɔɔ ditɔ nɔɔ zi waasɛ̃.

1 Yɔhana 2:27

Ɓɔɔ bii manɛ Suru Laa ɓɔɔ nɔɔ ta nɛɛ bii Yeesɔ kagn yeti manɛ. Ka ruu nɔngkɔ, nɔɔ manɛ tɔ̀ɔ́ zang ɓɔɔ zang ɓɔɔgn kɔɔ nɛɛ, wu tusu nɔɔ vuu ɓɔɔ kpang. Ka ruu ɓɔɔ Suru Laa tusu nɔɔ vuu piti ɓɛɛ. Vuu ɓɔɔ Suru Laa keɓe tusu, ɓi ɓɔɔ niizang ɓɛɛ, ɓi ɓɔɔ sèé kpang. Ka ruu nɔngkɔ, nɔɔ nwang nɛɛ Kirisi ka nyaa zɔɔ naa ɓɔɔ Suru Laa tusu nɔɔ ɓɛɛ.