Yɔhana 5:20 - Nyaa Shɔɔ Ɓɔɔ Laa a Ɓɛɛ

²⁰ Daa kasɛ ruu Jaa katɔ, a tí tusu Jaa vuu ɓɔɔ wukɔ Daa wu palɛ katɔ. Ti naa tusu Jaa vuu bang bang ɓɔɔ ɓa weɓe ditɔ, tɔ̀ɔ, nɔɔ zirɛ, nɔɔ mã naa kaa danggn.

Yɔhana 5:20 Referans Kwoze

Yɔhana 3:35

Daa kasɛ Jaa katɔ, a yaa vuu piti ka naa ɓiɓɛ.

Matiyu 3:17

Ri ti tãa yee nɛɛ lapa tɔɔ, “Wee jaa mɛɛ ɓɔɔ yeti mɛɛ kasɛ wu gbãng gbãng ɓɛɛ kɔ.”

2 Bituru 1:17

Ka diki ɓɔɔ Laa tusu ruu bannang nɛɛ naa vuu palɛnang Yeesɔ Kirisi ɓɛɛ, ruu ka nɔng. Ruu ti tãa katɔ ka ɓɔɔ, Laa ɓɔɔ ɓa zang piti bannang kɔɔyi ɓɛɛ nɛɛ, “Wee Jaa mɛɛ ɓɔɔ n kasɛ katɔ gbãng gbãng ɓɛɛ kɔ, shing m n tãa tĩnang dɔɔli.”

Yɔhana 17:26

N tusu ri mɔɔ tɔ, n ti tusu ri ditɔ sasak, tɔɔ ri kasɛ zɔɔ kaa jong naa ɓɔɔ mɔɔ kasɛ m ɓɛɛ. Ń ti nwáng jong nɛɛ ri.”

Yɔhana 15:15

N ɓàa nɔɔ tɔ̀ɔ́ nɛɛ nɔɔ zang ɓɔɔ ri pàlɛ́ m shonang kpang, ka ruu ɓɔɔ, zang ɓɔɔ pàlɛ́ zang shonang zi vuu ɓɔɔ dabang gãa ɓiɓɛ palɛ kpang ɓɛɛ. N ɓáa nɔɔ nɛɛ, rɛɛ masang, ka ruu ɓɔɔ, n kɔ̀ɔ nɔɔ vuu ɓɔɔ n tãa ka nyaa Daa mɛɛ tɔ nandon ɓɛɛ.

Yɔhana 14:12

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Yɔhana 10:32

Yeesɔ kɔɔ ri tɔɔ, “N pálɛ́ vuu tɔ̃ɔ tɔ dɔɔli, ɓɔɔ Daa a m naa nɛɛ n palɛ ɓɛɛ. Nɔɔ luku m, ɓu ka ruu wi ka teteng ɓarɛ gbete wiya?”

Yɔhana 5:29

Ri nwangkɛ, zang ɓɔɔ ri nɛɛ palɛ vuu tɔ̃ɔ, zang wisi ri paa ri walɛ suru bii. Zang ɓɔɔ ri nɛɛ palɛ vuu shi kpang, zang wisi ri paa, tɔ̀ɔ zang jɛ̃ɛ ri ruu ɓɛɛ.

Yɔhana 5:25

N kɔ̀ɔ́ nɔɔ ruu ɓɔɔ niizang kɔ nwani, diki a kana, diki bìí ti a tɔ, diki ɓɔɔ zang ɓɔɔ ri vɔlɔ tɔ ri tãa yee Jaa Laa ɓɛɛ. Zang ɓɔɔ ri tãayi, a ri ti dũngnɛ, ri nwáng ningkãari tɔkn.

Yɔhana 5:21

Naa ɓɔɔ Daa wisi zang paa nɛɛ sàa, wu a ri suru bii, Jaa ti a zang ɓɔɔ wu kasɛ, suru bii doo nɔngkɔ.

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Luka 10:22

“Daa mɛɛ a m vuu piti tɔ ka naa. A zang ɓɔɔ zi Jaa kagn gbete kpang. Daa kɔ zi wu gbete. Zang ɓɔɔ ti zi Daa kagn gbete kpang, Jaa kɔ zi wu gbete nɛɛ shɔnzang piti ɓɔɔ Jaa kasɛ nɛɛ wu tusu wu Daa ɓɛɛ.”

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 4:8

A Sheetang tuu wu tɔkn daa nɛɛ wu ka yuu kɔpɔ ɓɔɔ beebang ɓɛɛ, a tusu wu koolaa ɓɔɔ ka bm bm nandon, nɛɛ vuu tɔ̃ɔ ɓɔɔ kagn piti.