Yɔhana 4:45 - Nyaa Shɔɔ Ɓɔɔ Laa a Ɓɛɛ

⁴⁵ Ɓɔɔ naa shɛ̃ɛ tipi Galili, zang Galili ri ta wu waasɛ̃, ka ruu ɓɔɔ, ri daa nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ ka Urushalima, a ri zi vuu ɓɔɔ wu pálɛ́ ka diki nyaalaa nandon ɓɛɛ.

Yɔhana 4:45 Referans Kwoze

Yɔhana 2:23

Ɓɔɔ bɛ̀ɛ́ Yeesɔ doo ka Urushalima, ka diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, zang dɔɔli ri shing danggn ka bii ɓiɓɛ, ka ruu ɓɔɔ, ri zili vuu ɓɔɔ zang zirɛ zang mã naa ka danggn ɓɔɔ wu pálɛ́ ɓɛɛ.

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Luka 9:53

A zang gari kaɓa ri kasɛ nɛɛ Yeesɔ wu a ka yeti gari ɓarɛ kpang. Ka ruu ɓɔɔ, ri zi tɔ nɛɛ Yeesɔ shing jĩng ɓi kaa Urushalima daanang ɓɛɛ.

Luka 8:40

Yeesɔ naa gbãayu tɔ ka nyaa rang dang tɔkn, zang ɓɔɔ ri kpalɛ zɔɔ gaagaa ri tãa tĩnang dɔɔli, a ri ta wu kati. Ka ruu ɓɔɔ, bɛ̀ɛ́ ri gã wu katɔ nandon ɓɛɛ.

Luka 13:1

Ka diki kaɓa, zang ɓɔɔ ri kagn nɔng, ri kɔɔ Yeesɔ ruu zang Galili ɓɔɔ Bilatu shingnɛ, zang nyɔ ri vɔrɔ bɛ̀ɛ́ ri dɔɔ Laa vuu ɓɛɛ.

Yɔhana 4:54

Ɓu dòo ɓɔɔ Yeesɔ gbãayu nɛɛ, tipi Yahudi a ka tipi Galili, pálɛ́ vuu ɓɔɔ zang zirɛ zang mã naa ka danggn daa kaa nɛɛ weɓe ziti.