Yɔhana 20:24 - Nyaa Shɔɔ Ɓɔɔ Laa a Ɓɛɛ

²⁴ Ka diki ɓɔɔ Yeesɔ nwang nyaa ka bii ɓarɛ ɓɛɛ, Tooma, ɓɔɔ zang ɓaa wu nɛɛ jaa bãnang, ɓɔɔ ka teteng zang kopi tu ziti ɓɔɔ ri mantɛ vuu ka bii Yeesɔ, ɓi ka nɔng kpang.

Yɔhana 20:24 Referans Kwoze

Yɔhana 11:16

A Tooma, ɓɔɔ zang ɓaa wu nɛɛ jaa bãnang ɓɛɛ, kɔɔ rɛɛ zang ɓɔɔ wu mantɛ vuu nɛɛ ri ka bii Yeesɔ ɓɛɛ tɔɔ, “Ruu dita, ruu daa vɔ nɔɔ nɛɛ wu.”

Yahudi 10:25

Ruu yaa nɔɔ yuu kpalɛnang nɛɛ zɔɔ kpang, naa ɓɔɔ zang ɓɔɔ ri kɔng bii yaarɛnang ɓɛɛ. Ruu mã nɔɔ zɔɔ danggn ruu ti mã nɔɔ zɔɔ kaa gbãng gbãng, ka wee ruu zi tɔ, diki ɓɔɔ Yeesɔ gbãayu kagn, a naabm kana ɓee.

Yɔhana 21:2

Siman Bituru nɛɛ Tooma ɓɔɔ zang ɓaa wu nɛɛ Jaa bãnang nɛɛ Natanalu, yɔɔ gari Kaana ɓɔɔ ka tipi Galili ɓɛɛ, nɛɛ wujɛ Zebedi ziti, a ɓɔɔ zang ɓɔɔ ri mantɛ vuu doo ka bii Yeesɔ kɔ, ri ziti, ri nɛɛ zɔɔ ka nɔng gbete.

Yɔhana 14:5

Tooma kɔɔ wu tɔɔ, “Kpanti, ruu zi nɔng ɓɔɔ mɔɔ dàá ɓɛɛ kpang, a ruu zi gbalang ɓɔɔ ruu sɔɔ ɓɛɛ kaa biya?”

Matiyu 10:3

nɛɛ Filibu, nɛɛ Batolomi, nɛɛ Tooma, nɛɛ Matiyu ɓɔɔ ta saka tipi ɓɛɛ, nɛɛ Yakub jaa Alifaya, nɛɛ Tadayu,

Matiyu 18:20

Ka ruu ɓɔɔ, nɔng ɓɔɔ zang ziti, kɔ zang taati ri kpalɛ zɔɔ kagn, ka ruu nung mɛɛ, n kagn teteng ɓarɛ ɓɛɛ.”

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Yɔhana 6:71

Rang ruu keɓe ɓi ka yuu Yahuda, jaa Siman Isikariyoti. Yahuda ka teteng zang kopi tu ziti ɓɔɔ ri mantɛ vuu ka bii Yeesɔ ɓɛɛ, wukɔ ti naa nyɔ yuu Yeesɔ.