Yɔhana 20:2 - Nyaa Shɔɔ Ɓɔɔ Laa a Ɓɛɛ

² Ka ruu nɔngkɔ, yurɛ daa ka bii Siman Bituru nɛɛ yɔɔ ɓɔɔ mantɛ vuu ka bii Yeesɔ ɓɔɔ gbete ɓɔɔ bɛ̀ɛ́ Yeesɔ kasɛ wu dɔɔli ɓɛɛ. A kɔɔ ri tɔɔ, “Zang tuu vɔrɔ Kpanti Yeesɔ tɔ nɛɛ yeti sàa, ruu zi nɔng ɓɔɔ zang shing wu kagn ɓɛɛ kpang.”

Yɔhana 20:2 Referans Kwoze

Yɔhana 13:23

Zang gbete ka teteng ɓarɛ ɓɔɔ Yeesɔ kasɛ wu dɔɔli ɓɛɛ, nwáng nɛɛ wu naabm.

Yɔhana 20:13

Ri hɛ̃ɛlɛ Marayamu nɛɛ, “Jaa soro, mɔɔ kaa viya?” Marayamu kasɛ ri nyaa tɔɔ, “Zang tuu Kpanti mɛɛ tɔ, n zi nɔng ɓɔɔ zang shing wu kagn kpang.”

Yɔhana 21:24

Yɔɔ ɓɔɔ mantɛ vuu ka bii Yeesɔ keɓe kɔ kɔɔrɔ vuu keɓe, wukɔ ti beeyi ka labeenang. Ruu ti zi tɔ, vuu ɓɔɔ wu kɔ̀ɔ ɓɛɛ ɓi niizang kɔ nwani.

Yɔhana 21:7

Yɔɔ ɓɔɔ mantɛ vuu ka bii Yeesɔ ɓɔɔ Yeesɔ kasɛ wu dɔɔli ɓɛɛ, kɔɔ Bituru tɔɔ, “Ɓi Kpanti Yeesɔ.” Ɓɔɔ Bituru tãayi nɛɛ ɓi Kpanti, lu fɔ̃ɔrɔ ɓɔɔ biling ɓiɓɛ ka bii (ka ruu ɓɔɔ, bɛ̀ɛ́ tùlù fɔ̃ɔrɔ katɔ ɓɛɛ.) A shɛ̃ɛ ka yeti mii nɛɛ wu daa ka bii Yeesɔ.

Yɔhana 19:26

Yeesɔ zi niiɓɛ, nɛɛ yɔɔ ɓɔɔ mantɛ vuu ka bii ɓiɓɛ, ɓɔɔ wu kasɛ wu dɔɔli ka nɔng ɓɔɔ ri shii ɓɛɛ. A Yeesɔ kɔ̀ɔ nàá ɓiɓɛ tɔɔ, “Maanaa, Jaa ɓaaɓɛ kiɓi kɔ.”

Yɔhana 21:20

Bituru raa jĩng ka knti, a zi yɔɔ ɓɔɔ mantɛ vuu ka bii Yeesɔ ɓɔɔ Yeesɔ kasɛ wu dɔɔli ɓɛɛ. Ɓɔɔ tiki ka danggn Yeesɔ naabm ka diki ɓɔɔ ri shaa vuu shaanang ɓɛɛ. A ti hɛ̃ɛ Yeesɔ tɔɔ, “Kpanti, wi naa nyɔ yuu ɓaaɓɛ wiya?”

Yɔhana 20:15

Yeesɔ hɛ̃ɛ wu tɔɔ, “Jaa soro, mɔɔ kaa viya? Mɔɔ kãa wiya?” Marayamu kɔ̀ɔ́ ɓi naa zang gbãng kɔ, a kɔɔ wu nɛɛ “Maalang, mɔkɔ nɛɛ tuu wu, tusu m nɔng ɓɔɔ mɔɔ shing wu kagn, n daa tuu wu.”

Yɔhana 20:9

(Bɛ̀ɛ́ ri zi dĩiri vuu ɓɔɔ zang bee ka yeti labeenang Laa nɛɛ Yeesɔ naa yupaa ditɔ nɛɛ sàa ɓɛɛ gn kpang.)