Yɔhana 19:39 - Nyaa Shɔɔ Ɓɔɔ Laa a Ɓɛɛ

³⁹ Ri daa nɛɛ Nikodimu, yɔɔ ɓɔɔ daa ka bii Yeesɔ nɛɛ zĩi ɓɛɛ. Nikodimu atɛ gãnang ɓɔɔ nwàng naa lang, ɓɔɔ zang tũuru vɔrɔ ka bii, tɔ̀ɔ, wu pũ̀ng pati kpang, ɓɔɔ zang palɛ nɛɛ muru nɛɛ alu ɓɛɛ. Gãnang keɓe yi nyaa waka bang bang kopi katɔ.

Yɔhana 19:39 Referans Kwoze

Yɔhana 12:7

Yeesɔ kɔɔyi tɔɔ, “Yaa jaa soro ka nɔngkɔ. Shing nung keɓe ka ruu diki ɓɔɔ zang naa gbãa m ɓɛɛ.

Maraku 16:1

Diki Ɔ̃sɔnang naa ɓa tɔ, Marayamu Magadaliya nɛɛ Marayamu nàá Yakubu, a ɓɔɔ Salomi, ri hoo nung ɓɔɔ a sɛ̃ɛ tɔ̃ɔ ɓɛɛ, nɛɛ ri daa tũuru vɔrɔ Yeesɔ ka bii.

Matiyu 19:30

A zang dɔɔli ka teteng zang kɔ ri ka tĩng kãntang keɓe, kɔ naa waa nyaa knti. Zang kɔ ri ka knti kãntang keɓe, kɔ naa sɔɔ zang tĩng kaa jong.”

Matiyu 12:20

Ti naa ka lagaa ɓɔɔ lang katɔ kpang. Ti naa ningsi waa zàáng sɔɔ ɓɔɔ ning kana kpang. Wu ti yi tĩng nɛɛ Ruu Laa sasak, zang piti ri zi ruu ɓɔɔ niizang nɛɛ mani.

Matiyu 2:11

A ri a ka yeti gãa, ri naa zi jaa rɛ̃ɛting kaa nɛɛ niiɓɛ Marayamu. A ri tang nɛɛ gutu, ri bang wu. Ri puu nyaa duku ɓarɛ, ri see saka ɓɔɔ kɔlɔ katɔ, ɓɔɔ zang ɓáa nɛɛ zinariya, nɛɛ nung ɓɔɔ a sɛ̃ɛ tɔ̃ɔ ɓɛɛ, a ɓɔɔ nung ɓɔɔ zang ɓáa nɛɛ muru ɓɛɛ, ri a jaa. Ri tɔɔ, ri gbãayu kaa tɔ,

Yɔhana 12:3

A Marayamu tuu nung ɓɔɔ shaa nyaa dɔɔli, ɓɔɔ ti a sɛ̃ɛ tɔ̃ɔ, ɓɔɔ zang palɛ nɛɛ dĩiri laa ɓɔɔ zang ɓaa nɛɛ naadi kɔ shɛ̃ɛning ɓɛɛ. Túu nung, a tungku ka doo Yeesɔ, ti alɛ doo bìí nɛɛ suuyuu ɓiɓɛ. Sɛ̃ɛ nung ta yeti gãa kaa gbayi gbayi.