Yɔhana 17:18 - Nyaa Shɔɔ Ɓɔɔ Laa a Ɓɛɛ

¹⁸ N shong ri ka koo naa ɓɔɔ mɔɔ shong m ka koo ɓɛɛ.

Yɔhana 17:18 Referans Kwoze

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 4:38

N shong nɔɔ nɛɛ nɔɔ daa yee vuu ka jaa ɓɔɔ wu nɔkɔ lang kpang ɓɛɛ. Zang ɓɔɔgn ri langnɛ, nɔɔ wàlɛ́ vuu shaanang manɛ kaa nɔng ɓɔɔ ri pálɛ̀ shonang ɓɛɛ.”

Matiyu 10:5

A Yeesɔ shong zang kopi tu ziti keɓe kati. Kɔɔ ri tɔɔ, “Nɔɔ daa ka nɔng zang ɓɔɔ ri zang Yahudi kpang kɔ shɛ̃ɛning. Nɔ́ɔ ti daa gari zang Samariya gbete kpang.

Afisa 3:7

Laa shing m nɛɛ n nwang zang shonang ɓɔɔ kɔɔ zang Ruu Tɔ̃ɔ, nɛɛ bìí vuu tɔ̃ɔ ɓɔɔ wu a m ɓɛɛ. Laa a m vuu tɔ̃ɔ keɓe nɛɛ naa vuu palɛnang ɓiɓɛ.

Yɔhana 17:23

Naa ɓɔɔ n nwang nɛɛ ri, a mɔɔ nwang nɛɛ n ɓɛɛ. Tɔ̀ɔ, ri nwang kaa jong ka nyaa zɔɔ dɔ̃ɔ gbete. Tɔ̀ɔ, zang koo ri zi kati nɛɛ mɔkɔ shong m, nɛɛ mɔɔ ti kasɛ zang ɓɔɔ ri mantɛ vuu ka bii mɛɛ katɔ, naa ɓɔɔ mɔɔ kasɛ m ɓɛɛ.

Yɔhana 17:21

N gaa mɔɔ nɛɛ ri nwang ka nyaa zɔɔ gbete. Daa mɛɛ, n gaa mɔɔ nɛɛ ri nwang nɛɛ ruu, naa ɓɔɔ mɔɔ nwang nɛɛ n, a n ti nwang nɛɛ mɔɔ ɓɛɛ. Tɔ̀ɔ, zang koo ri shing danggn kati nɛɛ mɔkɔ shong m niizang.

Yɔhana 17:8

N kɔɔ ri nyaa ɓɔɔ mɔɔ shong m nɛɛ mani tɔ, a ri ti ta tɔ. Ri zi tɔ kati nɛɛ n a nɛɛ bii ɓaaɓɛ kɔ niizang. A ri ti shing danggn tɔ nɛɛ mɔkɔ shong m.

Matiyu 23:34

Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Yɔhana 17:25

Daa mɛɛ ɓɔɔ palɛ ɓi tɔ̃ɔ ɓɛɛ, zang koo ri zi mɔɔ ɓaa kpang. N zi mɔɔ m tɔ, a zang ɓɔɔ ri mantɛ vuu ka bii mɛɛ keɓe, ri zi tɔ nɛɛ mɔkɔ shong m.

Yɔhana 3:17

Ka ruu ɓɔɔ, Laa shɔng Jaa ɓiɓɛ ka koo nɛɛ wu naa jɛ̃ɛ zang koo ruu kpang, nɛɛ wu naa ta ɓi yuu zang koo kɔ jong ɓɛɛ.