Yɔhana 15:9 - Nyaa Shɔɔ Ɓɔɔ Laa a Ɓɛɛ

⁹ Naa ɓɔɔ Daa mɛɛ kasɛ m, n kasɛ nɔɔ doo nɔngkɔ. Nɔɔ yáa kasɛnang kɔ n kàsɛ̀ nɔɔ ɓee kpang.

Yɔhana 15:9 Referans Kwoze

Yɔhana 17:26

N tusu ri mɔɔ tɔ, n ti tusu ri ditɔ sasak, tɔɔ ri kasɛ zɔɔ kaa jong naa ɓɔɔ mɔɔ kasɛ m ɓɛɛ. Ń ti nwáng jong nɛɛ ri.”

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Yɔhana 15:13

Zang kasɛnang ɓɔɔ ɓa ɓɔɔ zang wu a yuu ɓiɓɛ, nɛɛ zang nyɔ wu vɔrɔ ka ruu rɛɛ ɓeesang kagn kpang.

Yɔhana 15:11

“N kɔ̀ɔ́ nɔɔ vuu keɓe, tɔ̀ɔ, nɔɔ tãa tĩnang ɓɔɔ n tãa ɓɛɛ kaa jong. Tĩnang manɛ wu nwang kaa nyaa kiiri.

Afisa 3:18

Tɔ̀ɔ, nɔ̀ɔ nɛɛ zang Laa nimbang nandon, nɔ́ɔ zi naa ɓɔɔ zang kasɛnang Yeesɔ Kirisi bangnɛ. Bangnɛ ɓa ɓɔɔ zang kɔɔ nɛɛ nyaa katɔ ɓɛɛ.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.

Yɔhana 3:35

Daa kasɛ Jaa katɔ, a yaa vuu piti ka naa ɓiɓɛ.