Yɔhana 12:40 - Nyaa Shɔɔ Ɓɔɔ Laa a Ɓɛɛ

⁴⁰ “Laa zuu ri jĩng katɔ, a ti zãa yeti ɓarɛ vuu zinang katɔ. Nɛɛ tɔɔ, jĩng ɓarɛ wu zi nɔng kaa takpang Yeti ɓarɛ ti zi vuu kpang. Ka ruu ɓɔɔ, ri nɛɛ gbãayu ka bii ɓiɓɛ, nɛɛ wu ta yuu ɓarɛ ɓɛɛ.”

Yɔhana 12:40 Referans Kwoze

Luka 8:10

A Yeesɔ kɔɔ ri tɔɔ, “Ruu ɓɔɔ zang waasɛ katɔ ka yuu Kpanti ɓɔɔ Laa rooyi, Laa a nɔkɔ naa zinang. A ɓɔɔ zang ɓɔɔgn, n rang ri yee ɓi nɛɛ nyaa vuu jeenang, ka ruu ɓɔɔ ri shu jĩng nɛɛ ri pɛ̃ɛrɛ vuu, ri zi kpang ɓɛɛ. Ri ɓaa shoo nɛɛ ri tãayi, ri ti zi vuu ɓɔɔ kagn kpang ɓɛɛ.”

Maraku 4:12

“Kaa ruu ɓɔɔ, ‘Tɔ̀ɔ, ri shu jĩng nɛɛ ri pɛ̃ɛrɛ vuu, ri zi kpang, ri ti ɓaa shoo, ɓaa shoo, ri zi vuu ɓɔɔ kagn yeti ɓiɓɛ kpang. Naa nɛɛ nɔngkɔ kpang, ri nɛɛ gbãayu tɔ, Laa nɛɛ yaa ri gbalang vuu shi kpang ɓarɛ tɔ.’ ”

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Yɔhana 9:39

Yeesɔ kɔɔyi tɔɔ, “N à ka koo keɓe nɛɛ n naa basɛ teteng zang. Tɔ̀ɔ, zang ɓɔɔ ri jĩng ringtang ri zi nɔng. Zang ɓɔɔ ri zi nɔng katɔ jĩng ɓarɛ wu zuuyi.”

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Rooma 9:18

Nɛɛ nɔngkɔ, gn kɔng Laa ka ruu zang ɓɔɔ gn ɓarɛ kɔng wu katɔ ɓɛɛ. Wu ti shing zang ɓɔɔ, ri táarɛ́ yuu.

Zang Shonang Yeesɔ 28:26

“Suru Laa kɔɔyi nɛɛ, ‘Daayi mɔɔ kɔɔ rɛɛ zang keɓe nɛɛ, Nɔɔ ɓáa shoo, nɔɔ ɓaa shoo, nɔɔ zi vuu ɓɔɔ zang kɔɔ kpang. Nɔɔ shu jĩng, nɔɔ shu jĩng, Nɔɔ zi vuu kpang.

Matiyu 15:14

Nɔɔ yaa ri ka nɔngkɔ, ri ɓarɛ zang jĩng ringtang ɓɔɔ tusu zang jĩng ringtang gbalang ɓɛɛ. Naa zang jĩng ringtang tɔɔ wu tusu zang ɓɔɔ doo jĩng ringtang kɔ doori gbalang, ri dáa gɔlɔ zɔɔ ɓarɛ ka too nandon.”

Zang Shonang Yeesɔ 15:3

A zang ɓɔɔ ri dũng Laa, ri shing ri zanti kati. Ri sɔɔ tipi Fonishiya nɛɛ Samariya, ri kɔɔrɔ zang naa ɓɔɔ zang ɓɔɔ ri zang Isirela kpang ri shing danggn tɔ ka bii Laa kati ɓɛɛ. Ruu keɓe shing zang ɓɔɔ ri shing danggn tɔ, ri tãa tĩnang dɔɔli.

Maraku 6:52

Ka ruu ɓɔɔ, ri zi dĩiri ruu ɓɔɔ Yeesɔ tusu nɛɛ borodi kaɓa gn kpang ɓɛɛ, a ri ti kasɛ nɛɛ ri ta vuu ɓɔɔ zang tusu ri ka yeti ɓarɛ kpang ɓɛɛ.

Yɔhana 12:39

Ishaya kɔɔ tɔkn tɔɔ, ri shing danggn kpang ka ruu ɓɔɔ,