Yɔhana 12:26 - Nyaa Shɔɔ Ɓɔɔ Laa a Ɓɛɛ

²⁶ Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 12:26 Referans Kwoze

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Kolosi 3:24

Danggn wu ning nɔɔ kpang, Kpanti Yeesɔ naa sɔ̀ɔrɔ́ nɔɔ doo ditɔ. Naa a nɔɔ vuu ɓɔɔ wu shìng zang ɓiɓɛ katɔ ɓɛɛ ditɔ. Ka ruu ɓɔɔ, ɓi Yeesɔ Kirisi kɔ dabang gãa ɓɔɔ niizang ɓɔɔ nɔɔ pàlɛ́ wu shonang ɓɛɛ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Yɔhana 10:27

Mɛ̀ɛrɛ́ mɛɛ ri tãa yee mɛɛ ɓarɛ katɔ. N zi ri nung tɔ, a ri dũng m katɔ.

2 Koranti 5:8

Ruu yaa gn naa kpang. Ruu kasɛ katɔ kɔ jong, ruu yaa bii kɔ wukɔ gãa ɓuru ɓee, ruu daa nwang kaa nɛɛ Kpanti Yeesɔ.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

1 Yɔhana 5:3

Zang ɓɔɔ kasɛ Ruu Laa katɔ niizang, dũng nyaa ɓɔɔ Laa dang ɓɛɛ katɔ. Nyaa ɓɔɔ Laa dangnɛ kpãa dũnnang ɓi kpang.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Rooma 14:18

Zang ɓɔɔ nɛɛ palɛ Kirisi shonang naa weɓe, shingnɛ, Laa tãa tĩnang, wu ti shingnɛ, shɔnzang wu kasɛ vuu ɓɔɔ wu palɛ ɓɛɛ.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Luka 6:46

“Ka ruu vi, nɔɔ ɓaarɛ m nɛɛ ‘Kpanti, Kpanti,’ a nɔɔ palɛ vuu ɓɔɔ n kɔɔ nɔɔ kpang viya?

Filipi 1:23

N shii kaa teteng vuu ziti keɓe. N kasɛ gbãng gbãng, n yaa koo keɓe, n daa nwang kaa nɛɛ Yeesɔ Kirisi. Ka ruu ɓɔɔ, wukɔ tɔ̃ɔ, ɓa nwannang ningkãari ka koo keɓe katɔ ɓɛɛ.

Yɔhana 14:3

N nɛɛ daa tɔ, n nɛɛ daa shĩili nɔng tɔ, n gbãayu kati. Ń naa see nɔɔ, nɔ́ɔ daa nwáng nɛɛ n, ka nɔng ɓɔɔ n kagn ɓɛɛ.

Yɔhana 13:16

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ pàlɛ́ zang shonang, ɓa dabang gãa ɓiɓɛ ɓi kpang. Zang nyaa shonang ti ɓa zang ɓɔɔ shong wu ɓi kpang.

Luka 9:23

A kɔɔ zang tɔɔ, “Zang ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ diki, diki wu dũng m.

Matiyu 25:21

“Yɔɔ gãa ɓiɓɛ tɔɔ, ‘Nn hn, mɔɔ zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ, ka vuu ɓɔɔ tɔkɔlɔng, n shing mɔɔ ka yuu vuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Vuu ɓɔɔ zang nwangsɛ Yɔhana 14:4

Zang keɓe nandon, ɓi rikɔ zang ɓɔɔ ri palɛ dũndũng nɛɛ zang soro kpang, ri yiti yuu ɓarɛ waasɛ̃ ɓɛɛ. Rikɔ ti dũlu Jaa Mɛ̀ɛrɛ́ ka knti ka nɔng ɓɔɔ wu dàá ɓɛɛ piti. Zang tà yuu ɓarɛ kɔ, nɛɛ teteng rɛɛ shɔnzang, a zang a Laa nɛɛ Jaa Mɛɛrɛ ɓiɓɛ ri.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Yɔhana 21:22

Yeesɔ kasɛ wu nyaa tɔɔ, “Naa n kasɛ nɛɛ wu vɔ kpang, n gbãayu nɛɛ mani, ruu ɓaa hãa kagn ya? Palɛ ɓaa vuu ɓɔɔ n kasɛ ɓɛɛ.”

Yɔhana 14:15

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Maraku 8:34

A Yeesɔ ɓaa nyaa ka zang ɓɔɔ ri kpalɛ zɔɔ, nɛɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ. Wu tuu laa ɓiɓɛ ɓɔɔ zang naa ɓaa wu naa kagn ɓɛɛ, wu dũng m.

Matiyu 16:24

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Luka 12:37

Tĩnang tãanang ɓi ɓɔɔ zang shonang ɓɔɔ dabang ɓarɛ arɛ naa ĩi ri ningkãari ɓɛɛ. N kɔ̀ɔ́ nɔɔ ruu ɓɔɔ niizang kɔ nwani, wukɔ naa tu fɔ̃ɔrɔ ɓiɓɛ jong, wu shing ri, ri nwang ka nɔng vuu shaanang, wu a ri vuu shaanang ri shaayi.