Yɔhana 12:1 - Nyaa Shɔɔ Ɓɔɔ Laa a Ɓɛɛ

¹ Diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa mangbete, a Yeesɔ daa ka Bɛtani. Daa ka gãa Liyazaru, yɔɔ ɓɔɔ wu wisi paa nɛɛ saa ɓɛɛ.

Yɔhana 12:1 Referans Kwoze

Luka 24:50

A nwang nɛɛ yeti gari nɛɛ ri, naabm nɛɛ Bɛtani. A see naa ka lapa, gaa Laa nɛɛ, Laa wu palɛ ri tɔ̃ɔ jong.

Yɔhana 12:20

Zang Heleni kagn teteng zang ɓɔɔ ri daa Laa bannang ka Urushalima, ka ɓɔɔ zang daa nyaalaa shaanang ɓɛɛ.

Yɔhana 11:55

Diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ a naabm kana. Zang yùkú paa kana nɛɛ jaa gari, zang daarɛ ka gari Urushalima nɛɛ zang daa palɛ vuu ɓɔɔ zang dang nyaa nɛɛ zang palɛ, nɛɛ tɔɔ Laa wu yaa zang gbalang vuu shi kpang ɓɛɛ. Ri pálɛ̀ vuu keɓe ka gbongkarɛ, tɔ̀ɔ, diki nyaalaa wu a kati.

Yɔhana 11:1

Yɔɔ ɓɔɔ kagn roo gãa ka Bɛtani, zang ɓaa wu nɛɛ Liyazaru. Vuu pálɛ́ wu katɔ. Bɛtani ɓi gari rɛɛ Marayamu nɛɛ jaa niiɓɛ zang soro ɓɔɔ zang ɓaa wu nɛɛ Mata ɓɛɛ.

Matiyu 21:17

A Yeesɔ yaa ri, nwang kaa nɛɛ yeti gari, daa roo ka Bɛtani.

Yɔhana 11:44

Liyazaru nwangnɛ, doo naa ɓɔɔ zang dang wu nɛɛ fɔ̃ɔrɔ ɓɔɔ zang gbãa vɔrɔ nɛɛ mani ɓɛɛ. Zang ti mã wu jĩng katɔ nɛɛ sɛ̃ɛ fɔ̃ɔrɔ. Yeesɔ kɔɔ zang tɔɔ, “Nɔɔ kãlɛ wu ta, nɔɔ yaa wu, wu daayi.”

Maraku 11:11

Yeesɔ naa shɛ̃ɛ Urushalima tɔ, a daa ka yeti Gãa Laa. A pɛ̃ɛrɛ vuu tɔ nandon, a naa nwangnɛ daa ka gari Bɛtani nɛɛ zang ɓɔɔ ri mantɛ vuu ka bii ɓiɓɛ kopi tu ziti, ka ruu ɓɔɔ, laa hãa nyaa kana ɓɛɛ.

Luka 7:37

Jaa soro ɓɔɔ palɛ vuu shi kpang kagn gari kaɓa. Ɓɔɔ tãa nyaa nɛɛ Yeesɔ shaa vuu shaanang ka gãa zang Farisi kaɓa, seepaa, tuu nung ɓɔɔ á sɛ̃ɛ tɔ̃ɔ tɔ̃ɔ ɓɛɛ. Zang sú nung bìí ka zàáng ɓɔɔ zang palɛ nɛɛ tari ɓɔɔ kɔlɔ katɔ ɓɛɛ. A nɛɛ mani ka bii Yeesɔ.

Yɔhana 11:43

Kɔɔ tɔ naa weɓe, a ɓaa nyaa kaa nabm nɛɛ, “Liyazaru, nwáng ta, mɔɔ a ka biling.”

Yɔhana 12:9

Zang Yahudi dɔɔli ri tãa nyaa nɛɛ Yeesɔ ka Bɛtani a ri daayi. Ri dàa ka ruu Yeesɔ kɔ shɛ̃ɛning kpang, nɛɛ ri daa zi ɓɔɔ kaa Liyazaru ɓɔɔ Yeesɔ wisi wu paa nɛɛ sàa ɓɛɛ.

Yɔhana 12:12

Nɔng naa gãntɛ tɔ, a zang dɔɔli ɓɔɔ ri a nɔng nyaalaa shaanang, ri tãa nyaa nɛɛ Yeesɔ a kana Urushalima.