Yɔhana 10:28 - Nyaa Shɔɔ Ɓɔɔ Laa a Ɓɛɛ

²⁸ N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 10:28 Referans Kwoze

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

Yɔhana 18:9

Vuu keɓe nwang naa ɓɔɔ wu kɔɔ ka tĩng ɓɛɛ, kɔɔyi nɛɛ, “N ning zang ɓɔɔ mɔɔ a m ri ka naa gbete kpang ɓɛɛ.”

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

1 Yɔhana 2:25

Vuu ɓɔɔ Yeesɔ kɔɔyi tɔɔ, wu naa a ruu, wukɔ suru bii ɓɔɔ waa nyaa kpang ɓɛɛ.

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

1 Yɔhana 2:19

Ri nwáng nɛɛ teteng ɓuru, ka ruu ɓɔɔ, bɛ̀ɛ́ ri ɓarɛ zang ɓuru ɓɔɔ niizang kpang kɔ nwani ɓɛɛ. Naa ri nɛɛ zang ɓuru, ri nɛɛ nwàng dòo nɛɛ ruu. Daanang ɓarɛ kɔ tusu zang nɛɛ, zang ɓuru kagn teteng ɓarɛ gbete kpang.

1 Yɔhana 5:11

Vuu ɓɔɔ Laa kɔɔ keɓe kɔ. Laa a ruu suru bii ɓɔɔ waa nyaa kpang tɔ. Suru bii ɓɔɔ waa nyaa kpang keɓe, ruu wálɛ̀ ka bii Jaa ɓiɓɛ.

Yahuza 1:21

Nɔɔ yiti yuu manɛ ka kasɛnang ɓɔɔ Laa kasɛ nɔɔ ɓɛɛ, ka ɓɔɔ nɔɔ gã Kpanti ɓuru Yeesɔ Kirisi wu pàlɛ̀ ruu tɔ̃ɔ, wu a ruu suru bii ɓɔɔ waa nyaa kpang ɓɛɛ.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

Yɔhana 11:25

Yeesɔ kɔɔ wu tɔɔ, “Nkɔ wisi zang paa nɛɛ sàa, nkɔ ti a zang suru bii. Zang ɓɔɔ nɛɛ shing danggn ka bii mɛɛ, náa vɔ doori, nwáng ningkãari ditɔ tɔkn.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

2 Tesalonika 2:13

Rɛɛ manzung, ruu zã́a Laa katɔ ka diki kiya piti, ka ruu manɛ, ɓɔɔ Laa kasɛ nɔɔ katɔ ɓɛɛ. Ka ruu ɓɔɔ, Laa zɔ̃ng nɔɔ nɛɛ wu ta yuu manɛ kɔ shɔɔnang ɓɛɛ. Nɛɛ wu ta yuu manɛ nɛɛ naa vuu palɛnang Suru ɓiɓɛ, tɔ̀ɔ wu shing nɔɔ, nɔɔ nwang zang Laa, a ɓɔɔ kaa ruu danggn ɓɔɔ nɔɔ shing ka ruu ɓɔɔ niizang ɓɔɔ ka yuu Kpanti ɓuru Yeesɔ Kirisi ɓɛɛ.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

Rooma 5:21

Ka ruu nɔngkɔ, naa ɓɔɔ vuu shi kpang roo kpanti nɛɛ bii vɔrɔ, tɔ̃ɔ Laa ti roo kpanti doo nɔngkɔ nɛɛ bii nwannang tɔ̃ɔ ka tĩng Laa. Tɔ̀ɔ, ruu walɛ suru ɓɔɔ waa nyaa kpang nɛɛ bii Kpanti ɓuru Yeesɔ Kirisi.

1 Timoti 1:16

Ka ruu ruu keɓe kɔ, gn mɛɛ kɔng Laa, nɛɛ tɔ̀ɔ, Yeesɔ Kirisi wu túsú naa ɓɔɔ wu mã danggn nɛɛ n gbãng gbãng, wu tà yuu mɛɛ ɓɛɛ. Ɓɔɔ nkɔ pálɛ̀ vuu shi kpang n ɓa zang piti ɓɛɛ. Tɔ̀ɔ, zang piti ɓɔɔ ri naa shing danggn ka bii ɓiɓɛ, ri zi kati, ri walɛ suru bii ɓɔɔ waa nyaa kpang kati.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Rooma 5:17

Vɔrɔ roo kpanti, ka ruu vuu shi kpang ɓɔɔ Adamu gbete palɛ. A zang gãsɛ vuu keɓe kaa tɔ̀ɔ́ nɛɛ vuu ɓɔɔ Yeesɔ palɛ ɓɛɛ kpang. Zang ɓɔɔ Laa nɛɛ palɛ ri tɔ̃ɔ dɔɔli, a shing ri waati, ri nwáng zang tɔ̃ɔ ka tĩng ɓiɓɛ. Ri nwáng ningkãari, ri roo kpanti nɛɛ bii zang gbete keɓe, Yeesɔ Kirisi.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Zang Shonang Yeesɔ 7:59

Ri luku Istifanu kana, a gaa Laa tɔɔ, “Kpanti Yeesɔ, ta suru mɛɛ ta.”

Yɔhana 14:19

Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Yɔhana 6:47

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, suru bii ɓɔɔ waa nyaa kpang kagn bii ɓiɓɛ.

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Rooma 5:9

Ka ruu zĩi ɓiɓɛ, ruu nwáng zang tɔ̃ɔ tɔ ka tĩng Laa. Vuu ɓɔɔ naa pàlɛ́ ruu ɓa weɓe katɔ, ta ruu ditɔ nɛɛ jĩng dannang ɓɔɔ Laa naa dang zang ɓɛɛ.

Yɔhana 6:68

Siman Bituru kasɛ wu nyaa tɔɔ, “Kpanti, ruu daa kaa bii wiya? Mɔkɔ kɔ̀ɔ́ ruu ɓɔɔ a zang suru bii ɓɔɔ waa nyaa kpang ɓɛɛ.

Luka 23:46

Yeesɔ kaa nyaa ka lapa nɛɛ, “Daa mɛɛ, n a mɔɔ Suru bii mɛɛ tɔ ka naa ɓaaɓɛ.” Kɔɔ naa weɓe, a vɔrɛ.

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Yɔhana 10:29

Daa mɛɛ ɓɔɔ wukɔ a m ri, ɓa zang katɔ nandon. Zang ɓɔɔ ta ri nɛɛ naa Daa mɛɛ, nɛɛ kaka kagn gbete kpang.

1 Yɔhana 1:2

Ɓɔɔ Laa naa nwangsɛ wu yuu, ruu zi wu, a ruu ti kɔɔ nɔɔ vuu ɓɔɔ ruu zi nɛɛ jĩng ɓuru. Ruu kɔɔ nɔɔ ruu zang ɓɔɔ nwáng nɛɛ Daa ka tĩng, a Daa naa nwàngsɛ̀ ruu wu kati.