Yɔhana 1:50 - Nyaa Shɔɔ Ɓɔɔ Laa a Ɓɛɛ

⁵⁰ Yeesɔ kɔɔyi tɔɔ, “Mɔɔ kasɛ nyaa nɔngkɔ, ka ruu ɓɔɔ n kɔɔ nɛɛ n zi mɔɔ dòo ka doo laa sĩiri ɓɛɛ ya? Mɔɔ naa zi vuu ɓɔɔ ɓa weɓe ditɔ.”

Yɔhana 1:50 Referans Kwoze

Yɔhana 11:40

Yeesɔ kɔɔ wu tɔɔ, “N kɔɔ mɔɔ kpang nɛɛ, naa mɔɔ shing danggn mɔɔ zi bannang Laa katɔ kpang ya?”

Yɔhana 20:29

Yeesɔ kɔɔ wu tɔɔ, “Mɔɔ shing danggn kaa ruu ɓɔɔ mɔɔ zi m tɔ ɓɛɛ ya? Tĩnang tãanang ɓi ɓɔɔ zang ɓɔɔ ri zi m kpang, ri shing danggn doo nɛɛ mani ɓɛɛ.”

Luka 1:45

Tĩnang tãanang ɓi ɓɔɔ ɓaaɓɛ ɓɔɔ mɔɔ shing danggn nɛɛ vuu ɓɔɔ Kpanti Laa kɔɔyi naa nwang ditɔ naa ɓɔɔ Laa kɔɔ ɓɛɛ.”

Matiyu 25:29

ka ruu ɓɔɔ, zang piti ɓɔɔ vuu ɓiɓɛ kagn zang naa gisi wu ɓɔɔgn ditɔ tɔkn, tɔ̀ɔ ɓɔɔ ɓiɓɛ wu shang kati. A zang piti ɓɔɔ vuu ɓiɓɛ kagn dɔɔli kpang, vuu ɓɔɔ ka naa ɓiɓɛ tɔkɔlɔng, zang naa ta ditɔ.’

Luka 7:9

Ɓɔɔ Yeesɔ tãa yee kaɓa naa weɓe, mã naa ka danggn. A raa jĩng kɔɔ zang ɓɔɔ ri dũuru wu gaagaa tɔɔ, “N kɔɔ nɔɔ, n zi zang Isirela ɓɔɔ shing danggn ka bìí mɛɛ gngn naa zang keɓe kpang.”

Matiyu 13:12

Zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Tɔɔ, vuu ɓiɓɛ wu shang kaa gaagaa. Zang ɓɔɔ vuu ɓiɓɛ kagn kpang, naa doo ɓɔɔ wu yiti ka naa tɔkɔlɔng, zang ti tarɛ, zang yaa wu naa waati.

Matiyu 21:19

A zi laa sĩiri ka nyaa gbalang naabm, a daa ka doo ɓiɓɛ. A sĩiri ra jaa ka laa kpang. Zi gɔpɔ kɔ shɛ̃ɛning. A kù laa sĩiri nyaa ka bii tɔɔ, “Mɔɔ ra jaa takpang dòndòng.” A laa sĩiri naa tantɛ kaa tɔɔrɔnang.

Yɔhana 1:49

Natanalu kɔɔ wu tɔɔ, “Maalang, mɔkɔ Jaa Laa. Mɔkɔ Kpanti zang Isirela.”

Yɔhana 1:51

A kɔɔ ri kati tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ naa zi lapa puu ditɔ, zang nyaa shonang Laa ɓɔɔ ka lapa ɓɛɛ, ri naa a ka bii mɛɛ, ɓɔɔ n Jaa Shɔnzang, ri ti gbãayu ka lapa tɔkn.”