Yɔhana 1:1 - Nyaa Shɔɔ Ɓɔɔ Laa a Ɓɛɛ

¹ Zang ɓɔɔ zang ɓaa wu nɛɛ Ruu, nwáng dòo ka tĩng bɛ̀ɛ́ Laa gaayu koo mãanang gn kpang. Ruu keɓe nwáng ɓi nɛɛ Laa. Ruu keɓe ɓi wukɔ Laa.

Yɔhana 1:1 Referans Kwoze

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Vuu ɓɔɔ zang nwangsɛ Yɔhana 19:13

Hãa fɔ̃ɔrɔ ɓɔɔ zang hãa ka zĩi ɓɛɛ ka bii. Nung ɓɔɔ zang ɓaa wu nɛɛ mani ɓi, “Ruu Laa”

Kolosi 1:17

Yeesɔ nwáng ɓi ka tĩng bɛ̀ɛ́ zang mãa vuu gn gbete kpang. Vuu piti ri nwang ka nɔng ɓarɛ ka ruu ɓɔɔ ri ɓakɛ yuu nɛɛ wu ɓɛɛ.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Vuu ɓɔɔ zang nwangsɛ Yɔhana 22:13

Nkɔ Alafa, nkɔ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ, ɓɔɔ gaa vuu piti yuu, nɛɛ ɓɔɔ di ri nyaa ɓɛɛ.”

Yɔhana 1:2

Nwáng ɓi nɛɛ Laa ka tĩng doo tɛ̃ɛ tɛ̃ɛ bɛ̀ɛ́ Laa mãa koo gn kpang.

Vuu ɓɔɔ zang nwangsɛ Yɔhana 1:8

Kpanti Laa kɔɔyi tɔɔ, “Nkɔ ka tĩng shɔɔnang, nkɔ ti waa nyaa knti.” N nwàng ningkãari kãntang keɓe, n ti nwang ningkãari bɛ̀ɛ́ zang mãa koo gn kpang, n ti naa a ditɔ ka koo tɔkn. Nkɔ kpanti ka yuu vuu piti.

Filipi 2:6

Yeesɔ nwang naa Laa ka vuu piti, a tɔɔ kaa takpang nɛɛ wu gãsɛ yuu ɓiɓɛ nɛɛ Laa nɛɛ gbãng gbãng ning kpang.

Matiyu 1:23

“Jaa soro ɓɔɔ roo varɛ gn kpang, naa tuu jaa ditɔ, naa yi jaa zang varɛ, zang naa ɓaa nung ɓiɓɛ nɛɛ Imanuwe.” (Kpanti Laa nwàng kaa teteng ɓuru.)

Vuu ɓɔɔ zang nwangsɛ Yɔhana 21:6

A ti kɔɔ m nɛɛ, “Zang hangsɛ vuu piti tɔ. Nkɔ Alafa nɛɛ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ. Zang ɓɔɔ sutu nɛɛ mãa wu, n a wu mii ɓɔɔ nwang nɛɛ sɔlɔng mii, ɓɔɔ a zang suru bii ɓɔɔ waa nyaa kpang ɓɛɛ waati.

Yahudi 13:8

Yeesɔ Kirisi ɓi doo naa ɓɔɔ wu nɛɛ ka ɓɔɔrɔ ɓɛɛ, ɓi doo nɔngkɔ lɛ̀ɛ́kɔ, ti nwang ɓi nɔngkɔ gbinggbing.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Yɔhana 16:28

N à nɛɛ bii Daa, a n à ka koo keɓe. N naa yaa koo keɓe ditɔ tɔkn, n gbãayu ka bii Daa.”

Vuu ɓɔɔ zang nwangsɛ Yɔhana 1:17

Ɓɔɔ n zi wu, n watɛ ka tĩng ɓiɓɛ naa zang ɓɔɔ vɔ katɔ ɓɛɛ. A arɛ shing nakn ɓiɓɛ ka bii mɛɛ, a kɔɔ m nɛɛ “Mɔɔ kaa vɔrɔ kpang, Nkɔ zang tĩng shɔɔnang, nkɔ ti gɔɔ zang nyaa.

Yɔhana 20:28

Tooma kasɛ wu nyaa tɔɔ, “Mɔkɔ Kpanti mɛɛ nɛɛ Laa mɛɛ.”

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 7:3

Daa ɓiɓɛ kagn kpang, nàá ɓiɓɛ ti kpang, zang zi dĩiri zɔ̃ng ɓiɓɛ kpang. Zang ti zi diki ɓɔɔ zang yi wu kagn ɓɛɛ kpang, a ɓɔɔ diki ɓɔɔ wu vɔ kagn ɓɛɛ kpang. Nwáng ɓi naa Jaa Laa, ka ruu ɓɔɔ, ɓi zang ɓɔɔ dɔɔ Laa vuu ɓɛɛ dòndòng.

Vuu ɓɔɔ zang nwangsɛ Yɔhana 3:14

A zang kaɓa kɔɔ tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Lawodikiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ zang ɓaa wu nɛɛ, Wu nwang ta nɔngkɔ ɓɛɛ. Zang ɓɔɔ kɔ̀ɔ́ ɓi ruu ɓɔɔ niizang diki diki, ɓɔɔ ti palɛ vuu ɓɔɔ wu kɔɔ ɓɛɛ katɔ ɓɛɛ. Laa ti mã́arɛ̀ vuu piti nɛɛ bii ɓiɓɛ kɔ.

Afisa 3:9

Ń ti shing zang piti ri zi naa ɓɔɔ zang naa palɛ shonang nɛɛ vuu ɓɔɔ Laa mang ka yeti a wàasɛ̀ zang katɔ ɓɛɛ. Laa ɓɔɔ wukɔ mãa vuu piti wáasɛ́ vuu keɓe doo tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 1:2

Yɔhana ɓɔɔ kɔɔ zang vuu piti ɓɔɔ wu zili ɓɛɛ. Wukɔ bée vuu ɓɔɔ Laa kɔɔ ɓɛɛ, ɓɔɔ Yeesɔ Kirisi nwangsɛ wu ɓɛɛ.

1 Yɔhana 5:7

Vuu taati tùsú ruu rúu keɓe.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Yɔhana 1:18

Zang ɓɔɔ zi Laa tɔ kagn gbete kpang. Ɓi jaa gbete ɓɔɔ wu doo naa Laa kɔ, ɓɔɔ nwang ka ɓuru Laa kɔ, tusu naa ɓɔɔ Laa nwang ɓɛɛ.

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Luka 24:53

ri dàarɛ́ yeti Gãa Laa diki diki, ri zãa Laa.

Yɔhana 8:58

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, ɓɔɔ zang yi Ibirayi bɛ̀ɛ́ n m kaa gn kɔ nwani.”

Kolosi 1:15

Ruu zi nwannang Laa ɓɔɔ ruu zi nɛɛ jĩng kpang ka bii Yeesɔ kɔ. Wukɔ jamari rɛɛ vuu ɓɔɔ Laa mãarɛ ɓɛɛ,