Galati 4:15 - Nyaa Shɔɔ Ɓɔɔ Laa a Ɓɛɛ

¹⁵ Kãntang keɓe, ɓu vi palɛ tĩnang ɓɔɔ nɔɔ tãa gbãng gbãng kaa viya? N nɛɛ yuu mɛɛ n kɔɔ ruu keɓe katɔ nɛɛ, naa nɔɔ nɛɛ zunung katɔ, nɔɔ nɛɛ zɔ̃ngkɔ jĩng manɛ katɔ nɔɔ nɛɛ a m.

Galati 4:15 Referans Kwoze

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Kolosi 4:13

N kɔɔ ruu katɔ tɔ̃ɔ ka yuu shonang ɓɔɔ wu pálɛ̀ gbãng gbãng ka ruu manɛ ɓɛɛ. A ɓɔɔ ka ruu zang ɓɔɔ ri ka gari Lawodikiya nɛɛ gari Hirapoli.

1 Tesalonika 5:13

Nɔɔ seng ri katɔ dɔɔli, nɔɔ kasɛ ruu ɓarɛ katɔ, ka ruu shonang ɓɔɔ ri palɛ ɓɛɛ. Nɔɔ nwang ka nyaa zɔɔ waasɛ̃.

1 Tesalonika 2:8

Ka ruu ɓɔɔ, ruu kasɛ nɔɔ katɔ ɓɛɛ, ruu kpalɛ bii tɔ ruu kɔɔ nɔɔ wu Ruu Tɔ̃ɔ Laa kɔ shɛ̃ɛning kpang, ruu ti vɔ ka ruu manɛ ka ruu ɓɔɔ ruu kasɛ nɔɔ katɔ gbãng gbãng.

Galati 6:4

Zang ɓu wu gãsɛ vuu ɓɔɔ wu palɛ ɓɛɛ katɔ nɛɛ yuu ɓiɓɛ. Nɛɛ tɔ̃ɔ, wu tãa tĩnang ka ruu vuu ɓɔɔ wu palɛ ɓɛɛ. Wu gãsɛ nɛɛ vuu ɓɔɔ, zang ɓɔɔgn palɛ ɓɛɛ kpang.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 4:19

Rɛɛ manzung, n tãa kɔnang ka yuu manɛ naa ɓɔɔ jaa kɔng zang soro ɓɔɔ yi kaa jaa ɓɛɛ. N kasɛ nɛɛ zang zi nwannang Yeesɔ Kirisi ka nwannang manɛ.

Galati 3:14

Yeesɔ Kirisi palɛ vuu keɓe nɛɛ, tɔ̀ɔ wu shingnɛ, tĩnang ɓɔɔ Laa a Ibirayi nyaa ka yuu ɓiɓɛ, wu raa kaa ɓɔ̀ɔ́ zang ɓɔɔ ri zang Yahudi kpang, ri nɛɛ shing gn ka bii ɓiɓɛ ɓɛɛ. Tɔ̀ɔ, rùu ɓɔɔ ruu shing danggn tɔ ka bii Kirisi, Laa wu a ruu Suru ɓiɓɛ ɓɔɔ a ruu nyaa ka ruu ɓiɓɛ kati.

2 Koranti 8:3

N kɔ̀ɔ́ nɔɔ, ri a vuu ɓɔɔ ri zunung anang katɔ ɓɛɛ, vuu ɓɔɔ ri alɛ ɓa ɓɔɔ ri nɛɛ a ɓɛɛ katɔ. Zang ɓɔɔ mã ri nyaa kagn kpang.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 10:2

N kɔɔ ruu katɔ ka yuu ɓarɛ nɛɛ, ri kasɛ katɔ gbãng gbãng nɛɛ ri pàlɛ́ Laa shonang. A ri zi gbalang ɓɔɔ ri pàlɛ́ Laa shonang kaa tɔ̀ɔ́ tɔ̃ɔ kpang.

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Galati 4:14

A nɔɔ bɛ̃ɛ m ka ɓɔɔ n kɔng vɔrɔ ɓɛɛ kpang. Kɔnang mɛɛ nwang naa vuu ɓɔɔ gãsɛ nɔɔ katɔ ɓɛɛ. Nɔɔ ta m katɔ kɔ jong naa ɓɔɔ nɔɔ nɛɛ tà zang nyaa shonang Laa ɓɔɔ ka lapa ɓɛɛ. Nɔɔ tá m naa nkɔ Yeesɔ Kirisi nɛɛ yuu ɓiɓɛ.

Galati 4:16

N nwang tɔ kaa zang ɓɔɔ nɔɔ gaa nyaa nɛɛ wu ɓɛɛ, ka ruu ɓɔɔ n kɔɔ nɔɔ ruu ɓɔɔ niizang ɓɛɛ ya?