Galati 2:2 - Nyaa Shɔɔ Ɓɔɔ Laa a Ɓɛɛ

² N daayi, ka ruu ɓɔɔ, Laa kɔɔ m nɛɛ n daayi ɓɛɛ. Ka ɓɔɔ n shɛ̃ɛ nɔng, n ɓaa rɛɛ zang bang nyaa dang gbete. Ruu nwáng nɛɛ ri, a n kɔɔ ri rúu Ruu Tɔ̃ɔ ɓɔɔ n kɔɔrɔ zang ɓɔɔ ri zang Isirela kpang ɓɛɛ. N kasɛ nɛɛ shonang ɓɔɔ n pálɛ́ ka tĩng, nɛɛ ɓɔɔ n palɛ kãntang, wu shaarɛ waati kpang.

Galati 2:2 Referans Kwoze

Galati 2:6

A zang ɓɔɔ zang tɔɔ ri ɓarɛ zang bang ɓɛɛ (ruu mɛɛ hãa kagn nɛɛ naa ɓɔɔ ɓeleng ri nwang ka tĩng ɓɛɛ kpang. Laa palɛ vuu ɓi jong gn dang gbete kpang). Rɛɛ zang bang kaɓa ri kɔ̀ɔ m vuu ɓɔɔ kagn shɔɔ kpang.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.

1 Koranti 9:26

Ka ruu nɔngkɔ, n yuu m kaara, tɔ̀ɔ, n daa shɛ̃ɛ nɔng ɓɔɔ zang di nyaa yunang kagn ɓɛɛ. N nwang m naa zang ɓɔɔ gaa nyaa, wu nɛɛ zang ɓɔɔ kpang ɓɛɛ kpang.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

1 Koranti 9:24

Naa zang gɛ̃ɛ zang nɛɛ ri yurɛ, zang dɔɔli ri yuku, a zang a ɓi kaa zang gbete, ɓɔɔ à tĩng shɔɔnang kɔ vuu. Nɔɔ yuku nabm, tɔ̀ɔ, zang wu a nɔɔ vuu.

1 Koranti 2:2

N kɔɔ ka yeti mɛɛ, n tɔɔ, wee n doo nɛɛ nɔɔ ɓee, n rɛ̃rɛ ruu Yeesɔ Kirisi kɔ shɛ̃ɛning. Naa ɓɔɔ zang ɓaa wu ka laa a vɔ ɓɛɛ.

Zang Shonang Yeesɔ 15:12

Zang ɓɔɔ ri kpalɛ zɔɔ, ri nwang kaa kikiri, ka ɓɔɔ ri tãa naa ɓɔɔ Baranaba nɛɛ Bulu ri kɔɔrɔ vuu ɓɔɔ zang zirɛ zang mã naa ka danggn, ɓɔɔ Laa yi ri naa kagn, ri pálɛ̀ ka teteng zang ɓɔɔ ri zang Isirela kpang ɓɛɛ.

Zang Shonang Yeesɔ 15:4

Ɓɔɔ ri shɛ̃ɛ Urushalima zang ɓɔɔ ri dũng Laa nɛɛ rɛɛ zang shonang Yeesɔ nɛɛ rɛɛ zang bang bang, ri ta ri waasɛ̃. A Bulu nɛɛ Baranaba ri kɔɔ ri vuu ɓɔɔ Laa yi ri naa kagn a ri palɛ ɓɛɛ.

Filipi 2:29

Nɛɛ shɛ̃ɛ nɔng manɛ tɔ, nɔɔ ta wu waasɛ̃, nɔ́ɔ tãa tĩnang, ka ruu ɓɔɔ, ɓi doo zang ɓɔɔ dũng Laa kɔ naa nɔkɔ ɓɛɛ. Zang ɓɔɔ naa weɓe, daa naa ɓɔɔ nɔɔ seng wu tɔ.

Galati 1:16

nɛɛ wu nwangsɛ m Jaa ɓiɓɛ, nɛɛ tɔ̀ɔ n kɔɔ zang ɓɔɔ ri zang Yahudi kpang, Ruu Tɔ̃ɔ ɓɔɔ ka yuu Jaa keɓe. N daa ka bii zang ɓɔɔ nɛɛ wu kɔɔ m vuu ɓɔɔ wu zi ka yuu vuu keɓe kpang.

Zang Shonang Yeesɔ 23:11

Nɛɛ zĩi kpanti Yeesɔ naa shii ka kagn Bulu kɔɔ wu tɔɔ, “Mã danggn kagn. Mɔ̀ɔ kɔɔ zang ruu tɔ̃ɔ, ka yuu mɛɛ ka Urushalima keɓe, mɔɔ daa kɔɔ zang ditɔ nɔngkɔ tɔkn ka Rooma.”

Zang Shonang Yeesɔ 18:9

Diki ɓɔ̀ɔ́gn nɛɛ zĩi, Bulu rɔ̃kɔ, Kpanti Laa kɔɔ wu nɛɛ, “Mɔɔ kaa vɔrɔ kpang. Kɔɔrɔ zang ɓaa ruu, mɔɔ yaa kpang.

Zang Shonang Yeesɔ 5:34

A zang gbete ka teteng ɓarɛ, yɔɔ Farisi ɓɔɔ zang ɓaa wu nɛɛ Gamaliyel. Yɔɔ keɓe tusu zang nyaa dannang Laa, a zang ti á wu bannang dɔɔli. A shii paa ka teteng ɓarɛ, a kɔɔyi nɛɛ zang nwangsɛ rɛɛ zang shonang Yeesɔ ka biling ka gbongkarɛ.

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

Zang Shonang Yeesɔ 15:2

Bulu nɛɛ Baranaba ri làa zɔɔ nyaa nɛɛ rɛɛ zang keɓe gbãng gbãng ka ruu ruu keɓe. A zang naa kɔɔyi nɛɛ Bulu nɛɛ Baranaba a ɓɔɔ rɛɛ zang Antakiya ɓɔɔ, ri daa Urushalima. Ri daa hɛ̃ɛ rɛɛ zang shonang Yeesɔ nɛɛ rɛɛ zang bang bang ɓɔɔ ri ka nɔng, ka ruu ruu keɓe.

Rooma 9:16

Ka ruu nɔngkɔ, wu vuu ɓɔɔ shɔnzang kasɛ, nɛɛ vuu ɓɔɔ wu palɛ kɔ shingnɛ, Laa wu zɔ̃́ng wu kpang, ɓi gn zang ɓɔɔ kɔng wu ɓɛɛ, kɔ shingnɛ.

2 Koranti 12:1

Yee rangkɛnang bang bang nwang zang vuu tɔ̃ɔ ɓi kpang, n ti rangkɛ katɔ nɔngkɔ. Kãntang keɓe, n rang ruu kaa yuu naa ɓɔɔ Kpanti Yeesɔ nwang nyaa ka n, a nwàngsɛ̀ m vuu ɓɔɔ wu kasɛ nɛɛ zang palɛ ɓɛɛ.

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Galati 1:12

N ti ta nɛɛ bii shɔnzang ɓɔɔ kpang. Wu ti shɔnzang tusu m kpang. Ɓi Yeesɔ Kirisi nɛɛ yuu ɓiɓɛ nwàngsɛ̀ m.

Galati 5:7

Bɛ̀ɛ́ nɔɔ palɛ vuu kana waasɛ̃ ka gbalang Kirisi, nɔɔ daa kana nɛɛ tĩng. Ɓu wi shing nɔɔ, a nɔɔ yaa ruu ɓɔɔ wukɔ niizang dũnnang wiya?

2 Timoti 4:7

N yuu m tɔ waasɛ̃ n yurɛ n daa hangsɛ nyaa. N yaa danggn ɓɔɔ n shing ka bii Laa ɓɛɛ kpang.

Yahudi 12:1

Ka ruu nɔngkɔ, wee zang ɓɔɔ ri kɔ̀ɔ ruu rúu, ri shang nɔngkɔ, ri kiiri ruu nyaa ka teteng ɓee. Ruu vang nɔɔ vuu piti ɓɔɔ zãa ruu gbalang, nɛɛ vuu shi kpang ɓɔɔ kpãa ruu, ɓɔɔ ruu wii kagn ɓɛɛ. Ruu mã danggn, ruu yuu nɔɔ yunang kɔ zang shing ka tĩng ɓuru ɓee.