Galati 1:1 - Nyaa Shɔɔ Ɓɔɔ Laa a Ɓɛɛ

¹ Labeenang keɓe nɛɛ bii mɛɛ nkɔ Bulu ɓɔɔ zang ɓàa m nyaa nɛɛ n nwang zang shonang Yeesɔ ɓɛɛ. Nyaa keɓe wu shɔnzang ɓaayi kpang, wu ti shɔnzang shingnɛ kpang, ɓi Yeesɔ Kirisi shingnɛ nɛɛ Laa ɓɔɔ wukɔ Daa ɓɔɔ wisi wu paa nɛɛ sàa ɓɛɛ.

Galati 1:1 Referans Kwoze

1 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a zɔ̃ng m nɛɛ, n nwang zang nyaa shonang Yeesɔ Kirisi ɓɛɛ. Ruu nɛɛ manzung ɓuru Sɔtanɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Titu 1:3

Ka ɓɔɔ diki a tɔ teetee Laa nwangsɛ rùu ruu suru bii keɓe, ka yeti yee ɓiɓɛ. Laa ɓɔɔ wukɔ ta yuu ɓuru, a m ruu keɓe, a kɔɔ m nɛɛ n kɔɔrɔ zang.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi, ka ruu ɓɔɔ, Laa kasɛ nɛɛ n nwang zang shonang ɓiɓɛ ɓɛɛ. Laa tɔɔ, n kɔɔ zang ruu, ka yuu suru bii ɓɔɔ wu a ruu nyaa nɛɛ wu naa a ruu ɓɛɛ. Suru bii keɓe, ɓɔɔ ɓuru, ka ruu ɓɔɔ, ruu ɓakɛ zɔɔ tɔ nɛɛ Yeesɔ Kirisi ɓɛɛ.

Rooma 10:9

Naa mɔɔ kɔɔ nɛɛ nyaa ɓaaɓɛ nɛɛ, “Yeesɔ kɔ Kpanti,” a mɔɔ ti shing danggn nɛɛ Laa wisi wu paa nɛɛ sàa. Laa ta yuu ɓaaɓɛ katɔ.

Zang Shonang Yeesɔ 22:10

N hɛ̃ɛyi n tɔɔ, ‘A ń palɛ ɓu kaa viya Kpanti.’ A Kpanti kɔɔ m tɔɔ, ‘Yupaa mɔɔ daa ka yeti gari Damasiku, zang daa kɔɔ mɔɔ vuu piti ɓɔɔ Laa shingnɛ nɛɛ mɔɔ palɛ wu ɓɛɛ, ka nɔngkɔ.’

Zang Shonang Yeesɔ 9:6

“Yupaa ta mɔɔ daa ka yeti gari, zang daa kɔɔ mɔɔ vuu ɓɔɔ mɔɔ palɛ ɓɛɛ ditɔ.”

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.

Vuu ɓɔɔ zang nwangsɛ Yɔhana 1:18

Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.

1 Bituru 1:21

Nɔɔ shing danggn ka bii Laa ka ruu ɓiɓɛ kɔ. Laa ɓɔɔ wisi wu paa nɛɛ sàa, a á wu bannang ɓɛɛ. Ka ruu nɔngkɔ, nɔɔ shing danggn, a nɔɔ ti shing jĩng ka bii Laa.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Galati 1:17

N ti daa ka Urushalima ka bii zang ɓɔɔ ri nwang zang shonang Yeesɔ doo ka tĩng ɓɛɛ kpang. N daa m katɔ kɔ jong ka tipi Arabiya, a n gbãayu ka Damasiku.

Rooma 14:9

Ka ruu vuu keɓe kɔ, Kirisi vɔrɛ, a Laa wisi wu paa ningkãari tɔkn, tɔ̀ɔ, wu nwàng kaa Kpanti zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ɓɛɛ.

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Yɔhana 10:30

Ɓɔɔ n nɛɛ Daa ruu gbete.”

Yɔhana 5:19

Yeesɔ kasɛ ri nyaa tɔɔ, “N kɔɔ nɔɔ ruu ɓɔɔ niizang kɔ nwani, Jaa zunung ɓɔɔ wu pálɛ̀ vuu ɓɔɔ nɛɛ yuu ɓiɓɛ kpang, pálɛ̀ ɓi vuu ɓɔɔ zi Daa ɓiɓɛ pálɛ̀ ɓɛɛ. Ka ruu ɓɔɔ, vuu ɓɔɔ Daa pálɛ̀ piti Jaa pálɛ̀ doo nɔngkɔ ɓɛɛ.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Galati 1:15

A Laa palɛ m tɔ̃ɔ, zɔ̃ng m bɛ̀ɛ́ zang yi m gn kpang, a ɓaa m nyaa nɛɛ n naa palɛ wu shonang. A ɓɔɔ wu naa kasɛ ka yeti ɓiɓɛ,