Filipi 4:6 - Nyaa Shɔɔ Ɓɔɔ Laa a Ɓɛɛ

⁶ Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.

Filipi 4:6 Referans Kwoze

1 Bituru 5:7

Nɔɔ yaa vuu ɓɔɔ kpãa nɔɔ piti ka naa ɓiɓɛ, ka ruu ɓɔɔ, wukɔ gãng jĩng ka nɔɔ ɓɛɛ.

Matiyu 6:8

Ka ruu nɔngkɔ, nɔ́ɔ palɛ manɛ nɔngkɔ kpang. Ɓɔɔ nɔɔ gàa tɔɔsung nyaa puunang gn kpang, Daa manɛ zi vuu ɓɔɔ nɔɔ kasɛ ɓii tɔ.

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.

Luka 18:1

A Yeesɔ rang zang ɓɔɔ ri mantɛ vuu ka bii ɓiɓɛ, nyaa vuu jeenang keɓe, nɛɛ tɔ̀ɔ wu tusu ri kati nɛɛ ri gaa Laa diki diki, ri yaa gn naa kpang.

Luka 12:22

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Ka ruu nɔngkɔ, n kɔɔ nɔɔ, nɔ́ɔ nyɔ yuu manɛ nɛɛ rɛ̃rɛnang, ka ruu vuu ɓɔɔ nɔɔ naa shaayi, nɛɛ ruu fɔ̃ɔrɔ ɓɔɔ nɔɔ hãa ka bii ɓɛɛ kpang.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

Afisa 5:20

Nɔ́ɔ zãa Daa ɓuru Laa diki diki, ka ruu vuu piti, nɛɛ nung Kpanti Yeesɔ Kirisi.

Luka 10:41

A Yeesɔ kasɛ wu nyaa tɔɔ, “Mata, mɔɔ rɛ̃rɛ, a bii ti nwãa mɔɔ ka ruu vuu dɔɔli.

Luka 18:7

A Laa naa jɛ̃ɛ zang ɓiɓɛ ɓɔɔ wu shɛ̃ɛrɛ katɔ, ɓɔɔ ri shàlɛ́ nyaa ka bii ɓiɓɛ, nɛɛ laagɛ̃ nɛɛ zĩi, ruu ɓɔɔ niizang ɓi kpang ya? Yi ri naa ka bii tantɛnang kpang ya?

Matiyu 10:19

Zang nɛɛ daa tɔ nɛɛ nɔɔ, nɔ́ɔ rɛ̃rɛ naa ɓɔɔ nɔɔ daa kasɛ zang nyaa, nɛɛ vuu ɓɔɔ nɔɔ daa kɔɔ ɓɛɛ kpang. Ka ruu ɓɔɔ, Kpanti Laa naa a nɔɔ ruu ɓɔɔ nɔɔ kɔɔ ditɔ ka laa kaɓa ɓɛɛ.

Luka 12:29

“Nɔ́ɔ nyɔ yuu manɛ nɛɛ nɔɔ rɛ̃rɛ ka ruu vuu ɓɔɔ nɔɔ shaayi, nɛɛ vuu ɓɔɔ nɔɔ ɓoo ɓɛɛ kpang.

2 Koranti 1:11

Nɔɔ nɛɛ yi ruu naa katɔ ka bii, nɔ́ɔ gàa Ruu Laa ɓɛɛ. Tɔ̀ɔ, Laa wu ta gaanang ɓɔɔ zang dɔɔli ri gaa wu ka yuu ɓuru kati. Wu shingnɛ, ruu tãa tĩnang kati. Tɔ̀ɔ, zang dɔɔli ri mɛɛ nyaa kaa lapa, ri zãa wu kati ka ruu ɓuru.

1 Koranti 7:32

N kasɛ kpang, vuu keɓe ri kpãa nɔɔ kpang. Zang ɓɔɔ gee soro gn kpang, rɛ̃rɛ ɓi ka ruu vuu Kpanti Yeesɔ Kirisi kɔ gbete. Kasɛ nɛɛ Kpanti Yeesɔ wu tãa tĩnang ɓiɓɛ.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

1 Koranti 7:21

Naa Laa ɓaa mɔɔ nyaa bɛ̀ɛ́ mɔɔ jaafoo, mɔɔ tɔɔ kpang nɛɛ vuu ɓɔɔ wu kpãa mɔɔ, ka ruu ɓɔɔ, mɔɔ jaafoo ɓɛɛ kpang. Mɔɔ nɛɛ walɛ gbalang ɓɔɔ mɔɔ yaa jaafoo nwannang katɔ, mɔ́ɔ ti yaayi.

Matiyu 6:34

Ka ruu nɔngkɔ, nɔ́ɔ rɛ̃rɛ ka ruu diki ɓɔɔgn kpang. Vuu ɓi ka naa Laa kɔ gbete. Nɔɔ shing jĩng ka vuu ɓɔɔ lɛɛkɔ kɔ shɛ̃ɛning, vuu lɛɛkɔ ɓɔɔ kpãa nɔɔ, daa ɓɔɔ nɔɔ shing jĩng ka rikɔ shɛ̃ɛning ɓɛ̀ɛ́ tɔ.

1 Timoti 2:1

Vuu ɓɔɔ n kɔɔ mɔɔ shɔɔnang keɓe. Gaa Laa mɔɔ ti bakɛ wu ka ruu zang piti. Mɔɔ ti zãa Laa ka ruu ɓarɛ nandon.

1 Timoti 5:5

Suvɔ ɓɔɔ ɓi ka bm, zang ɓɔɔ gãng jĩng ka wu kpang shing gn ɓi kaa bii Laa. Gaa Laa nɛɛ zĩi nɛɛ laagɛ̃, nɛɛ Laa wu yi wu naa ka bii.