Filipi 2:20 - Nyaa Shɔɔ Ɓɔɔ Laa a Ɓɛɛ

²⁰ Timoti kɔ gbete, rɛ̃rɛnang ɓiɓɛ daa gbete nɛɛ ɓɔɔ mɛɛ, wukɔ ti kasɛ ruu manɛ gbãng gbãng.

Filipi 2:20 Referans Kwoze

Filipi 2:2

N gaa nɔɔ katɔ rɛ̃rɛnang manɛ wu daa gbete, nɔ́ɔ kasɛ ruu zɔɔ katɔ, nɔ́ɔ ti ɓakɛ yuu nɛɛ zɔɔ, nɔ́ɔ kasɛ nyaa zɔɔ katɔ, tɔ̀ɔ, n tãa tĩnang kaa nyaa kiiri.

Filipi 2:22

A nɔɔ nandon, nɔɔ zi tɔ nɛɛ Timoti tusu tɔ nɛɛ wu ɓi zang tɔ̃ɔ. N nɛɛ wu, ruu kɔɔrɔ zang Ruu Tɔ̃ɔ Laa ka nyaa zɔɔ. Ka shonang kɔ ruu palɛ ɓee, dũng m, naa ɓɔɔ jaa dũng daa ɓiɓɛ ɓɛɛ.

1 Koranti 16:10

Timoti nɛɛ a tɔ ka nɔng manɛ, nɔɔ palɛ vuu naa ɓɔɔ wu tãa tĩnang ɓɛɛ. Ka ruu ɓɔɔ, pàlɛ́ Kpanti Kirisi doo shonang kɔ naa ɓɔɔ n palɛ ɓɛɛ.

Yɔhana 12:6

Kɔɔ ruu keɓe, wu ka ruu ɓɔɔ gn zang ɓɔɔ vuu ka naa kpang, kɔng wu katɔ kpang. Ɓi ka ruu ɓɔɔ, wu shɔngɓɔ ɓɛɛ. Wukɔ yiti duku ɓɔɔ ri tɛ̃ɛ saka ɓarɛ kagn, lee ɓɔɔ ti ɓɔɔrɔ saka kagn katɔ ɓɛɛ.

Yɔhana 10:13

Zang keɓe yuu ka ruu ɓɔɔgn mɛ̀ɛrɛ́ kɔng wu kpang, a mɛ̀ɛrɛ́ wu ti ɓɔɔ ɓiɓɛ kpang ɓɛɛ.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

Kolosi 4:11

Jashuwa, ɓɔɔ zang ɓaa wu nɛɛ Jusitu ɓɛɛ, jee nɔɔ nyaa jong. Zang taati keɓe rikɔ zang Yahudi ɓɔɔ ri kɔ̃sɔ yeti tɔ, ri palɛ shonang nɛɛ n ka ruu kpanti roonang Laa, a ri ti yi m naa tɔ ka bii gbãng gbãng ɓɛɛ.

Rooma 15:5

Laa ɓɔɔ wukɔ shing nɔɔ, nɔɔ mã danggn, nɔɔ ti yi tĩng ka vuu ɓɔɔ nɔɔ shing gn palɛnang ɓɛɛ, wu shingnɛ nɔ́ɔ nwang ka nyaa zɔɔ. Nɔ́ɔ pálɛ́ shonang ɓɔɔ Yeesɔ Kirisi pálɛ́ ɓɛɛ.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

2 Timoti 3:10

Ɓɔɔ ɓaaɓɛ, mɔ̀ɔ dũng vuu ɓɔɔ n tusu ɓɛɛ tɔ, mɔɔ zi nwannang mɛɛ tɔ, a mɔɔ ti zi vuu ɓɔɔ n shing jĩng mɛɛ kagn tɔ. Mɔɔ zi danggn ɓɔɔ n shing ka bii Laa tɔ, nɛɛ danggn ɓɔɔ n mã nɛɛ zang, nɛɛ naa ɓɔɔ n kasɛ zang ɓɛɛ a ɓɔɔ danggn ɓɔɔ n mã ka jĩng dannang ɓɛɛ.