Filipi 1:10 - Nyaa Shɔɔ Ɓɔɔ Laa a Ɓɛɛ

¹⁰ Tɔ̀ɔ, nɔ́ɔ zunung ɓɔɔ nɔɔ zɔ̃ng vuu ɓɔɔ wukɔ tɔ̃ɔ ɓa Vuu piti ɓɛɛ kati. Vuu keɓe kɔ ri shingnɛ ka diki ɓɔɔ Yeesɔ Kirisi naa jɛ̃ɛ zang ruu kagn, nɔɔ nwáng manɛ zang ɓɔɔ yeti ɓarɛ tɔ̃ɔ ɓɛɛ. Zang ɓɔɔ zang naa tɔɔ kpang nɛɛ ri palɛ vuu shi kpang tɔ kpang ɓɛɛ.

Filipi 1:10 Referans Kwoze

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

Rooma 2:18

Mɔɔ zi vuu ɓɔɔ Laa kasɛ nɛɛ mɔɔ palɛ ɓɛɛ tɔ, a nyaa ɓɔɔ Laa dang ɓɛɛ, ti tusu mɔɔ tɔ nɛɛ, mɔɔ zɔ̃ng vuu ɓɔɔ tɔ̃ɔ ɓɛɛ.

Afisa 5:10

Nɔɔ kãa vuu ɓɔɔ shing Kpanti Yeesɔ tãa tĩnang ɓɛɛ.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

1 Tesalonika 5:21

Nɔɔ gãsɛ ruu piti ɓɔɔ wu kɔɔ ɓɛɛ katɔ. Nɔɔ palɛ vuu ɓɔɔ ɓi tɔ̃ɔ ɓɛɛ.

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

Vuu ɓɔɔ zang nwangsɛ Yɔhana 2:2

N zi shonang ɓɔɔ nɔɔ pálɛ̀ ɓɛɛ tɔ, naa ɓɔɔ nɔɔ palɛ shonang nɛɛ kaka manɛ, a nɔɔ ti mã danggn ɓɛɛ. N ti zi naa ɓɔɔ nɔɔ kasɛ kpang nɛɛ zang ɓɔɔ ri palɛ vuu shi kpang, ri nwàng ka teteng manɛ kpang tɔ. Nɔɔ ti gãsɛ rɛɛ zang ɓɔɔ ri suu sèé ri tuu yuu ɓarɛ naa ri zang shonang Yeesɔ tɔ, a nɔɔ ti ĩiyi, ri suu ɓarɛ sèé waati.

Afisa 5:27

Kirisi palɛ vuu keɓe nɛɛ tɔ̀ɔ, zang ɓɔɔ ri dũng wu, ri nwang kaa zang ɓɔɔ ri shi dɔɔli, kalang kalang, shi kpang kagn bii ɓarɛ kpang ɓɛɛ. Vuu ɓɔɔ ti luku ri ka bii kpang, bii ɓarɛ ti gɔ́ɔrɔ̀ kpang, a vuu shi kpang ti kagn bii ɓarɛ kpang.

Yɔhana 1:47

Yeesɔ zi Natanalu a kana bii ɓiɓɛ, a kɔɔyi tɔɔ, “Nɔɔ zirɛ, zang ɓɔɔ wukɔ zang Isirela ɓɔɔ niizang kaɓa, vuu ɓɔɔ shing zang, zang pálɛ̀ vuu shi kpang kagn bii ɓiɓɛ kpang.”

Matiyu 16:23

Yeesɔ raa jĩng kɔɔ Bituru tɔɔ, “Dita kaaɓa Sheetang! Mɔkɔ vuu ɓɔɔ nɔɔ m gbalang ɓɛɛ. Mɔɔ rɛ̃rɛ ɓáa vuu ɓɔɔ Laa rɛ̃rɛ kpang, mɔɔ rɛ̃rɛ ɓáa vuu ɓɔɔ shɔnzang kasɛ ɓɛɛ.”

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

Rooma 8:7

Ka ruu ɓɔɔ, naa zang shing rɛ̃rɛnang zang, ka yuu vuu ɓɔɔ bii zang kasɛ ɓɛɛ kɔ shɛ̃ɛning, zang risi yuu zang kaa naa zang ɓɔɔ shing jĩng nɛɛ Laa kpang ɓɛɛ. Ka ruu ɓɔɔ, dũ̀ng nyaa ɓɔɔ Laa dangnɛ ɓi kpang ɓɛɛ. Niizang, zunung dũnnang ɓi kpang tingkiring.

Matiyu 26:33

A Bituru kɔɔ wu tɔɔ, “Naa ri yuku doo piti ri yaa mɔɔ, n yaa mɔɔ m kpang.”

Filipi 1:16

Zang doo knti keɓe ri palɛ nɔngkɔ, ka ruu ɓɔɔ, ri kasɛ m katɔ ɓɛɛ. Ri ti zi tɔ nɛɛ Laa shingnɛ nɛɛ zang mã m ka sãa, tɔ̀ɔ, n tusu zang kati nɛɛ Ruu Laa ɓi niizang kɔ nwani ɓɛɛ.

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

Afisa 4:15

Rúu ràngkɛ̀ ruu ɓɔɔ niizang ɓɔɔ tusu nɛɛ rùu kasɛ zɔɔ katɔ ɓɛɛ kɔ jong, tɔ̀ɔ, ruu báng kaa vuu piti, ka bii Yeesɔ Kirisi ɓɔɔ wukɔ zang bang ɓuru ɓɛɛ.

Galati 5:11

Rɛɛ manzung, naa n kɔɔrɔ zang doo naa nɛɛ zang ri yee shaa katɔ ɓɛɛ, a zang dang m jĩng ɓi kaa ruu viya? Naa nɛɛ nɔngkɔ niizang, rúu ɓɔɔ n kɔɔrɔ zang ka yuu laa ɓɔɔ zang ɓaa Yeesɔ naa kagn nɛɛ shingnɛ zang nɛɛ hàa nyaa kpang.

2 Koranti 8:8

N dang nɔɔ wu nyaa kpang. N kasɛ nɛɛ n gãsɛ zang kasɛnang manɛ nɛɛ ɓɔɔ zang ɓɔɔ ri dũng doo Laa kɔ. Tɔ̀ɔ, n zirɛ nɛɛ niizang kɔ nwani ɓɛɛ.

2 Koranti 6:3

Ruu kasɛ kpang nɛɛ ruu shing zang wu palɛ vuu shi kpang, kpang, ka ruu nɔngkɔ, ruu kasɛ kpang ruu nɔɔ zang ɓɔɔ gbalang kpang.

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

1 Koranti 10:32

Palɛ waasɛ̃, mɔɔ pálɛ̀ vuu ɓɔɔ lasɛ zang ɓɔɔ yeti kpang, naa zang keɓe ri doo zang Yahudi, naa doo zang ɓɔɔ ri dũ̀ng Laa kpang, naa doo zang ɓɔɔ ri dũng Laa ɓɛɛ.

1 Koranti 8:13

Ka ruu nɔngkɔ, naa n zirɛ vuu shaanang ɓɔɔ n shaayi shing manzung katɔ wu palɛ vuu shi kpang, n shaa vuu shaanang kaɓa takpang dòndòng. N nɛ̀ɛ́ shing manzung wu ning gbalang.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

Rooma 7:22

Ka yeti mɛɛ, n tãa tĩnang nyaa ɓɔɔ Laa dang ɓɛɛ katɔ.

Rooma 7:16

Naa n palɛ vuu ɓɔɔ n kasɛ kpang kɔ jong, n zi kaa wukɔ nɛɛ nyaa ɓɔɔ Laa dangnɛ ɓi tɔ̃ɔ.

Zang Shonang Yeesɔ 24:16

Ka ruu nɔngkɔ, n kasɛ nɛɛ diki diki n palɛ vuu ɓɔɔ tɔ̃ɔ ka tĩng Laa nɛɛ tĩng shɔnzang piti.

Yɔhana 3:20

Zang ɓɔɔ pálɛ̀ vuu shi kpang, kasɛ ruu nɔng yakɛnang ɓi kpang. À nɔng ɓɔɔ yakɛ katɔ ɓi kpang, ka ruu ɓɔɔ, kasɛ nɛɛ zang zi vuu shi kpang ɓiɓɛ kpang ɓɛɛ.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.