Afisa 5:6 - Nyaa Shɔɔ Ɓɔɔ Laa a Ɓɛɛ

⁶ Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Afisa 5:6 Referans Kwoze

Rooma 1:18

Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.

Matiyu 24:4

A Yeesɔ kasɛ ri nyaa tɔɔ, “Nɔɔ gãng jĩng kagn, zang ɓɔɔ wu nwãarɛ nɔɔ kpang.

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Kolosi 3:6

Ka ruu rɛɛ vuu ɓɔɔ naa weɓe kɔ, Laa naa dǎng zang ɓɔɔ ri ta nyaa ɓɔɔ wu dang ɓɛɛ jĩng.

Maraku 13:5

A Yeesɔ gaa ri tɔɔsung ruu kɔɔnang kati tɔɔ, “Nɔɔ gãng jĩng kagn, zang ɓɔɔ nɛɛ nwãarɛ nɔɔ”

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

1 Bituru 2:8

Zang bèe ka nɔng ɓɔɔ ka yeti labeenang Laa nɛɛ, “Wee tari ɓɔɔ zang naa kpaa doo kagn, zang watɛ ɓɛɛ kɔ”. Ri kpaa doo, ri watɛ, ka ruu ɓɔɔ, ri dũ̀ng Ruu Laa kpang ɓɛɛ. Laa kɔ kasɛ nɛɛ wu nwang nɔngkɔ, doo ka tĩng tɛ̃ɛ tɛ̃ɛ.

2 Tesalonika 2:3

Nɔɔ yaa zang ɓɔɔ wu nwãarɛ nɔɔ ka gbalang ɓɔɔ kpang. Zang dɔɔli ri nɛɛ raa Laa yuu knti tɔ naa ɓɔɔ zang kɔɔ ɓɛɛ a yɔɔ ɓɔɔ dũ̀ng nyaa dannang ɓi kpang nɛɛ nwang nyaa tɔ, ɓɔɔ Laa naa ningsi wu ɓi ka waa ɓɛɛ, tɔ̀ɔ, Diki Kpanti ɓuru wu a kati.

Kolosi 2:4

N kɔɔ nɔɔ ruu keɓe tɔ, zang ɓɔɔ wu nwáarɛ̀ nɔɔ nɛɛ nyaa laanang sèé kpang, naa nyaa keɓe shi doo naa viya?

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Kolosi 2:18

Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,

Yahudi 3:19

Ka ruu nɔngkɔ, ruu zirɛ nɛɛ ri daa ɔ̃sɔ kpang, ka ruu ɓɔɔ, ri shing danggn kpang ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.