Afisa 3:2 - Nyaa Shɔɔ Ɓɔɔ Laa a Ɓɛɛ

² Niizang, n zi tɔ nɔɔ tãa naa ɓɔɔ Laa a m shonang keɓe tɔ nɛɛ n palɛ, tɔ̀ɔ, wu nwàng nɔɔ tɔ̃ɔ kati.

Afisa 3:2 Referans Kwoze

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

2 Timoti 1:11

Laa zɔ̃ng m nɛɛ n nwang zang shonang Yeesɔ, n tusu zang vuu, a n ti kɔ̀ɔ zang Ruu Tɔ̃ɔ Laa.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Afisa 4:7

Zang pàlɛ̀ ruu tɔ̃ɔ ka doo vuu ɓɔɔ Yeesɔ Kirisi basɛ zang ɓu ɓɛɛ. Á zang naa, nɛɛ zang ri palɛ vuu ka zɔ̃ng zɔ̃ng.

1 Koranti 4:1

N kasɛ zang piti ri zirɛ nɛɛ ɓɔɔ ruu zang shonang Yeesɔ Kirisi, ruu dũng wu ɓɛɛ, Laa a ruu vuu ɓɔɔ wu waasɛ katɔ ɓɛɛ tɔ ka naa, nɛɛ ruu gãng jĩng kagn.

Afisa 1:10

Diki nɛɛ a tɔ, Laa naa palɛ vuu ɓɔɔ wu mang ka yeti ɓiɓɛ ditɔ. Nɛɛ kpalɛ vuu ɓɔɔ wu mãarɛ ɓɛɛ nandon, vuu ɓɔɔ ka lapa nɛɛ tipi nandon, tɔɔ Kirisi wu nwang zang bang ɓarɛ kati.

Galati 1:13

Zang kɔɔ nɔɔ naa ɓɔɔ n nwáng ka tĩng bɛ̀ɛ́ n dũng doo gbalang zang Yahudi nɛɛ yeti gbete ɓɛɛ tɔ. Naa ɓɔɔ n dang zang ɓɔɔ ri dũng gbalang Kirisi jĩng, gn ɓarɛ kɔng m kpang ɓɛɛ tɔ. N pálɛ́ vuu ɓɔɔ n zũnung katɔ nandon, n tɔɔ n ningsi ri dɔ̃ɔ gbete.

Zang Shonang Yeesɔ 22:21

A Kpanti kɔɔ m tɔɔ, ‘Dita, N shong mɔɔ ka nɔng beebang, ka bii zang ɓɔɔ ri zang Isirela kpang ɓɛɛ.’ ”

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 13:2

Diki ɓɔɔgn ri bang Laa, a ri seng nyaalaa a Suru Laa kɔɔ ri tɔɔ, “Nɔɔ zɔ̃ng m Shaawulu nɛɛ Baranaba ka ruu shonang, ɓɔɔ n ɓàa ri nyaa ɓɛɛ.”

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

Kolosi 1:4

Ka ruu ɓɔɔ, ruu tã̀a nyaa danggn ɓɔɔ nɔɔ shing ka bii Yeesɔ Kirisi tɔ, a ɓɔɔ naa ɓɔɔ nɔɔ kasɛ ruu zang Laa nandon ɓɛɛ.

Afisa 4:21

Niizang, nɔɔ tãa ruu katɔ ka yuu ɓiɓɛ, nɔɔ zang ɓɔɔ dũng wu nɛɛ yeti gbete ɓɛɛ. Zang ti tusu nɔɔ vuu ɓɔɔ niizang katɔ ka yuu Yeesɔ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

Rooma 11:13

N rang yee kaa nɛɛ nɔkɔ ɓɔɔ nɔɔ zang Yahudi kpang ɓɛɛ. Laa shong m nɛɛ n pálɛ́ shonang ka teteng manɛ ɓɛɛ, ka ruu nɔngkɔ, n dɔ̀ɔ́ bii ka ruu shonang ɓɔɔ wu a m nɛɛ n palɛ ɓɛɛ.

Afisa 3:7

Laa shing m nɛɛ n nwang zang shonang ɓɔɔ kɔɔ zang Ruu Tɔ̃ɔ, nɛɛ bìí vuu tɔ̃ɔ ɓɔɔ wu a m ɓɛɛ. Laa a m vuu tɔ̃ɔ keɓe nɛɛ naa vuu palɛnang ɓiɓɛ.

Afisa 3:9

Ń ti shing zang piti ri zi naa ɓɔɔ zang naa palɛ shonang nɛɛ vuu ɓɔɔ Laa mang ka yeti a wàasɛ̀ zang katɔ ɓɛɛ. Laa ɓɔɔ wukɔ mãa vuu piti wáasɛ́ vuu keɓe doo tɛ̃ɛ tɛ̃ɛ.