Zang Shonang Yeesɔ 8:5 - Nyaa Shɔɔ Ɓɔɔ Laa a Ɓɛɛ

⁵ Filibu daa ka gari ɓɔɔ ka tipi Samariya, daa kɔɔ zang ruu Kirisi ka nɔngkɔ.

Zang Shonang Yeesɔ 8:5 Referans Kwoze

Zang Shonang Yeesɔ 6:5

Ruu rɛɛ zang kopi tu ziti keɓe, daa zang piti ka yeti. A zang shɛ̃ɛrɛ rɛɛ Istifanu, yɔɔ ɓɔɔ shing danggn ka bii Laa dɔɔli, a Suru Laa ti kagn bii ɓiɓɛ ɓɛɛ, a ɓɔɔ Filibu, nɛɛ Porokoru, nɛɛ Nikana, nɛɛ Timon, nɛɛ Barimina, nɛɛ Nikola yɔɔ tipi Antakiya ɓɔɔ bɛ̀ɛ́ dũng gbalang zang Yahudi ɓɛɛ. Kãntang keɓe dũng kaa Yeesɔ Kirisi.

Zang Shonang Yeesɔ 21:8

Nɔng naa gãntɛ ruu yupaa ruu daa Kayisariya. Ruu daa ka yeti gãa Filibu ɓɔɔ kɔɔrɔ zang Ruu Tɔ̃ɔ Laa ɓɛɛ, ruu nwang ka nɔngkɔ. Filibu kagn teteng zang manziti ɓɔɔ zang shɛ̃ɛrɛ ri ka Urushalima ɓɛɛ.

Zang Shonang Yeesɔ 8:40

Filibu daa nwang nyaa ka gari Azotu. A riki rɛɛ gari nandon, kɔɔrɔ zang Ruu Tɔ̃ɔ Laa, a nɛɛ mani ka Kayisariya.

1 Koranti 3:11

Ka ruu ɓɔɔ, zang ɓɔɔ lòó doo gãa ɓɔɔgn takpang. Doo gãa ɓɔɔ Laa looyi, ɓi wukɔ Yeesɔ Kirisi.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

Zang Shonang Yeesɔ 5:42

Diki, diki ri tusu zang vuu, a ri ti kɔɔrɔ zang Ruu Tɔ̃ɔ Laa ka yeti Gãa Laa nɛɛ yeti gãa zang, nɛɛ Yeesɔ wukɔ Kirisi.

1 Koranti 2:2

N kɔɔ ka yeti mɛɛ, n tɔɔ, wee n doo nɛɛ nɔɔ ɓee, n rɛ̃rɛ ruu Yeesɔ Kirisi kɔ shɛ̃ɛning. Naa ɓɔɔ zang ɓaa wu ka laa a vɔ ɓɛɛ.

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

Zang Shonang Yeesɔ 8:1

Shaawulu kasɛ nyaa kagn ka ɓɔɔ zang nyɔ Istifanu vɔrɔ ɓɛɛ. Ka diki kaɓa zang gaayu ɓɔɔ zang dang zang ɓɔɔ ri dũng Laa jĩng ka Urushalima. Zang ɓɔɔ ri shing danggn tɔ, zang tantɛ ri ka tipi Yahudi nɛɛ tipi Samariya nandon. Ɓi rɛɛ zang shonang Yeesɔ kɔ ri nwang ɓarɛ shɛ̃ɛning.

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 8:6

Ɓɔɔ zang ɓɔɔ ri kpalɛ zɔɔ, ri tãa vuu ɓɔɔ wu kɔɔyi, a ri ti zi vuu ɓɔɔ zang zirɛ zang mã naa ka danggn ɓɔɔ wu palɛ ɓɛɛ, ri ɓaa shoo kaa tɔ̃ɔ tɔ̃ɔ.

Zang Shonang Yeesɔ 8:26

Zang nyaa shonang Laa ɓɔɔ ka lapa kɔɔ Filibu tɔɔ, “Yupaa mɔɔ daa ka dii mɔɔ sɔɔ gbalang gbaala ɓɔɔ yupaa nɛɛ Urushalima daa ka Gaza ɓɛɛ.”

Zang Shonang Yeesɔ 8:30

A Filibu yurɛ daa ka bii kɛkɛ daa tãayi yɔɔ gã labeenang Ishaya zang nyaa shonang Laa. A Filibu hɛ̃ɛ wu tɔɔ, “Mɔɔ zi vuu kɔ mɔɔ gã ɓɛɛ ɓu tɔ ya?”