Zang Shonang Yeesɔ 5:16 - Nyaa Shɔɔ Ɓɔɔ Laa a Ɓɛɛ

¹⁶ Zang ri alɛ dɔɔli nɛɛ rɛɛ gari ɓɔɔ kiiri Urushalima nyaa ka teteng ɓɛɛ. Ri atɛ zang kɔnang nɛɛ zang ɓɔɔ suru shi kpang ka bii ɓarɛ ɓɛɛ, zang másɛ́ ri nandon.

Zang Shonang Yeesɔ 5:16 Referans Kwoze

Yakubu 5:16

Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Yɔhana 14:12

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Luka 9:11

Ɓɔɔ zang ɓɔɔ ri kpalɛ zɔɔ gaagaa ri tãa nyaa nɔng ɓɔɔ Yeesɔ daayi, ri dũuru knti ɓiɓɛ kati. Ri naa shɛ̃ɛ nɔng ɓɔɔ Yeesɔ kagn ɓɛɛ tɔ, a Yeesɔ jee ri nyaa, a rang ri yee Kpanti roonang Laa kati. A ti masɛ zang ɓɔɔ kɔnang yiki ri katɔ ɓɛɛ.

Luka 5:17

Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Matiyu 8:16

Ka diki kaɓa nɛɛ laarang, zang átɛ́ wu zang ɓɔɔ suru shi kpang ka bii ɓarɛ, a nwàngsɛ̀ ri suru shi kpang ɓarɛ kaa nɛɛ yee ɓɔɔ wu rang ɓɛɛ kɔ shɛ̃ɛning. A ti masɛ zang ɓɔɔ vuu palɛ ri katɔ nandon.

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

1 Koranti 12:9

Suru Laa a zang ɓɔɔ naa, ri shing danggn ka bii kpanti Yeesɔ, wu ti a zang ɓɔɔ naa ri masɛ zang kɔɔnang.

Matiyu 2:16

Ɓɔɔ Hiridu naa zirɛ nɛɛ, zang ɓɔɔ ri zili sang ri nwãarɛ wu tɔ naa weɓe, gnvɔ shàa wu dɔɔli. Shong zang nɛɛ zang daa nyɔkɔ wujɛ varɛ nandon ɓɔɔ saa ɓarɛ ɓa ziti gn kpang ɓɛɛ vɔrɔ, ka gari Bɛtalami nɛɛ nɔng ɓɔɔ kiiri Bɛtalami nyaa naabm. Hiridu palɛ nɔngkɔ ka naa ɓɔɔ wu tãa nyaa diki ɓɔɔ sang nwang nyaa ting shɔɔnang ka bii zang ɓɔɔ ri zili sang ɓɛɛ.

Zang Shonang Yeesɔ 5:15

Ka ruu vuu ɓɔɔ rɛɛ zang shonang Yeesɔ ri pálɛ̀, zang dɔɔli ri ãatɛ zang kɔnang ɓarɛ ka nyaa gbalang, ri wɔɔ ri ka yuu latãng nɛɛ siri, ka ruu ɓɔɔ, Bituru nɛɛ tɛɛnang, jasuru ɓiɓɛ kɔ̀ wu ti a ka yuu ɓarɛ shɛ̃ɛning wu másɛ́ ri kati.

Zang Shonang Yeesɔ 5:17

Kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri nɛɛ wu ɓɛɛ nandon, ɓɔɔ ri ɓarɛ zang Saduki ɓɛɛ, ri kaa sũnyaa, a gnvɔ shaa ri dɔɔli.

Luka 6:18

A Yeesɔ ti masɛ zang ɓɔɔ suru shi kpang ka bii ɓarɛ kaa jong.