Zang Shonang Yeesɔ 25:23 - Nyaa Shɔɔ Ɓɔɔ Laa a Ɓɛɛ

²³ Nɔng naa gãntɛ tɔ, a Agiripa nɛɛ Banike ri a nɛɛ zang ka knti ɓarɛ zingkãng zingkãng. Rɛɛ zang bang sɔɔja, nɛɛ zang bang bang gari ri daa nɛɛ ri ka yeti gãa ɓɔɔ zang kpalɛ yuu kagn ɓɛɛ. A Fesitu kɔɔ zang nɛɛ ri atɛ Bulu ta.

Zang Shonang Yeesɔ 25:23 Referans Kwoze

Zang Shonang Yeesɔ 26:30

A kpanti, nɛɛ Gɔmna, nɛɛ Banike, nɛɛ zang ɓɔɔ ri nwalɛ nɛɛ ri ɓɛɛ, ri seepaa.

Zang Shonang Yeesɔ 25:13

Diki naa bee tɔ tɔkɔlɔng, a kpanti Agiripa nɛɛ Banike ri a ka Kayisariya nɛɛ ri naa jee Fesitu nyaa, ɓɔɔ wu à ka tipi kaɓa ɓɛɛ.

1 Yɔhana 2:16

Ka ruu ɓɔɔ, vuu ɓɔɔ ka koo keɓe nandon naa rɛɛ, vuu ɓɔɔ bii shɔnzang kasɛ, nɛɛ vuu ɓɔɔ zang zirɛ, zang ti kasɛ katɔ ɓɛɛ, a ɓɔɔ jĩng gbakɛnang ɓɔɔ zang gbakɛ ka ruu vuu naa zang ɓɛɛ. Vuu keɓe nandon ɓi ɓɔɔ Daa ɓuru Laa kpang, ɓi ɓɔɔ koolaa keɓe.

1 Bituru 1:24

Ɓi naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ ɓɛɛ nɛɛ, “Shɔnzang piti ri nwang naa wisi Shinang ɓarɛ ɓi naa mangwaa wisi, wisi nɛɛ tɔɔrɔ tɔ, mangwaa wu lɔɔyi ɓɛɛ.

Yakubu 1:11

Naa ɓɔɔ laa nɛɛ tuu tɔ, wisi tɔɔrɔ kaa tɔ. Mangwaa ɓiɓɛ ri ti lɔɔrɔ ri watɛ. Shinang ɓarɛ wu lasɛ. Zang ying lasɛ doo nɔngkɔ, ka ɓɔɔ wu shòngtó ka nɔng vuu naa ɓiɓɛ kãanang ɓɛɛ.

1 Koranti 7:31

Zang ɓɔɔ ri nɛɛ palɛ shonang ɓɔɔ ka koo keɓe, ri shing danggn nandon ka yuu vuu keɓe kpang. Ka ruu ɓɔɔ, koo keɓe naa wee wu kãntang ɓee, waa nyaa kaa tɔ ɓɛɛ.

Zang Shonang Yeesɔ 12:21

Hiridu shìng zang keɓe diki. Ɓɔɔ diki ɓɔɔ wu shing ri naa arɛ, Hiridu hãa fɔ̃ɔrɔ kpanti ɓiɓɛ, a nwang ka yuu laa kpanti, a rang ri yee.

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Maraku 6:21

Hirodiya naa walɛ gbalang vuu ɓɔɔ wu kongso ka yeti ɓiɓɛ nɛɛ Yɔhana ka lee ɓɔɔ diki ɓɔɔ zang yi Hiridu kagn raa bii ɓɛɛ. Ka diki kaɓa, kpanti Hiridu gaarɛ zang bang bang ɓiɓɛ, nɛɛ zang bang bang zang sɔɔja, nɛɛ zang Galili ɓɔɔ vuu naa ɓarɛ kagn dɔɔli, nɛɛ ri naa shaa vuu shaanang.