Zang Shonang Yeesɔ 24:17 - Nyaa Shɔɔ Ɓɔɔ Laa a Ɓɛɛ

¹⁷ “Saa mɛɛ bee tɔ tɔkɔlɔng n daa Urushalima kpang. Wee n nɛɛ daayi, n tɔɔ n daa a rɛɛ zang mɛɛ ɓɔɔ vuu ka naa kpang vuu ɓɔɔ zang kpalɛ, ń ti dɔɔ Laa vuu vaa.

Zang Shonang Yeesɔ 24:17 Referans Kwoze

Galati 2:10

Ri kɔɔ ruu nɛɛ, danggn wu ning ruu zang ɓɔɔ vuu ka naa ɓarɛ kpang, ɓɔɔ ri ka teteng zang kaɓa kpang kɔ shɛ̃ɛning. Vuu ɓɔɔ bɛ̀ɛ́ n shing danggn palɛnang ɓee kɔ.

2 Koranti 9:12

Ka ruu ɓɔɔ, vuu kɔ nɔɔ palɛ ɓee, a wu zang ɓɔɔ ri dũng Laa kɔ shɛ̃ɛning vuu ɓɔɔ ri kasɛ ɓɛɛ kpang, ti shing jong zang dɔɔli ri zãa Laa.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Rooma 15:31

Nɔɔ gaayi nɛɛ, zang ɓɔɔ ri shing danggn ɓarɛ ka bii Laa kpang, ɓɔɔ ri ka tipi Yahudi, ri pálɛ̀ m vuu ɓɔɔ kpang. Nɛɛ zang ɓɔɔ ri dũng Laa ɓɔɔ ri ka Urushalima ri tãa tĩnang vuu ɓɔɔ n átɛ̀ ri ɓɛɛ.

Zang Shonang Yeesɔ 20:16

Bulu kɔɔ ɓi ka yeti ɓiɓɛ nɛɛ wu tɛɛ ɓi nɛɛ laana wu daa ka Afisa, ka ruu ɓɔɔ, wu kasɛ wu suukãng ka Asiya kpang ɓɛɛ. Làábii nɛɛ wu kasɛ wu shɛ̃ɛ Urushalima ka diki nyaalaa Pentiku.

Zang Shonang Yeesɔ 21:26

A Bulu daa nɛɛ rɛɛ zang keɓe. Ɓɔɔ nɔng naa gãntɛ pálɛ́ vuu ɓɔɔ zang pálɛ̀, tɔ̀ɔ, zang nwang zang tɔ̃ɔ ka tĩng Laa ɓɛɛ. A daa kaa yeti Gãa Laa nɛɛ wu kɔɔ zang diki ɓɔɔ vuu ɓɔɔ ri palɛ, nɛɛ ri nwang zang tɔ̃ɔ ka tĩng Laa waa nyaa kagn ɓɛɛ. Diki ɓɔɔ zang dɔ̀ɔ́ Laa vuu vaa kagn ka ruu zang ɓu ɓɛɛ.

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 24:26

Shing danggn ɓi tɔɔ naa Bulu a wu saka, ka ruu nɔngkɔ, ɓáarɛ̀ wu nyaa rangkɛ yee nɛɛ wu.

2 Koranti 8:6

Bɛɛ Titu gaayu tɔ, kpálɛ́ vuu ɓɔɔ nɔɔ alɛ waati nɛɛ yeti gbete, a ruu kɔɔ wu nɛɛ wu yaa kpang, wu hangsɛ shonang bìí katɔ.