Zang Shonang Yeesɔ 21:27 - Nyaa Shɔɔ Ɓɔɔ Laa a Ɓɛɛ

²⁷ Diki manziti bìí yaa ka tɔkɔlɔng waa nyaa kaa tɔ, a zang Yahudi tipi Asiya, ri zi Bulu ka yeti Gãa Laa. Ri zàrɛ̀ zang ɓɔɔ ri kpalɛ ɓɛɛ nandon, a ri yi wu.

Zang Shonang Yeesɔ 21:27 Referans Kwoze

Zang Shonang Yeesɔ 26:21

Rɛɛ zang Yahudi ri yi m ka ruu vuu keɓe kɔ, nɛɛ ri nyɔ m vɔrɔ bɛ̀ɛ́ n ka yeti Gãa Laa.

Zang Shonang Yeesɔ 24:18

N palɛ vuu keɓe kɔ, a ri naa ĩi m ka yeti Gãa Laa, bɛ̀ɛ́ n hangsɛ vuu ɓɔɔ zang palɛ, tɔ̀ɔ, zang nwang zang tɔ̃ɔ ka tĩng Laa tɔkn ɓɛɛ tɔ. Bɛɛ zang kpalɛ ka bii mɛɛ kpang. Zang ti haa nyaa kpang.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 18:12

Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 17:13

Zang Yahudi ɓɔɔ ka Tesalonika ri tãa nyaa nɛɛ Bulu nɛɛ Siila ri kɔɔ zang ruu tɔ jong ka Beriya, a ri daayi ri daa zàrɛ̀ zang nɛɛ zang ri haa nyaa.

Zang Shonang Yeesɔ 14:19

Zang Yahudi ɓɔɔ ri a nɛɛ Antakiya ɓɔɔ ka tipi Pisidiya ɓɛɛ, ɓɔɔ ri ti a nɛɛ Ikoniya. Ri dɔ̃lɔ zang ɓɔɔ ri kpalɛ ɓɛɛ nyaa, a zang ri ta nyaa ɓarɛ, a ri luku Bulu nɛɛ tari. Ri gɔ̃ wu ka tipi ri nwangsɛ wu nɛɛ yeti gari, ri tɔɔ naa vɔ ɓi tɔ.

Zang Shonang Yeesɔ 14:5

Zang ɓɔɔ ri zang Isirela kpang nɛɛ Yahudi, ri mã zɔɔ nyaa nɛɛ rɛɛ zang bang ɓarɛ, nɛɛ ri dang rɛɛ zang shonang Yeesɔ jĩng, nɛɛ ri ti luku ri nɛɛ tari.

Zang Shonang Yeesɔ 14:2

Rɛɛ Yahudi ɓɔɔ ri bɛ̃ɛ danggn shinnang katɔ, ri dɔ̃lɔ rɛɛ zang ɓɔɔ ri zang Isirela kpang, a ri lasɛ zɔɔ nɛɛ rɛɛ zang ɓɔɔ ri shing danggn tɔ ɓɛɛ.

Zang Shonang Yeesɔ 6:12

Ɓɔɔ ri tãa ruu keɓe naa weɓe, yeti zang nɛɛ ɓɔɔ zang bang bang zang Yahudi, nɛɛ zang ɓɔɔ ri tusu zang labeenang Laa ɓɛɛ, lasɛ dɔɔli. Ri arɛ, ri naa yi Istifanu ri daa nɛɛ wu ka bii zang ɓɔɔ ri jɛ̃ɛ zang ruu ɓɛɛ.

Zang Shonang Yeesɔ 5:18

Ri yiki rɛɛ zang shonang Yeesɔ, ri loo ri ka sãa.

Zang Shonang Yeesɔ 4:3

Ka ruu nɔngkɔ, ri yiki Bituru nɛɛ Yɔhana, ri daa loo ri ka sãa nɛɛ nɔng wu gãntɛ ka gbongkarɛ, ka ruu ɓɔɔ, bɛ̀ɛ́ kaa nɛɛ laarang.

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Zang Shonang Yeesɔ 2:9

Ruu álɛ̀ ɓuru nɛɛ tipi Fatiya, nɛɛ tipi Madiya, nɛɛ tipi Elama, nɛɛ tipi Masopotaami, nɛɛ tipi Yahudi, nɛɛ tipi Kapaadoosiya, nɛɛ tipi Pontu, ɓɔɔ tipi Asiya,

Zang Shonang Yeesɔ 6:9

A zang ɓɔɔ ri ka gãa zɔɔ kpalɛnang ɓɔɔ zang ɓaa nɛɛ gãa zɔɔ kpalɛnang “Zang ɓɔɔ zang yaa ri naa tɔ”, ɓɔɔ ri ɓarɛ zang Yahudi nɛɛ gari Kiranɛ nɛɛ gari Alezandiriya, a ɓɔɔ nɛɛ tipi Silisiya nɛɛ tipi Asiya ri kasɛ ruu ɓiɓɛ kaa takpang. Zang keɓe ri gaayu nyaa laanang kaa nɛɛ wu.

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 20:19

N palɛ shonang Kpanti Laa nɛɛ miiri ka jĩng mɛɛ, n lakɛ jĩng kpang. Ka yeti jĩng dannang ɓɔɔ n dangnɛ ka ɓɔɔ zang Yahudi ri tɔ̀ng zɔɔ ka yuu mɛɛ ɓɛɛ.

Zang Shonang Yeesɔ 24:11

Naa mɔɔ hɛ̃ɛ zang, zang kɔ̀ɔ́ mɔɔ katɔ nɛɛ diki daa kopi tu ziti ɓɔɔ n daa Laa bannang ka Urushalima ɓɛɛ.

2 Koranti 11:26

Ka rakɛnang mɛɛ, ɓɔɔ n daarɛ dɔɔli ɓɛɛ, n dang jĩng tɔ ka mii ɓɔɔ kpaa ɓɛɛ, a ɓɔɔ ka naa zang ɓɔɔ ri ta zang vuu nɛɛ ɓangge ɓɛɛ. N dang jĩng tɔ ka naa zang ɓɔɔ ri zang Yahudi kɔ doori ɓɛɛ. A ɓɔɔ ka naa zang ɓɔɔ ri zang Yahudi kpang ɓɛɛ. N dang jĩng ka gari bang, ɓɔɔ ka jĩngti, ɓɔɔ ka mii waapo, a ɓɔɔ ka naa zang ɓɔɔ ri suu sèé nɛɛ ri doo zang ɓɔɔ ri dũng Laa kɔ.

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.