Zang Shonang Yeesɔ 2:20 - Nyaa Shɔɔ Ɓɔɔ Laa a Ɓɛɛ

²⁰ Zang risi làa, wu tɔ̀ɔ kaa tɔ, shala wu ti ráa ɓi kaa zĩi, tɔ̀ɔ, diki ɓɔɔ zang a Laa bannang kagn wu arɛ. Diki kaɓa wukɔ Diki ɓɔɔ bang ɓɛɛ.

Zang Shonang Yeesɔ 2:20 Referans Kwoze

2 Bituru 3:10

Naa dòo nɔngkɔ piti, diki nɛɛ a tɔ, Kpanti Yeesɔ Kirisi naa gbãayu naa shɔngɓɔ ka diki kaɓa, zang ri naa tãa nyaa ɓɔɔ zang mɛɛ ɓɛɛ, a lapa wu ning kati. Waa wu shaa vuu ɓɔɔ ka lapa nɛɛ koo kati nandon. Tipi nɛɛ vuu ɓɔɔ ka yuu ɓiɓɛ piti naa ning katɔ nandon.

Matiyu 24:29

“Jĩng dannang bang kaɓa nɛɛ waa nyaa tɔ hn, “ ‘laa kɔ ruu zi ka lapa ɓee, naa tɔ̀ɔ katɔ, shala ti naa yàkɛ̀ nɔng takpang sang ri ti naa shili nɛɛ lapa, vuu ɓɔɔ ka lapa piti naa rùutú katɔ.’

1 Tesalonika 5:2

Ka ruu ɓɔɔ, nɔɔ nɛɛ yuu manɛ nɔɔ zi tɔ waasɛ̃ nɛɛ diki ɓɔɔ Kpanti Yeesɔ naa a kagn, naa nwang naa ɓɔɔ shɔngɓɔ, a nɛɛ zĩi bɛ̀ɛ́ nɔɔ shing gn kpang ɓɛɛ.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

Luka 21:25

“Nɔɔ naa zi vuu ka làa, nɛɛ shala nɛɛ sàng ka zɔ̃ng zɔ̃ng. Zang koolaa ka bm bm ri naa kaa vɔrɔ, ka ruu ɓɔɔ, mii waapo kaarɛ nyaa a ti see varɛ dɔɔli ɓɛɛ.

Maraku 13:24

“Jĩng dannang kaɓa nɛɛ waa nyaa tɔ, laa kɔ ruu zi ka lapa ɓee, naa tɔ̀ɔ́ katɔ. Shala ti naa yakɛ nɔng takpang.

Vuu ɓɔɔ zang nwangsɛ Yɔhana 16:8

Zang nyaa shonang Laa ɓɔɔ ka lapa ɓɛɛ, ɓɔɔ daa kaa dɛ̃ɛti ɓɛɛ, arɛ naa ɓaa kɔnang ɓɔɔ ka yeti waka ɓiɓɛ ka yuu làa. A zang a laa naa, wu shaa zang naa waa.

Vuu ɓɔɔ zang nwangsɛ Yɔhana 6:12

A ɓɔɔ Jaa Mɛɛrɛ tãa lang ɓɔɔ daa kaa mangbete, n zirɛ tipi ruutu gbãng gbãng, a làa risi kaa vĩiri kɔngkɔng naa fɔ̃ɔrɔ vĩiri ɓɔɔ zang palɛ nɛɛ suuyuu ɓɛɛ, a shala raa kaa nwɛ̃ɛri naa zĩi.

1 Koranti 5:5

Nɔɔ yàa Sheetang zang keɓe, wu lasɛ yɔpɔ bii ɓiɓɛ, tɔ̀ɔ, suru bii ɓiɓɛ wu wɔ kati, ka diki ɓɔɔ Kpanti ɓuru Yeesɔ naa gbãayu ka koo keɓe ɓɛɛ.

Matiyu 27:45

Nɔng tɔ̀ɔ ka tipi kaɓa nandon nɛɛ laagɛ̃ sasak, laa naa kpɛ̃ɛ nɛɛ mani.

Zang Shonang Yeesɔ 2:19

N tusu vuu ka lapa zang zirɛ zang mã naa ka danggn. N ti tusu vuu ɓɔɔ zang zirɛ zang mã naa ka danggn ɓɛɛ ka tipi. Zĩi naa zɛ̃ɛ ka tipi, a waa naa shaa nɔng, zĩ̀irí ta nɔng piti.

Zang Shonang Yeesɔ 2:21

Zang ɓɔɔ nɛɛ gàa Laa nɛɛ wu yi wu naa ka bii, ka diki kaɓa, Laa ta yuu ɓiɓɛ katɔ.” ’