Zang Shonang Yeesɔ 19:33 - Nyaa Shɔɔ Ɓɔɔ Laa a Ɓɛɛ

³³ Zang Yahudi ri dɔ̃ Alezanda nɛɛ wu daa shii ka tĩng zang, wu rang yee nɛɛ zang. Ka ruu nɔngkɔ, zang ɓɔɔ ri kɔɔ ɓarɛ nɛɛ zang kpalɛ yuu ka ruu ɓiɓɛ kɔ. A Alezanda tuu naa ka lapa nɛɛ tɔɔ zang vɔ̃ nyaa kati, tɔ̀ɔ, wu rang zang yee kati.

Zang Shonang Yeesɔ 19:33 Referans Kwoze

Zang Shonang Yeesɔ 12:17

Kɔɔ ri nɛɛ naa, nɛɛ ri vɔ̃ nyaa. A kɔɔ ri naa ɓɔɔ Laa nwangsɛ wu nɛɛ sãa kati. Kɔɔ ri tɔɔ, “Nɔɔ kɔɔ Yakub nɛɛ rɛɛ manzung ɓɔɔ nimbang ruu keɓe.” A yaa ri, daa ɓi kaa nɔng ɓɔɔgn.

2 Timoti 4:14

Alezanda yɔɔ ɓɔɔ sã vuu ɓɛɛ palɛ m vuu shi kpang dɔɔli. Laa naa palɛ wu vuu ditɔ jong ka doo vuu ɓɔɔ wu pálɛ̀ ɓɛɛ.

1 Timoti 1:20

Himinaya nɛɛ Alezanda ri ka teteng zang ɓɔɔ naa weɓe kɔ. N yàa Sheetang naa tɔ wu dang ri jĩng. Tɔ̀ɔ, shoo wu lu ri kati, ri yaa ruu shi kpang kɔɔrɔnang kaa yuu Laa.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Zang Shonang Yeesɔ 24:10

Gɔmna tusu Bulu naa nɛɛ wu rang yee ta. A Bulu kasɛ nyaa tɔɔ, “N zi tɔ saa ɓaaɓɛ bée tɔ, mɔɔ jɛ̃ɛ zang ruu ka tipi keɓe. Ka ruu nɔngkɔ, n kɔɔ ruu ka yuu mɛɛ ka tĩng ɓaaɓɛ nɛɛ tĩnang tãanang.

Zang Shonang Yeesɔ 21:40

Zang bang sɔɔja yàa wu gbalang, a shii ka yupaa nɔng ɓɔɔ zang vang nɛɛ mani ɓɛɛ. A wii zang ɓɔɔ ri kpalɛ naa. Ri vɔ̃ nyaa tɔ, a Bulu rang ri yee nɛɛ nyaa zang Yahudi tɔɔ:

Zang Shonang Yeesɔ 13:16

A Bulu yupaa kati, wii naa, a kɔɔyi tɔɔ, “Zang Isirela nɛɛ zang ɓɔɔ nɔɔ zang Isirela kpang, ɓɔɔ nɔɔ káa vɔrɔ Laa katɔ ɓɛɛ, nɔɔ ɓaa shoo.

Luka 1:22

Ɓɔɔ nwang tɔ ka biling, kasɛ nɛɛ wu rang yee nɛɛ zang, zunung yee rannang takpang. A zang yisi ka yeti ɓarɛ nɛɛ Zakariya zi vuu ɓɔɔ tɔ ka yeti Gãa Laa. A rang zang yee kaa nɛɛ naa. A nwang zang ɓɔɔ nyaa ɓiɓɛ nɔɔ katɔ ɓɛɛ kati.

Zang Shonang Yeesɔ 19:34

Ɓɔɔ ri zirɛ nɛɛ wu zang Yahudi, ri goo nyaa dɔ̃ɔ gbete ka lapa sasak dàa áwà ziti katɔ. Ri kɔɔyi nɛɛ, “Aritimi vuu gãnti zang Afisa wukɔ bang.”