Zang Shonang Yeesɔ 18:6 - Nyaa Shɔɔ Ɓɔɔ Laa a Ɓɛɛ

⁶ Ri bɛ̃ɛ ruu ɓiɓɛ, a ri kɔɔrɔ vuu shi kpang ka yuu ɓiɓɛ. Yeti ɓiɓɛ lasɛ nɛɛ ri, a waa zũng tapuru ɓɔɔ ka fɔ̃ɔrɔ ɓiɓɛ ɓɛɛ, a kɔɔ ri tɔɔ, “Nɔɔ nɛɛ shaarɛ, ɓi nɔkɔ kãa nɛɛ yuu manɛ. Ruu mɛɛ hãa ɓi kagn kpang. Vuu ɓɔɔ gaayu nɛɛ lɛ̀ɛ́kɔ, n daarɛ m kaa bii rɛɛ zang ɓɔɔ ri zang Isirela kpang ɓɛɛ.”

Zang Shonang Yeesɔ 18:6 Referans Kwoze

Zang Shonang Yeesɔ 13:51

Bulu nɛɛ Baranaba ri waa zũng tapuru ɓɔɔ ka doo ɓarɛ, nwàng kaa naa ɓɔɔ ri kɔɔ zang Yahudi nɛɛ ruu ɓarɛ hãa ɓi tɔɔ kagn nɛɛ ri kpang ɓɛɛ. A ri daa kaa Ikoniya.

1 Bituru 4:4

Kãntang keɓe nɔɔ kpálɛ̀ zɔɔ tɔ̀ɔ́ nɛɛ ri, nɔɔ palɛ zɔ̃ng rɛɛ vuu shi kpang ɓɔɔ ɓa kaka katɔ kaɓa kpang. Ɓɔɔ ri zi naa weɓe ri mã naa kaa danggn, ri dãa nɔɔ.

Luka 9:5

Nɔng ɓɔɔ zang nɛɛ ta nɔɔ kpang, nɔɔ nɛɛ daa kaa tɔ, nɔ́ɔ waa zũng tapuru ɓɔɔ ka doo manɛ katɔ. Tɔ̀ɔ, wu nwang vuu ɓɔɔ zang zi kagn nɛɛ ruu manɛ hãa ɓi tɔɔgn nɛɛ ri kpang ɓɛɛ. Nɛɛ Laa naa jee ri ruu ditɔ.”

Matiyu 27:25

A ri goo nyaa nandon nɛɛ, “Rúu zĩi yɔɔ keɓe wu naa nwang ka yuu ɓuru nɛɛ wujɛ ɓuru gbã̀ágbãa.”

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.

2 Timoti 2:25

Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

Rooma 3:29

Laa ɓi Laa zang Yahudi kɔ shɛ̃ɛning ya? Ɓi doo Làá zang ɓɔɔ ri zang Yahudi kpang kɔ doori kpang ya? Ɓi doo Laa ɓarɛ kɔ.

Zang Shonang Yeesɔ 28:28

A Bulu hangsɛ nyaa ruu ɓiɓɛ tɔɔ, “N kasɛ nɛɛ nɔɔ zirɛ nɛɛ Ruu Laa ɓɔɔ ta yuu zang, Laa shong nyaa tɔ nɛɛ mani ka bii zang ɓɔɔ ri zang Isirela kpang ɓɛɛ. Ri ti naa tãa ditɔ.”

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Zang Shonang Yeesɔ 26:11

N shingnɛ zang dang ri jĩng ka rɛɛ gãa zɔɔ kpalɛnang diki diki. N pálɛ̀ ri nɔngkɔ nɛɛ tɔ̀ɔ, ri kɔɔ vuu shi kpang ka yuu danggn ɓɔɔ ri shing ka bii Laa ɓɛɛ kati. Yeti mɛɛ lasɛ nɛɛ ri gbãng gbãng, ka ruu nɔngkɔ, n dàarɛ́ ka rɛɛ gari ɓɔɔgn, n daa dang ri jĩng ka nɔngkɔ.

Matiyu 22:10

A zang shonang yɔɔ ri daa ka nyaa gbabang, ri daa kpalɛ zang piti ɓɔɔ ri ĩi ɓɛɛ kati. Zang shi kpang nɛɛ ɓɔɔ tɔ̃ɔ piti. A zang ɓɔɔ zang gaarɛ, ri yi nyaa nɔng kn sinyɛ kati.

Matiyu 10:14

Zang gãa nɛɛ gari ɓɔɔ ri nɛɛ bɛ̃ɛ nɔɔ nɛɛ nyaa ɓɔɔ nɔɔ rang piti, nɔɔ nɛɛ dɔ̃sɔ kaa gari ɓɔɔgn, nɔɔ waa zũng tapuru ɓɔɔ ka doo manɛ. (Nɔɔ kɔɔ ri nɛɛ, Ruu ɓuru hãa ɓi tɔɔgn nɛɛ nɔɔ kpang, tɔɔ nɔɔ daayi.)

Luka 22:65

Ri ràngkɛ̀ ruu ka yuu ɓiɓɛ dɔɔli, ri ti dãlɛ wu.

Matiyu 21:43

“Ka ruu nɔngkɔ n kɔɔ nɔɔ, zang naa ta gbalang ɓɔɔ zang zi kagn nɛɛ Laa kɔ Kpanti ditɔ nɛɛ naa manɛ, zang a zang ɓɔɔ ri naa palɛ vuu ɓɔɔ Laa kasɛ katɔ ɓɛɛ.

Matiyu 8:11

N kɔɔ nɔɔ, zang zanti dɔɔli naa a nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn, naa nwàng nɛɛ rɛɛ Ibirayi nɛɛ Ishaaku, a ɓɔɔ Yakubu ka nɔng vuu shaanang, ka nɔng ɓɔɔ Laa roo Kpanti ɓɛɛ.

1 Timoti 5:22

Mɔɔ làabìi ka nɔng ɓɔɔ mɔɔ shing naa ɓaaɓɛ, ka yuu zang ɓɔɔ ri tɔɔ, ri palɛ shonang Laa ɓɛɛ kpang. Mɔɔ yi naa ɓaaɓɛ ka vuu shi kpang ɓɔɔ zang ɓɔɔgn ri palɛ kpang. Nwang ɓaa nwannang tɔ̃ɔ.

Matiyu 21:41

Ri kasɛ Yeesɔ nyaa tɔɔ, “Yɔɔ jaa kaɓa, naa nyɔkɔ zang yeti shi kpang kaɓa vɔrɔ katɔ nandon, tɔ̀ɔ wu a zang ɓɔɔgn, ɓɔɔ naa alɛ wu jĩng laa ka diki ɓɔɔ zang hã jĩng laa inabi kagn ɓɛɛ.”