Zang Shonang Yeesɔ 18:28 - Nyaa Shɔɔ Ɓɔɔ Laa a Ɓɛɛ

²⁸ Ka ruu ɓɔɔ, zunung yee rannang dɔɔli, ɓá rɛɛ zang Yahudi yuu nɛɛ ruu ɓiɓɛ, ka ɓɔɔ ri laa nyaa nɛɛ zɔɔ ka jĩng zang piti ɓɛɛ. Tùsú zang ka yeti labeenang Laa nɛɛ Yeesɔ kɔ Kirisi.

Zang Shonang Yeesɔ 18:28 Referans Kwoze

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Zang Shonang Yeesɔ 9:22

Shaawulu ti rang zang yee Laa kaa gbãng gbãng. Ruu ɓɔɔ kɔɔyi nɛɛ tɔ̀ɔ, zang zi kati nɛɛ Yeesɔ kɔ Kirisi, wu ruu ɓɔɔ mɔɔ làá nyaa kpang. Ka ruu nɔngkɔ, zang Yahudi ɓɔɔ ri ka Damasiku ri zi vuu ɓɔɔ ri kɔɔ wu takpang.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Zang Shonang Yeesɔ 17:3

A kɔɔ ri nɛɛ Kirisi dàng jĩng gbongkarɛ, tɔ̀ɔ, wu naa yupaa nɛɛ saa. Bulu kɔɔ ri nɛɛ, “Yeesɔ kɔ n kɔ̀ɔ́ nɔɔ ruu ɓiɓɛ ɓee, wukɔ Kirisi.”

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Luka 24:27

A Yeesɔ kɔɔrɔ ri vuu ɓɔɔ zang bee ka labeenang Laa ka yuu ɓiɓɛ kati. Gaayu nɛɛ labeenang ɓɔɔ Musa beere ɓɛɛ, a à nɔng ka yuu ɓɔɔ rɛɛ zang nyaa shonang Laa nandon ri beere ɓɛɛ.

Zang Shonang Yeesɔ 18:25

Zang tusu wu gbalang Laa tɔ gbãng gbãng. Suru Laa shing wu kɔ̀ɔ́ ruu, a ti tusu zang ruu ɓɔɔ niizang ka yuu Yeesɔ nɛɛ yeti gbete. A zi ɓi kaa doo batizima Yɔhana kɔɔ shɛ̃ɛning.

Luka 1:80

A jaa naa bangnɛ, a zũng danggn. Nwang ka jĩngti sasak diki ɓɔɔ wu naa nwang nyaa ka zang Isirela nandon a nɔng.

Zang Shonang Yeesɔ 8:35

A Filibu puu nyaa, gaayu nɛɛ ruu zang nyaa shonang Laa keɓe ɓɔɔ yɔɔ gã ɓɛɛ, a kɔɔ yɔɔ Ruu Tɔ̃ɔ Kpanti Laa kati ka yuu Yeesɔ.