Zang Shonang Yeesɔ 15:36 - Nyaa Shɔɔ Ɓɔɔ Laa a Ɓɛɛ

³⁶ Diki naa bee tɔ tɔkɔlɔng, a Bulu kɔɔ Baranaba nɛɛ, “Ruu gbãayu ta ruu leng rɛɛ manzung ɓuru ka rɛɛ gari ɓɔɔ ruu kɔ̀ɔrɔ̀ zang Ruu Laa kagn ɓɛɛ. Rúu zi naa ɓɔɔ ri nwang ɓɛɛ.”

Zang Shonang Yeesɔ 15:36 Referans Kwoze

Zang Shonang Yeesɔ 14:6

Zang shonang Yeesɔ ri tãa nyaa, a ri yurɛ, ri daa ka gari Lisitira nɛɛ Daabe ɓɔɔ ka tipi Likoniya ɓɛɛ. Ri ti daarɛ ka nɔng ɓɔɔ kiiri ri nyaa ka teteng ɓɛɛ.

Zang Shonang Yeesɔ 13:4

Baranaba nɛɛ Shaawulu ɓɔɔ Suru Laa shɔng ri, ri daa ka gari Selusiya. Ri vang laana nɛɛ Selusiya ri daa ka Kuburu.

Zang Shonang Yeesɔ 13:51

Bulu nɛɛ Baranaba ri waa zũng tapuru ɓɔɔ ka doo ɓarɛ, nwàng kaa naa ɓɔɔ ri kɔɔ zang Yahudi nɛɛ ruu ɓarɛ hãa ɓi tɔɔ kagn nɛɛ ri kpang ɓɛɛ. A ri daa kaa Ikoniya.

2 Koranti 11:28

Ruu kɔɔ ruu vuu ɓɔɔ takpang. Diki diki n rɛ̃rɛ m ruu zang ɓɔɔ ri dũng Laa ɓɔɔ ri ka nɔng piti ɓɛɛ.

Rooma 1:11

N kasɛ nɔɔ zinang katɔ gbãng gbãng, tɔ̀ɔ, n a nɔɔ vuu ɓɔɔ Suru Laa alɛ zang ɓɛɛ. Tɔ̀ɔ, wu mã nɔɔ danggn kati.

Zang Shonang Yeesɔ 14:1

Ka Ikoniya Bulu nɛɛ Baranaba ri daa yeti gãa zɔɔ kpalɛnang ka nyaa zɔɔ. Ri rang yee Laa, a zang dɔɔli, rɛɛ Yahudi nɛɛ zang Heleni ri shing danggn.

2 Timoti 1:4

N nɛɛ kpaa danggn miiri ɓɔɔ mɔɔ tɛ̃ɛ tɔ, n kasɛ n zi jĩng ɓaaɓɛ, tɔ̀ɔ, n tãa tĩnang kaa gbãng gbãng.

1 Tesalonika 3:6

Wee Timoti gbãayu tɔ ka bii ɓuru, ti atɛ ruu nyaa tɔ̃ɔ tɔ, nɛɛ nɔɔ shing danggn doo ka bii Yeesɔ, a nɔɔ ti kasɛ ruu katɔ. A ti kɔɔ ruu nɛɛ nɔɔ rɛ̃rɛ tɔ̃ɔ diki diki ka yuu ɓuru, nɛɛ nɔɔ kasɛ nɛɛ nɔɔ zi ruu doo naa ɓɔɔ ruu kasɛ nɔɔ zinang ɓɛɛ kɔ.

Zang Shonang Yeesɔ 14:21

Bulu nɛɛ Baranaba ri kɔɔ zang Ruu Tɔ̃ɔ Laa ka Daabe, a zang dɔɔli ri shing danggn ka bii Laa. A ri gbãayu ri sɔɔ Lisitira nɛɛ Ikoniya, ri naa a ka Antakiya ɓɔɔ ka tipi Pisidiya ɓɛɛ.

Zang Shonang Yeesɔ 7:23

“Sáa Musa daa tɔ laa ziti, a kɔɔ ka yeti ɓiɓɛ nɛɛ, wu daa leng jĩng doo ka rɛɛ ɓeezung, zang Isirela.

Matiyu 25:43

N a zanti, nɔɔ ti ta m ka gãa manɛ kpang. N nwang bii waati, nɔɔ hãa m fɔ̃ɔrɔ kpang. Kɔnang yi m, a zang ti mã m ka sãa nɔɔ lengke jĩng ka n kpang.’

Matiyu 25:36

N nwang bii waati, a nɔɔ hãa m fɔ̃ɔrɔ. Kɔnang yi m, nɔɔ gãng jĩng ka n. Zang mã m ka sãa, a nɔɔ lengke jĩng ka n ɓɛɛ.’

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Zang Shonang Yeesɔ 13:12

Ɓɔɔ gɔmna zi vuu ɓɔɔ palɛ Elayima, shing danggn kaa bii Laa, ti mã naa ka danggn, ka vuu ɓɔɔ Baranaba nɛɛ Shaawulu ri tusu ka yuu Kpanti Laa ɓɛɛ.