Zang Shonang Yeesɔ 15:35 - Nyaa Shɔɔ Ɓɔɔ Laa a Ɓɛɛ

³⁵ Bulu nɛɛ Baranaba ri nwang ɓarɛ kaa Antakiya ka nɔngkɔ. Ri nɛɛ rɛɛ zang ɓɔɔ ri tusu zang vuu, a ri ti kɔ̀ɔrɔ́ zang Ruu Laa ɓɛɛ.

Zang Shonang Yeesɔ 15:35 Referans Kwoze

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

Zang Shonang Yeesɔ 13:1

Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

Zang Shonang Yeesɔ 28:31

Kɔɔ zang ruu ka yuu Kpanti roonang Laa. Ti tusu zang vuu ka yuu Kpanti Yeesɔ Kirisi, kaa vɔrɔ kpang. Zang ɓɔɔ ti zãa wu ruu keɓe kɔɔnang kpang.

Zang Shonang Yeesɔ 14:28

A ri nwang kaa nɛɛ zang ɓɔɔ ri dũng Laa kaɓa ka nɔngkɔ, diki ɓarɛ bee katɔ.

Zang Shonang Yeesɔ 8:4

Zang ɓɔɔ ri shing danggn tɔ ɓɔɔ ri tantɛ nɛɛ nɔng piti piti ri rangkɛ Ruu Laa ka nɔng ɓɔɔ ri daarɛ ɓɛɛ.

Zang Shonang Yeesɔ 12:25

Baranaba nɛɛ Shaawulu ri daa palɛ vuu ɓɔɔ zang shong ri ka Urushalima tɔ, a ri gbãayu. Ri atɛ Yɔhana ɓɔɔ zang ɓaa wu nɛɛ Maraku ɓɛɛ ka naa ning.

Zang Shonang Yeesɔ 13:12

Ɓɔɔ gɔmna zi vuu ɓɔɔ palɛ Elayima, shing danggn kaa bii Laa, ti mã naa ka danggn, ka vuu ɓɔɔ Baranaba nɛɛ Shaawulu ri tusu ka yuu Kpanti Laa ɓɛɛ.

Zang Shonang Yeesɔ 15:34

[A Siila kasɛ nɛɛ wu nwang ɓi doo ka nɔngkɔ.]