Zang Shonang Yeesɔ 14:3 - Nyaa Shɔɔ Ɓɔɔ Laa a Ɓɛɛ

³ Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Zang Shonang Yeesɔ 14:3 Referans Kwoze

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Maraku 16:20

A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

Zang Shonang Yeesɔ 5:32

Ruu zi vuu keɓe tɔ, nɛɛ jĩng ɓuru, ruu ti kɔɔrɔ zang. Rùu nɛɛ Suru Laa ɓɔɔ Laa a zang ɓɔɔ ri ɓaa shoo ka nyaa ɓiɓɛ ɓɛɛ.”

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Yɔhana 4:48

Yeesɔ kɔɔ wu tɔɔ, “Nɔɔ nɛɛ zi vuu ɓɔɔ zang zirɛ zang mã naa ka danggn, zang ti ãa nyaa ka nɔng ɓɔɔ zang zi ɓɛɛ gn kpang, nɔɔ shing danggn kpang.”

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.