Zang Shonang Yeesɔ 12:7 - Nyaa Shɔɔ Ɓɔɔ Laa a Ɓɛɛ

⁷ Zang nyaa shonang Laa ɓɔɔ ka lapa ɓɛɛ, nwang nyaa ka yeti sãa. Shiiyi, a yeti sãa yakɛ kaa gbayi gbayi. Zang nyaa shonang Laa bìí zĩiti Bituru ka nyaa zãngzãng a hingsi wu. Kɔɔ wu tɔɔ, “Yupaa pati.” Soo saka ɓɔɔ zang mãlɛ naa Bituru nɛɛ mani tantɛ tɛ̃ɛnang ka tipi.

Zang Shonang Yeesɔ 12:7 Referans Kwoze

Zang Shonang Yeesɔ 5:19

Nɛɛ zĩi zang nyaa shonang Laa ɓɔɔ ka lapa arɛ naa puu nyaa sãa, a nwangsɛ ri ka biling. A kɔɔ ri tɔɔ,

Zang Shonang Yeesɔ 16:26

A tipi tantɛ ruutunang, a zĩiti gãa daa nɔng ka doo ɓiɓɛ ɓɔɔ zang loo ka tipi ɓɛɛ. Nyaa gãa ri tantɛ pulunang, a soo saka ɓɔɔ zang mãlɛ zang ɓɔɔ zang looro ri ka sãa nɛɛ mani tɛ̃ɛ nandon, yaa ri naa.

Zang Shonang Yeesɔ 10:30

Koneliyu kasɛ wu nyaa tɔɔ, “Diki daa lɛɛkɔ dɛ̃ɛti bɛ̀ɛ́ n ka yeti gãa mɛɛ, n gàá Laa bɛ̀ɛ́ laa naa weɓe kɔ saka taati. A zang ɓɔɔ hãa fɔ̃ɔrɔ kɔlɔ katɔ nwang nyaa a shii ka tĩng mɛɛ,

Afisa 5:14

Ka ruu ɓɔɔ, vuu ɓɔɔ zang zi katɔ piti, nwang ɓi naa nɔng yakɛnang ɓɛɛ. Ka ruu nɔngkɔ, zang kɔɔyi nɛɛ, “Hingsi jĩng, zang ɓɔɔ roo katɔ ɓɛɛ, a mɔɔ yupaa ka vɔrɔ, Kirisi wu yakɛ nɔng ka yuu ɓaaɓɛ.”

Zang Shonang Yeesɔ 2:24

Laa ta wu nɛɛ naa vɔrɔ, a wisi wu paa nɛɛ saa ka ruu ɓɔɔ, daa naa ɓɔɔ vɔrɔ yiti wu kpang ɓɛɛ.

Luka 24:4

Ri shi ka nɔngkɔ, ri zi vuu ɓɔɔ ri palɛ takpang. Ri rɛ̃rɛ doo naa, a ri zi zang varɛ ziti, ri shii tɔ nɛɛ fɔ̃ɔrɔ puru kalang kalang kɔlɔ katɔ, ka kagn ɓarɛ naabm.

Luka 2:9

A zang nyaa shonang Laa ɓɔɔ ka lapa, naa nwang nyaa ka bii ɓarɛ, a nɔng yakɛnang Kpanti Laa naa yakɛ nɔng ɓɔɔ ri kagn, a ri kaa vɔrɔ.

Zang Shonang Yeesɔ 12:23

Zang nyaa shonang Laa ɓɔɔ ka lapa tantɛ wu waanang nɛɛ kɔnang, ka ruu ɓɔɔ, a Laa bannang kpang ɓɛɛ. Jaagn ri shaa wu, a vɔrɛ.

Zang Shonang Yeesɔ 9:3

Daa kana gbalang, a naabm tɔ nɛɛ Damasiku, a nɔng yakɛ nɛɛ lapa, kiiri wu nyaa ka teteng.

Vuu ɓɔɔ zang nwangsɛ Yɔhana 18:1

Vuu keɓe naa ɓa tɔ, a n zi zang nyaa shonang Laa ɓɔɔ ka lapa ɓɛɛ, a nɛɛ lapa a ka tipi. Naa vuu palɛnang ɓiɓɛ bang dɔɔli, a bii ɓiɓɛ yakɛ nɔng ka koo nandon.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

Zang Shonang Yeesɔ 12:6

Nɛɛ zĩi ka diki ɓɔɔ nɔng nɛ́ɛ gãntɛ tɔ, Hiridu nwángsɛ̀ Bituru kaa jĩng zang piti ɓɛɛ, Bituru roo katɔ ka teteng zang ziti ɓɔɔ ri gã wu ɓɛɛ. Zang mã wu nɛɛ saka ziti. Zang ɓɔɔ ri gã sãa ɓɔɔ ri kagn ziti, ka nyaa gãa sãa nɛɛ biling.

Matiyu 2:13

Ɓɔɔ zang ɓɔɔ ri zili sang kaɓa, ri daa tɔ, zang nyaa shonang Kpanti Laa ɓɔɔ ka lapa ɓɛɛ naa nwang nyaa kaa Yusufu ka yeti rɔ̃kɔnang tɔɔ, “Seepaa mɔɔ tuu jaa nɛɛ niiɓɛ, mɔɔ yurɛ, mɔɔ daa nwang nɛɛ ri ka tipi Masara. N naa kɔɔ mɔɔ diki ɓɔɔ mɔɔ yaa nɔng kaɓa ditɔ, ka ruu ɓɔɔ kpanti Hiridu naa kãa jaa keɓe ditɔ, nɛɛ tɔɔ wu nyɔ jaa vɔrɔ ɓɛɛ.”

Zang Shonang Yeesɔ 12:8

A zang nyaa shonang Laa ɓɔɔ ka lapa keɓe kɔɔ wu tɔɔ, “Hãa fɔ̃ɔrɔ ɓaaɓɛ ta nɛɛ koodoo.” Bituru hãayi. A ti kɔɔ wu tɔɔ, “Lu fɔ̃ɔrɔ nyaa pɛɛrɛ ɓaaɓɛ ta ka bii mɔɔ arɛ ruu daayi.”