Zang Shonang Yeesɔ 11:18 - Nyaa Shɔɔ Ɓɔɔ Laa a Ɓɛɛ

¹⁸ Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 11:18 Referans Kwoze

2 Koranti 7:10

Ka ruu ɓɔɔ, yeti lasɛnang ɓɔɔ ɓi ka naa ɓɔɔ Laa kasɛ, shing zang, zang gbãayu ka bìí Laa, tɔ̀ɔ, Laa wu ta yuu zang kati. Zang ɓɔɔ lasɛ yeti kagn ka yuu vuu keɓe kpang. A yeti lasɛnang ɓɔɔ ɓi shɔnzang shingnɛ waati, shingnɛ zang vɔ vɔrɔ suru.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

2 Koranti 3:18

Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

Zang Shonang Yeesɔ 21:20

Ɓɔɔ ri tãa naa weɓe, ri dɔɔ Laa. A ri kɔɔ wu nɛɛ, “Manzung ɓuru, mɔɔ zi tɔ waa, zang labang dɔɔli ri shing danggn tɔ ka bii Laa ka teteng zang Yahudi, ri ti pĩiri jĩng nɛɛ nyaa dannang Laa dũnnang kpang.

Zang Shonang Yeesɔ 3:26

Laa wisi zang shonang ɓiɓɛ paa tɔ, a shong wu kaa bii manɛ kɔ shɔɔnang, tɔ̀ɔ, wu a nɔɔ tĩnang tãanang ka ɓɔɔ wu shing nɔɔ nandon, nɔɔ yaa gbalang vuu shi kpang manɛ ɓɛɛ.”

Galati 1:24

A ri dɔɔ Laa ka ruu mɛɛ.

Rooma 9:30

Ruu kɔ̀ɔ́ ɓu nɛɛ viya? Ruu kɔɔ nɛɛ, zang ɓɔɔ ri zang Yahudi kpang, ɓɔɔ bɛ̀ɛ́ ri tɔɔ ri risi yuu ɓarɛ, ri nwang zang tɔ̃ɔ ka tĩng Laa kpang. A Laa risi ri tɔ, ri nwáng zang tɔ̃ɔ tɔ ka tĩng ɓiɓɛ, ka ruu danggn ɓɔɔ ri shing ka bii ɓiɓɛ ɓɛɛ.

Zang Shonang Yeesɔ 15:3

A zang ɓɔɔ ri dũng Laa, ri shing ri zanti kati. Ri sɔɔ tipi Fonishiya nɛɛ Samariya, ri kɔɔrɔ zang naa ɓɔɔ zang ɓɔɔ ri zang Isirela kpang ri shing danggn tɔ ka bii Laa kati ɓɛɛ. Ruu keɓe shing zang ɓɔɔ ri shing danggn tɔ, ri tãa tĩnang dɔɔli.

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 11:1

Rɛɛ zang shonang Yeesɔ, nɛɛ rɛɛ zang ɓɔɔ ri shing danggn tɔ, ɓɔɔ ri ka tipi Yahudi nandon, ri tãayi nɛɛ zang ɓɔɔ ri zang Isirela kpang, ri ta Ruu Laa tɔ jong.

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Matiyu 9:8

Zang dɔɔli ɓɔɔ ri kpalɛ zɔɔ, ri zi naa weɓe, ri mã naa ka danggn, a ri dɔɔ Kpanti Laa kati. Kaa ruu ɓɔɔ, wukɔ a zang naa vuu keɓe palɛnang ɓɛɛ.