Zang Shonang Yeesɔ 11:14 - Nyaa Shɔɔ Ɓɔɔ Laa a Ɓɛɛ

¹⁴ Naa kɔ̀ɔ́ mɔɔ ruu ɓɔɔ ta yuu ɓaaɓɛ nɛɛ zang ɓɔɔ ri ka yeti gãa ɓaaɓɛ nandon.’

Zang Shonang Yeesɔ 11:14 Referans Kwoze

Zang Shonang Yeesɔ 16:15

Zang palɛ wu batizima tɔ, nɛɛ zang ɓɔɔ ri ka gãa ɓiɓɛ, a gaa ruu nɛɛ, “Nɔɔ nɛɛ zi tɔ nɛɛ n zang ɓɔɔ shing danggn tɔ ka bii Laa, nɔɔ a ta ka gãa mɛɛ nɔɔ nwang ka nɔng.” Yi ruu tĩng ka bii, a ruu kasɛ kati.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 10:6

Nwàng zanti ka gãa Siman yɔɔ ɓɔɔ zaa koo vuu ɓɛɛ. Roo gãa ka nyaa waapo naabm.”

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 2:39

Ka ruu ɓɔɔ, bɛ̀ɛ́ Laa á nyaa ɓi ka ruu manɛ kɔ nɛɛ wujɛ manɛ ɓɛɛ. A ɓɔɔ ti ka ruu zang ɓɔɔ bɛ̀ɛ́ ri naabm ka bii Laa kpang. Suru keɓe, ka ruu zang piti ɓɔɔ Laa ɓɔɔ wukɔ Kpanti ɓuru” naa ɓaa ri nyaa ɓɛɛ.

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 12:50

N zi tɔ vuu ɓɔɔ Daa kɔɔyi, á zang suru bii ɓɔɔ waa nyaa kpang ɓɛɛ. Ka ruu nɔngkɔ, vuu ɓɔɔ n kɔɔ ɓɛɛ, n kɔɔ m doo vuu ɓɔɔ Daa mɛɛ kɔɔ m nɛɛ n kɔɔ ɓɛɛ kɔ.”

Yɔhana 6:63

Ɓi Suru Laa a zang suru bii ɓiri, bii shɔnzang zunung vuu ɓɔɔ palɛnang ɓi kpang. Ruu ɓɔɔ n kɔɔrɔ nɔɔ ɓɛɛ, ɓi ka yuu Suru ɓɔɔ a zang suru bii ɓɛɛ.

Yɔhana 4:53

Daa jaa kpaa danggn kati nɛɛ Yeesɔ nɛɛ kɔɔ ka laa kaɓa kɔ nɛɛ, “Dita, jaa ɓaaɓɛ nwáng ningkãari, vɔ kpang.” Ka ruu nɔngkɔ, yɔɔ nɛɛ zang gãa ɓiɓɛ nandon ri shing danggn kati.

Luka 19:10

Ka ruu ɓɔɔ, n Jaa Shɔnzang n arɛ nɛɛ n naa kãa zang ɓɔɔ ri ning gbalang katɔ, tɔ̀ɔ, n ta yuu ɓarɛ kati ɓɛɛ.”

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

1 Koranti 1:16

(N kpaa danggn tɔ. N pàlɛ̀ ɓɔɔ Sitifana nɛɛ zang ɓɔɔ ri ka gãa ɓiɓɛ batizima. Zang ɓɔɔ n palɛ ri batizima takpang, ɓi rikɔ shɛ̃ɛning.)

Zang Shonang Yeesɔ 18:8

Kiripu ɓɔɔ wukɔ zang bang gãa zɔɔ kpalɛnang shing danggn ka bii Kpanti Laa nɛɛ zang ɓɔɔ ri ka gãa ɓiɓɛ piti. Zang Koranti ɓɔɔ ri ti ɓaa shoo ka Ruu Laa ɓɔɔ Bulu rang ɓɛɛ, ri shing danggn, a zang palɛ ri batizima.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Yɔhana 6:68

Siman Bituru kasɛ wu nyaa tɔɔ, “Kpanti, ruu daa kaa bii wiya? Mɔkɔ kɔ̀ɔ́ ruu ɓɔɔ a zang suru bii ɓɔɔ waa nyaa kpang ɓɛɛ.

Zang Shonang Yeesɔ 11:13

A Koneliyu kɔɔ ruu naa ɓɔɔ wu zi zang nyaa shonang Laa ɓɔɔ ka lapa, ka yeti gãa ɓiɓɛ a kɔɔ wu tɔɔ, ‘Shong zang ɓɔɔ, wu daa ka Joopa, zang daa ɓaa mɔɔ nyaa ka Siman ɓɔɔ zang ɓaa wu nɛɛ Bituru ɓɛɛ.