Zang Shonang Yeesɔ 10:1 - Nyaa Shɔɔ Ɓɔɔ Laa a Ɓɛɛ

¹ Zang bang sɔɔja ɓɔɔ kagn Kayisariya, zang ɓaa wu nɛɛ Koneliyu. Wukɔ zang bang vàá sɔɔja Rooma ɓɔɔ laa maani dakn mangbete, ɓɔɔ ɓi rɛɛ zang Italiya kɔ shɛ̃ɛning kagn ɓɛɛ.

Zang Shonang Yeesɔ 10:1 Referans Kwoze

Zang Shonang Yeesɔ 27:1

Zang naa kɔɔ ruu nɛɛ ruu daa tipi Italiya nɛɛ laana, ka ruu nɔngkɔ, zang a Yuliya zang bang sɔɔja Rooma, rɛɛ Bulu nɛɛ zang ɓɔɔ zang mã ri ka sãa ɓɛɛ. Yuliya ɓi ka teteng rɛɛ sɔɔja ɓɔɔ zang ɓaa ri nɛɛ “Sɔɔja Kayisa Agɔsitu ɓɛɛ.”

Matiyu 27:27

A rɛɛ sɔɔja gɔmna tuu Yeesɔ daa nɛɛ wu ka yeti gãa gɔmna. Ri kpalɛ rɛɛ sɔɔja ɓɔɔ nimbang nandon, ri kiiri Yeesɔ nyaa kaa teteng.

Zang Shonang Yeesɔ 8:40

Filibu daa nwang nyaa ka gari Azotu. A riki rɛɛ gari nandon, kɔɔrɔ zang Ruu Tɔ̃ɔ Laa, a nɛɛ mani ka Kayisariya.

Zang Shonang Yeesɔ 27:43

Zang bang sɔɔja kasɛ nɛɛ wu ta yuu Bulu, ka ruu nɔngkɔ, zãa ri nɛɛ ri nyɔkɔ zang bìí vɔrɔ kpang. Kɔɔ ɓi katɔ kɔ jong nɛɛ zang ɓɔɔ ri nɛɛ zunung zaa mii waanang tɔ, rikɔ ri gaayu shɔɔnang, ri zaa ka mii, ri waa zaa mii, ri daa nyaa gãnggãng.

Zang Shonang Yeesɔ 25:1

Ɓɔɔ bɛ̀ɛ́ diki Fesitu daa taati tɔ ka tipi kaɓa, yupaa nɛɛ Kayisariya daa ka Urushalima.

Matiyu 27:54

Yɔɔ zang bang sɔɔja, nɛɛ sɔɔja ɓɔɔ ri gãng jĩng ka Yeesɔ, ri zi naa ɓɔɔ tipi ruutu, nɛɛ vuu piti ɓɔɔ palɛ, bii kàa ri vɔrɔ. Ri tɔɔ, “Bɛ̀ɛ́ yɔɔ keɓe, Jaa Laa kɔ niizang.”

Zang Shonang Yeesɔ 27:31

A Bulu kɔɔ zang bang sɔɔja nɛɛ rɛɛ sɔɔja ɓɔɔ ri nɛɛ wu ɓɛɛ tɔɔ, “Zang ɓɔɔ ri zaa laana keɓe ri nɛɛ nwàng ka yeti laana kpang, nɔɔ wɔ kpang.”

Zang Shonang Yeesɔ 25:13

Diki naa bee tɔ tɔkɔlɔng, a kpanti Agiripa nɛɛ Banike ri a ka Kayisariya nɛɛ ri naa jee Fesitu nyaa, ɓɔɔ wu à ka tipi kaɓa ɓɛɛ.

Zang Shonang Yeesɔ 23:33

Ri daa nɛɛ wu ka Kayisariya, ri daa a Gɔmna labeenang bìí, a ri a wu Bulu kaa naa.

Zang Shonang Yeesɔ 23:23

A zang bang sɔɔja ɓaa nyaa ka rɛɛ zang bang sɔɔja ziti, a kɔɔ ri tɔɔ, “Nɔɔ sèe sɔɔja laa maani dakn ziti, a ɓɔɔ sɔɔja ɓɔɔ ri vang gbantang laa taati tu kopi, nɛɛ sɔɔja ɓɔɔ ri yiti shalang ɓɛɛ laa maani dakn ziti. Ri kpalɛ bii, ri daa ka Kayisariya. Mɔɔ kpalɛ bii nɔɔ yupaa daanang ka saka mandɛ̃ɛti nɛɛ zĩi keɓe.

Zang Shonang Yeesɔ 22:25

Zang mã wu, zang tɔɔ zang nyɔ wu kaa tɔ, a Bulu hɛ̃ɛ zang bang sɔɔja ɓɔɔ shii ka nɔng naabm tɔɔ, “Nyaa daanang kasɛ tɔ nɛɛ nɔɔ nyɔ zang ɓɔɔ zang Rooma, nɔɔ ti dɔng wu ruu ka takpang ɓɛɛ ya?”

Zang Shonang Yeesɔ 21:8

Nɔng naa gãntɛ ruu yupaa ruu daa Kayisariya. Ruu daa ka yeti gãa Filibu ɓɔɔ kɔɔrɔ zang Ruu Tɔ̃ɔ Laa ɓɛɛ, ruu nwang ka nɔngkɔ. Filibu kagn teteng zang manziti ɓɔɔ zang shɛ̃ɛrɛ ri ka Urushalima ɓɛɛ.

Yɔhana 18:12

A rɛɛ sɔɔja zang Rooma nɛɛ zang bang ɓarɛ, a ɓɔɔ rɛɛ zang ɓɔɔ ri gã Gãa Laa ɓɛɛ, ri yi Yeesɔ. Ri mã wu.

Yɔhana 18:3

Ka ruu nɔngkɔ, Yahuda sèe rɛɛ sɔɔja nɛɛ zang ɓɔɔ ri gã Gãa Laa, ɓɔɔ rɛɛ zang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi ri shong ri ɓɛɛ, a daa nɛɛ ri ka vɔ̀ɔ́ laa inabi. Zang keɓe ri tùurù vuu waa ka naa, nɛɛ waa zàáng sɔɔ a ɓɔɔ waa tooshi.

Luka 7:2

Yɔɔ zang bang sɔɔja Rooma ɓɔɔ kagn nɔngkɔ. Kɔnang yi zang shonang ɓiɓɛ ɓɔɔ wu kasɛ wu dɔɔli ɓɛɛ. Kɔnang ɓiɓɛ bang dɔɔli, nɛɛ wu vɔrɛ yaa kaa tɔkɔlɔng.

Maraku 15:16

A zang sɔɔja ri yi wu, ri daa kaa nɛɛ wu ka yeti gãa Gɔmna. A ri kpalɛ sɔɔja ɓɔɔ nimbang kaa nandon.

Zang Shonang Yeesɔ 10:24

Nɔng gãntɛ kaa tɔkn, a ri shɛ̃ɛ Kayisariya kati. Ri daa ĩi Koneliyu nɛɛ rɛɛ ɓeezung, nɛɛ rɛɛ ɓeesang ɓɔɔ wu ɓaarɛ ri nyaa ri gã wu tɔ.

Zang Shonang Yeesɔ 21:31

Ri nɛɛ ri nyɔ wu kaa vɔrɔ, a nyaa daa ka shoo zang bang sɔɔja Rooma nɛɛ zang haa nyaa kana ka gari Urushalima nandon.