4 Diki ɓɔɔ bɛ̀ɛ́ shaa vuu shaanang nɛɛ ri nɔng gbete, kɔɔ ri tɔɔ, “Nɔ́ɔ yaa Urushalima kpang. Nɔɔ gã vuu ɓɔɔ n kɔɔ nɔɔ ɓɛɛ, vuu ɓɔɔ Daa a nyaa nɛɛ wu a nɔɔ ɓɛɛ.
N shong nɔɔ nyaa, vuu ɓɔɔ Daa mɛɛ kɔɔyi nɛɛ wu a nɔɔ ɓɛɛ. Nɔ́ɔ nwang ka gari Urushalima ka gbongkarɛ, Suru Laa wu a ka yuu manɛ.”
N ti gàá Daa, wu a nɔɔ zang ɓɔɔ naa yi nɔɔ naa ka bii ɓɔɔgn wu naa nwang nɛɛ nɔɔ dòndòng.
“Danggn wu ning nɔɔ kpang, zang ɓɔɔ naa yi nɔɔ naa ka bii a ditɔ. N nɛɛ dàá tɔ bii Daa mɛɛ, n shong nɔɔ wu ditɔ. Zang keɓe wukɔ Suru ɓɔɔ a nɛɛ bii Laa ɓɛɛ, wukɔ tusu zang ruu ɓɔɔ niizang ka yuu Laa. Wukɔ naa kɔ̀ɔ́ zang ruu ka yuu mɛɛ.
Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.
Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.
Kɔ̀ɔ́ tɔ naa weɓe, a sha ɔ̃kɔnang ɓiɓɛ nɛɛ nyaa ka bii ɓarɛ, a kɔɔyi tɔɔ, “Nɔɔ ta Suru tɔ̃ɔ Laa ta.
Ka ruu ɓɔɔ, Suru Laa naa tusu nɔɔ vuu ɓɔɔ nɔɔ kɔɔ ɓɛɛ ditɔ ka laa kaɓa ɓɛɛ.”
Ɓɔɔ nɔɔ shi kpang, nɔɔ zunung ɓɔɔ nɔɔ a wujɛ manɛ vuu tɔ̃ɔ katɔ ka tansi Daa manɛ Laa ɓɔɔ ka lapa ɓɛɛ ya? Zunung ɓɔɔ wu a zang ɓɔɔ ri gaa wu suru tɔ̃ɔ kpang ya?”
Wu zang piti ri zi wu kpang, ɓi rukɔ ɓɔɔ Laa shɛ̃ɛrɛ ruu katɔ kɔ zi wu shɛ̃ɛning. Rùu shaa vuu shaanang, a ruu ɓoo vuu nɛɛ wu ka knti ɓɔɔ wu seepaa tɔ nɛɛ saa ɓɛɛ.
Nɔkɔ daa rang yee kpang, ɓi Suru Daa manɛ kɔ daa rang nɛɛ nyaa manɛ.