Zang Shonang Yeesɔ 1:14 - Nyaa Shɔɔ Ɓɔɔ Laa a Ɓɛɛ

¹⁴ Ri kpálɛ̀ zɔɔ diki diki, ri gaa Laa nɔng gbete nɛɛ rɛɛ zang soro ɓɔɔ kagn, nɛɛ Marayamu nàá Yeesɔ, nɛɛ rɛɛ jaa nàá Yeesɔ ɓɔɔ varɛ.

Zang Shonang Yeesɔ 1:14 Referans Kwoze

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

Zang Shonang Yeesɔ 2:42

Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Rooma 12:12

Gn ɓɔɔ nɔɔ shing ka vuu ɓɔɔ a ɓɛɛ, wu shing nɔɔ, nɔ́ɔ tãa tĩnang. Zang nɛɛ dang nɔɔ jĩng, nɔɔ mã danggn. Nɔɔ gaa Laa diki diki.

Luka 18:1

A Yeesɔ rang zang ɓɔɔ ri mantɛ vuu ka bii ɓiɓɛ, nyaa vuu jeenang keɓe, nɛɛ tɔ̀ɔ wu tusu ri kati nɛɛ ri gaa Laa diki diki, ri yaa gn naa kpang.

Matiyu 21:22

Naa nɔɔ shing danggn ka bii Kpanti Laa tɔ̃ɔ, vuu ɓɔɔ nɔɔ gàa wu piti, nɔɔ walɛ katɔ.”

Zang Shonang Yeesɔ 2:1

Diki Pentiku naa arɛ, a zang ɓɔɔ ri shíng danggn tɔ, ri kpalɛ zɔɔ ka nɔng gbete.

Luka 11:13

Ɓɔɔ nɔɔ shi kpang, nɔɔ zunung ɓɔɔ nɔɔ a wujɛ manɛ vuu tɔ̃ɔ katɔ ka tansi Daa manɛ Laa ɓɔɔ ka lapa ɓɛɛ ya? Zunung ɓɔɔ wu a zang ɓɔɔ ri gaa wu suru tɔ̃ɔ kpang ya?”

Zang Shonang Yeesɔ 2:46

Ri kpálɛ̀ zɔɔ ka Gãa Laa diki diki. A ri ti shaa vuu ɓarɛ ka nyaa zɔɔ ka gãa ɓarɛ. Ri shaa vuu shaanang, ri tãa tĩnang, ri ti ta zɔɔ nɛɛ yeti gbete.

Luka 24:53

ri dàarɛ́ yeti Gãa Laa diki diki, ri zãa Laa.

Matiyu 12:46

Yeesɔ rang yee doo naa nyaa nɛɛ zang ɓɔɔ ri kpalɛ zɔɔ ka bii ɓiɓɛ ɓɛɛ, a nàá Yeesɔ nɛɛ rɛɛ jaa nàá Yeesɔ ri shii ka biling. Ri kasɛ nɛɛ ri rang yee nɛɛ Yeesɔ.

Luka 24:10

Zang soro ɓɔɔ ri kɔɔ ri vuu keɓe, ɓi rɛɛ Marayamu Magadaliya nɛɛ Yuwana nɛɛ Marayamu nàá Yakub, nɛɛ rɛɛ zang soro nimbang ɓɔɔ nɛɛ ri ɓɛɛ.

Luka 23:55

Zang soro ɓɔɔ ri dũng Yeesɔ nɛɛ tipi Galili ri daa nɛɛ Yusufu, ri daa zi saa bìí kati nɛɛ naa ɓɔɔ zang wɔɔ vɔrɔ Yeesɔ kagn ɓɛɛ.

Luka 23:49

Zang ɓɔɔ ri zi Yeesɔ nung tɔ, nɛɛ rɛɛ zang soro ɓɔɔ ri zi Yeesɔ nung tɔ kɔ doori, ɓɔɔ ri dũng wu nɛɛ Galili ɓɛɛ, ri shii nɛɛ dalɛ, ri pɛ̃ɛrɛ vuu ɓɔɔ zang palɛ ɓɛɛ.

Maraku 16:1

Diki Ɔ̃sɔnang naa ɓa tɔ, Marayamu Magadaliya nɛɛ Marayamu nàá Yakubu, a ɓɔɔ Salomi, ri hoo nung ɓɔɔ a sɛ̃ɛ tɔ̃ɔ ɓɛɛ, nɛɛ ri daa tũuru vɔrɔ Yeesɔ ka bii.

Maraku 15:40

Zang soro ɓɔɔ kagn, ri shiiri nɛɛ nɔng beebang, ri pɛ̃ɛrɛ vuu ɓɔɔ zang palɛ Yeesɔ ɓɛɛ. Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub ɓɔɔ wujaa nɛɛ Yose, a ɓɔɔ jaa soro ɓɔɔ zang ɓaa nɛɛ Salomi, ri kagn.

Matiyu 27:55

Zang soro ɓɔɔ ri yìkí Yeesɔ naa ka bii, ka diki kaɓa, ɓɔɔ ri dũuru wu nɛɛ Galili, ri kagn ka nɔngkɔ gaagaa. Ri shii nɛɛ nɔng beebang ri pɛ̃ɛrɛ vuu ɓɔɔ zang palɛ ɓɛɛ.

Luka 24:33

Ri yuu paa tantɛnang ri gbãayu ka Urushalima, a ri ĩi rɛɛ zang ɓɔɔ ri mantɛ vuu ka bii ɓiɓɛ kopi tu gbete. Ri kpalɛ yuu ka nɔng gbete, nɛɛ rɛɛ zang ɓɔɔ nɛɛ ri ɓɛɛ.

Luka 8:20

A zang ɓɔɔgn kɔɔ wu tɔɔ, “Naaɓɛ nɛɛ rɛɛ jaa naaɓɛ ri shi ka biling, ri kasɛ nɛɛ ri rang yee nɛɛ mɔɔ.”

1 Koranti 14:13

Ka ruu nɔngkɔ, zang ɓɔɔ rang yee nɛɛ nyaa ɓɔɔ wu kpɛ̃ɛrɛ katɔ kpang ɓɛɛ, wu gaayi Suru Laa wu a wu naa ɓɔɔ wu nwàngsɛ́ zang dĩiri ruu bìí nɛɛ mani ɓɛɛ.