3 Yɔhana 1:9 - Nyaa Shɔɔ Ɓɔɔ Laa a Ɓɛɛ

⁹ N bèe nɔɔ ɓɔɔ nɔɔ dũng Laa labeenang ɓɔɔ kagn, a Diyotirifi ɓɔɔ tuu yuu ɓiɓɛ nɛɛ wukɔ bang, kasɛ nɛɛ wu ɓaa shoo ka yee ɓɔɔ n bèe nɔɔ kpang.

3 Yɔhana 1:9 Referans Kwoze

Luka 9:48

A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Maraku 9:34

Ri kasɛ Yeesɔ nyaa takpang, ka ruu ɓɔɔ, bɛ̀ɛ́ ri laa nyaa nɛɛ ɓu wi bang ka teteng ɓarɛ wiya ɓɛɛ?

3 Yɔhana 1:8

Ka ruu nɔngkɔ, ɓɔɔ ruu zang Laa, ruu yi nɔɔ zang ɓɔɔ ri palɛ shonang tɔ̃ɔ naa weɓe, naa ka bii ning. Tɔ̀ɔ, ruu nwang kaa gbete nɛɛ ri ka shonang ruu ɓɔɔ niizang palɛnang.

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

Maraku 9:37

“Zang ɓɔɔ ta jaa ɓɔɔ tɔkɔlɔng ɓɔɔ naa weɓe ka nung mɛɛ, tà nkɔ. Zang ɓɔɔ nɛɛ ti ta m, ta ɓi nkɔ shɛ̃ɛning kpang, ta m nɛɛ zang ɓɔɔ shong m ɓɛɛ ning.”

Matiyu 7:8

Ka ruu ɓɔɔ, zang piti ɓɔɔ gaa vuu ka naa ɓiɓɛ, walɛ katɔ ɓɛɛ. Zang piti ɓɔɔ kãayi ti ĩi katɔ. Zang piti ɓɔɔ ɓáa wu nyaa, kasɛ wu nyaa katɔ ɓɛɛ.

Kolosi 1:18

Wukɔ zang bang zang ɓɔɔ ri dũng wu, ɓɔɔ ri nwáng kaa naa bii ɓiɓɛ ɓɛɛ. Bii keɓe walɛ suru bii nɛɛ bii ɓiɓɛ kɔ. Wukɔ jamari zang ɓɔɔ zang wisi ri paa nɛɛ sàa ɓɛɛ, tɔ̀ɔ, ka vuu piti wukɔ wu nwang kaa tĩng.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.