2 Timoti 2:8 - Nyaa Shɔɔ Ɓɔɔ Laa a Ɓɛɛ

⁸ Danggn Yeesɔ Kirisi ɓɔɔ zang wisi paa nɛɛ saa, wu ning mɔɔ kpang. Yeesɔ ɓɔɔ wu jaa zɔ̃ng Dawuda ɓɛɛ, naa ɓɔɔ n túsú ka yeti Ruu Tɔ̃ɔ Laa kɔ n kɔ́ɔrɔ̀ zang ɓɛɛ.

2 Timoti 2:8 Referans Kwoze

Zang Shonang Yeesɔ 2:24

Laa ta wu nɛɛ naa vɔrɔ, a wisi wu paa nɛɛ saa ka ruu ɓɔɔ, daa naa ɓɔɔ vɔrɔ yiti wu kpang ɓɛɛ.

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

2 Tesalonika 2:14

Laa ɓaa nɔɔ nyaa nɛɛ nɔɔ nwang zang ɓiɓɛ nɛɛ Ruu Tɔ̃ɔ ɓɔɔ ruu kɔɔ nɔɔ ɓɛɛ. Ɓaa nɔɔ nyaa nɛɛ nɔɔ naa tãa tĩnang jong ka ruu bannang Kpanti ɓuru Yeesɔ Kirisi.

Matiyu 1:1

Labeenang keɓe ka yuu zɔ̃ng ɓɔɔ zang yi Yeesɔ Kirisi kagn ɓɛɛ. Yeesɔ Kirisi nwangnɛ zɔ̃ng Dawuda ɓɔɔ ɓi zɔ̃ng Ibirayi ɓɛɛ.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

1 Koranti 15:4

Zang nɛɛ Yeesɔ vɔrɛ, zang gbãa wu, Laa wisi wu paa ka lee ɓɔɔ diki ɓiɓɛ daa taati ka sàa ɓɛɛ. Naa ɓɔɔ zang bée ka labeenang Laa ka tĩng nɛɛ naa palɛ ɓɛɛ.

Vuu ɓɔɔ zang nwangsɛ Yɔhana 5:5

A zang bang gbete ka teteng rɛɛ zang bang bmati tu dɛ̃ɛti kaɓa, kɔɔ m nɛɛ, “Mɔɔ kaa kpang, zirɛ, yɔɔ ɓɔɔ zang ɓaa wu nɛɛ Zing, nwangnɛ teteng zang Yahuda ɓɔɔ ti zang bang zɔ̃ng Dawuda, ɓa yuu vuu piti tɔ. Daa naa ɓɔɔ wu tãlɛ lang ɓɔɔ zang ɓang labeenang kaɓa nɛɛ mani nɔng manziti kaɓa tɔ, wu puuyi.”

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

1 Koranti 15:1

Manzung, n kaaɓi n kpaa nɔɔ danggn Ruu Tɔ̃ɔ ɓɔɔ ɓeleng n kɔɔ nɔɔ ka tĩng ka yuu Yeesɔ Kirisi ɓɛɛ. Bɛɛ nɔɔ ta ruu bìí tɔ, a nɔɔ shii tɔ kagn nɛɛ kaka manɛ gbãng gbãng.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

Zang Shonang Yeesɔ 13:23

“Laa atɛ zang Isirela, zang ɓɔɔ ta yuu ɓarɛ nɛɛ zɔ̃ng yɔɔ keɓe kɔ, naa ɓɔɔ wu a nyaa ɓɛɛ. Zang keɓe wukɔ Yeesɔ.

Zang Shonang Yeesɔ 2:30

Dawuda ɓi zang nyaa shonang Laa, a ti zi vuu ɓɔɔ Laa tũng wu ɓi tɔ. Laa tũng wu vuu tɔɔ, wu yí zɔ̃ng ɓiɓɛ gbete wu roo kpanti.

Luka 24:46

A kɔɔ ri nɛɛ, “Wee vuu ɓɔɔ zang bee ɓɛɛ, Kirisi dang jĩng, wu ti vɔrɛ, diki nɛɛ daa tɔ taati, wu yupaa nɛɛ sàa.

2 Timoti 1:8

Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

2 Timoti 2:7

Rɛ̃rɛ ka yuu vuu kɔ n kɔɔ mɔɔ ɓee waasɛ̃, ka ruu ɓɔɔ, Laa a mɔɔ gbalang ditɔ mɔɔ zi vuu ɓɔɔ kagn ɓɛɛ nandon.