2 Timoti 2:12 - Nyaa Shɔɔ Ɓɔɔ Laa a Ɓɛɛ

¹² Ruu nɛɛ mã danggn sasak, ruu naa roo kpanti nɛɛ wu. Naa ruu bɛ̃ɛ wu, ti naa bɛ̃ɛ ruu jong.

2 Timoti 2:12 Referans Kwoze

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

Matiyu 10:33

A naa shɔnzang ɓɔɔ nɛɛ laa nyaa mɛɛ ka nɔng zang, n ti naa laa nyaa ɓiɓɛ doo nɔngkɔ ka tĩng Daa mɛɛ ɓɔɔ ka lapa ɓɛɛ.”

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.

Vuu ɓɔɔ zang nwangsɛ Yɔhana 20:6

Tĩnang ɓi ɓɔ̀ɔ́ zang ɓɔɔ ri yupaa jong ka paa yunang ɓɔɔ tĩng shɔɔnang keɓe. Ri ɓarɛ ti zang ɓɔɔ shi kpang ka bii ɓarɛ kpang ɓɛɛ. Vɔrɔ ɓɔɔ zang naa vɔ tɔkn, ɓɔɔ daa kaa doo ziti naa palɛ ri vuu ɓɔɔ ɓarɛ kpang. Ri naa nwang ɓarɛ kaa zang ɓɔɔ ri dɔɔ Laa nɛɛ Kirisi vuu, ka Gãa Laa ɓɛɛ. A ri naa roo kpanti nɛɛ wu, saa labang gbete.

Luka 12:9

Zang ɓɔɔ nɛɛ laa nyaa mɛɛ ka tĩng zang, n naa laa nyaa ɓiɓɛ doo katɔ kɔ ka tĩng zang nyaa shonang Laa ɓɔɔ ka lapa ɓɛɛ.

Vuu ɓɔɔ zang nwangsɛ Yɔhana 5:10

Mɔɔ risi ri nɛɛ ri nwáng zang ɓɔɔ mɔkɔ kpanti ɓarɛ ɓɛɛ, a ri ti nwang zang ɓɔɔ ri dɔɔ vuu ka Gãa Laa ɓɔɔ ri palɛ Laa ɓuru shonang ɓɛɛ. Rikɔ roo kpanti ka koo keɓe.”

Luka 9:26

Zang ɓɔɔ tuuru yusɛ̃ɛ mɛɛ, nɛɛ ɓɔɔ yee mɛɛ, Jaa Shɔnzang naa tuuru yusɛ̃ɛ ɓiɓɛ ɓi doo nɔngkɔ, ka diki ɓɔɔ wu a ka naa bannang ɓiɓɛ, nɛɛ ɓɔ̀ɔ́ Daa ɓiɓɛ, nɛɛ ɓɔ̀ɔ́ zang nyaa shonang Laa ɓɔɔ ka lapa ɓɛɛ.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Filipi 1:28

Ń ti tãayi nɛɛ nɔɔ kaa vɔrɔ zang ɓɔɔ ri shing jĩng nɛɛ nɔɔ kpang ɓɛɛ kpang tingkiring. Wukɔ naa tusu ri kati nɛɛ Laa naa ningsi ri, nɔɔ naa wɔ manɛ katɔ. A nɔɔ ti zi tɔ nɛɛ Laa nɛɛ yuu ɓiɓɛ naa tusu ri ditɔ nɛɛ vuu keɓe nɔngkɔ.

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Matiyu 26:35

Bituru ti kɔɔ Yeesɔ tɔkn, tɔɔ, “Naa zang tɔɔ zang nyɔ m doo katɔ nɛɛ mɔɔ ning piti, n laa nyaa ɓaaɓɛ m kpang.” Zang ɓɔɔ ri mantɛ vuu ka bii Yeesɔ ɓɔɔ, ri ti kɔɔ doo nɔngkɔ nandon.

Vuu ɓɔɔ zang nwangsɛ Yɔhana 3:8

N zi shonang ɓɔɔ nɔɔ palɛ ɓɛɛ tɔ. Nɔɔ zirɛ, n puu nɔɔ nyaa gãa tɔ, ɓɔɔ zang ɓɔɔ zunung kunang kpang ɓɛɛ. N zi tɔ kaka manɛ kagn dɔɔli kpang, a nɔɔ dũng nyaa mɛɛ doo nɛɛ mani, nɔɔ ti laa nyaa kpang nɛɛ nɔɔ zi nung mɛɛ kpang, kpang.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Maraku 10:33

Yeesɔ kɔɔ ri tɔɔ, “Nɔɔ ɓaa shoo ta nɔɔ tãayi. Ruu dáa kana Urushalima, zang ɓɔɔ naa a zang bang bang, zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu ɓɛɛ Jaa Shɔnzang ditɔ. Ri naa jɛ̃ɛ wu ruu, ri kɔɔ zang nɛɛ zang nyɔ wu vɔrɔ. Tɔ̀ɔ, ri tuu wu ri a zang ɓɔɔ ri dũng Laa kpang kati.

Matiyu 26:75

A Bituru naa kpaa danggn ruu ɓɔɔ Yeesɔ kɔɔ wu tɔɔ, “Ɓɔɔ kǹ naa ɓáa nyaa, bɛ̀ɛ́ mɔɔ laa nyaa mɛɛ tɔ daa doo taati.” A Bituru nwangnɛ, daa kaa ka biling zɛ̃ɛzɛ̃ɛ.

Vuu ɓɔɔ zang nwangsɛ Yɔhana 1:6

A shing ruu, rúu nwang zang ɓɔɔ ri dɔɔrɔ vuu ka Gãa Laa, ɓɔɔ Laa kɔ ɓi kpanti ɓuru, a Laa ti Daa ɓiɓɛ ɓɛɛ. Bannang nɛɛ kpanti roonang wu nwang ɓɔɔ ɓiɓɛ dòndòng. Nɔngkɔ.

Luka 22:29

Naa ɓɔɔ Daa mɛɛ a m naa, nɛɛ n nwang kpanti, n a nɔɔ doo nɔngkɔ doori.

Luka 22:30

Tɔ̀ɔ, nɔɔ naa shaa vuu shaanang, nɔɔ ti ɓoo nɛɛ n ka nɔng vuu shaanang mɛɛ ka ɓɔɔ n naa roo kpanti ɓɛɛ. N ti shing nɔɔ, nɔɔ nwang ka yuu laa nwannang kpanti, nɔɔ jɛ̃ɛ zang zɔ̃ng Isirela ɓɔɔ kopi tu ziti ruu.

Rooma 5:17

Vɔrɔ roo kpanti, ka ruu vuu shi kpang ɓɔɔ Adamu gbete palɛ. A zang gãsɛ vuu keɓe kaa tɔ̀ɔ́ nɛɛ vuu ɓɔɔ Yeesɔ palɛ ɓɛɛ kpang. Zang ɓɔɔ Laa nɛɛ palɛ ri tɔ̃ɔ dɔɔli, a shing ri waati, ri nwáng zang tɔ̃ɔ ka tĩng ɓiɓɛ. Ri nwáng ningkãari, ri roo kpanti nɛɛ bii zang gbete keɓe, Yeesɔ Kirisi.

1 Timoti 5:8

Zang ɓɔɔ nɛɛ gãng jĩng ka zang ɓiɓɛ kpang, nɛɛ gãng jĩng ka zang ɓɔɔ ri ka yeti gãa ɓiɓɛ kɔ gbãng gbãng kpang. Zang keɓe bɛ̃ɛ danggn ɓɔɔ ruu shing ka bii Laa tɔ. Palɛ vuu shi kpang, ti ɓa zang ɓɔɔ ri dũng Laa kpang katɔ nɛɛ yeti hakaka tánang.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.