2 Timoti 1:14 - Nyaa Shɔɔ Ɓɔɔ Laa a Ɓɛɛ

¹⁴ Gãng jĩng ka ruu niizang ɓɔɔ Laa a mɔɔ ka naa ɓɛɛ. Yiti nɛɛ naa vuu palɛnang Suru Laa, ɓɔɔ nwang ka yeti ɓuru ruu nandon ɓɛɛ.

2 Timoti 1:14 Referans Kwoze

Yɔhana 14:17

Zang keɓe wukɔ Suru Laa, ɓɔɔ tusu zang ruu ɓɔɔ niizang ka yuu Laa. Zang koo ri tà wu kpang, ka ruu ɓɔɔ ri zi wu nung kpang, ri ti zi wu nɛɛ jĩng ɓarɛ kpang ɓɛɛ. Nɔɔ zi wu nung manɛ tɔ, ka ruu ɓɔɔ, nwang ɓi nɛɛ nɔɔ ɓɛɛ. Ti naa nwang ka yeti manɛ.

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

1 Koranti 3:16

Nɔɔ zi kpang nɛɛ nɔkɔ Gãa Laa, a Suru Laa nwàng ka yeti manɛ kpang ya?

Rooma 8:9

Nɔɔ nwàng manɛ tɔ̀ɔ́ naa ɓɔɔ bii manɛ kɔɔ nɔɔ ɓɛɛ kpang, naa Suru Laa nɛɛ nwang kagn niizang ka yeti manɛ ɓɛɛ. Zang ɓɔɔ Suru Kirisi nɛɛ kagn ka yeti ɓiɓɛ kpang, ɓi zang Kirisi kpang.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Tesalonika 5:19

Nɔ́ɔ nɔɔ Suru Laa gbalang shonang ɓiɓɛ palɛnang kpang.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

Afisa 5:18

Nɔ́ɔ yaa sàa wu si nɔɔ kpang, lasɛ nɔɔ katɔ. Nɔɔ yaa Suru Laa kɔ jong wu nwang ka yeti manɛ.

Afisa 2:22

Zang mãa nɔɔ kana jong ka bii ɓiɓɛ nɔng gbete, tɔ̀ɔ, nɔ́ɔ raa gãa ɓɔɔ Laa nwàng kagn nɛɛ bii Suru ɓiɓɛ ɓɛɛ.

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

Kolosi 4:11

Jashuwa, ɓɔɔ zang ɓaa wu nɛɛ Jusitu ɓɛɛ, jee nɔɔ nyaa jong. Zang taati keɓe rikɔ zang Yahudi ɓɔɔ ri kɔ̃sɔ yeti tɔ, ri palɛ shonang nɛɛ n ka ruu kpanti roonang Laa, a ri ti yi m naa tɔ ka bii gbãng gbãng ɓɛɛ.

Galati 2:7

Ri zi ɓarɛ katɔ kɔ jong nɛɛ, Laa a m shonang tɔ nɛɛ n kɔ̀ɔ zang ɓɔɔ ri zang Yahudi kpang Ruu Tɔ̃ɔ, naa ɓɔɔ shing Bituru, nɛɛ wu kɔɔ zang Yahudi Ruu Tɔ̃ɔ ɓɛɛ.

2 Koranti 5:16

Rúu dɔ̀ng zang ɓɔɔ ruu, tɔ̀ɔ́ ka doo nwannang shɔnzang kpang. Niizang, ɓeleng ruu dɔ̀ng Yeesɔ Kirisi ruu ka gbalang kaɓa kɔ, a kãntang keɓe, ruu palɛ tɔ̀ɔ́ nɔngkɔ kpang.

1 Koranti 6:19

Nɔɔ zi kpang nɛɛ bìí manɛ nwàng ɓi naa Gãa Laa ɓɔɔ Suru Laa nwang kagn ɓɛɛ kpang ya? Laa shing Suru ɓiɓɛ ka yeti manɛ. Bii manɛ ɓi ɓɔɔ manɛ kpang, ɓi ɓɔ̀ɔ́ Laa.

Rooma 8:11

Laa ɓɔɔ wisi Yeesɔ paa nɛɛ saa, suru ɓiɓɛ nɛɛ nwàng ka yeti manɛ, Laa keɓe ɓɔɔ wisi Kirisi paa nɛɛ saa, a nɔɔ suru bii ditɔ. A nɔɔ suru bii nɛɛ bii Suru ɓiɓɛ ɓɔɔ nwang ka yeti manɛ ɓɛɛ.

Rooma 3:2

Nwǎng zang vuu katɔ dɔɔli. Laa a zang Yahudi kɔ Ruu ɓiɓɛ ka naa, nɛɛ ri yiti.

Luka 16:11

Naa nɔɔ shing jĩng ka vuu naa ɓɔɔ koo keɓe tɔ̃ɔ tɔ̃ɔ kpang, ɓu wi yàá nɔɔ vuu naa ɓɔ̀ɔ́ Suru Laa ka naa wiya?