2 Yɔhana 1:12 - Nyaa Shɔɔ Ɓɔɔ Laa a Ɓɛɛ

¹² Vuu ɓɔɔ n kasɛ nɛɛ n kɔ̀ɔ́ nɔɔ ka gn dɔɔli, a n bèe nɔɔ kaa takpang, ka ruu ɓɔɔ, n kasɛ n tɔɔ n naa leng nɔɔ, n kɔɔ nɔɔ kaa nɛɛ nyaa mɛɛ, jĩng ɓuru wu zi zɔɔ, tɔ̀ɔ tĩnang tàanang ɓuru wu nwang kaa nyaa kiriri.

2 Yɔhana 1:12 Referans Kwoze

Yɔhana 16:12

“Vuu ɓɔɔ n nɛɛ kɔ̀ɔ́ nɔɔ doogn dɔɔli, nɔɔ zunung danggn mãnang gn naa ɓɔɔ nɔɔ ta ɓɛɛ kpang.

Yɔhana 15:11

“N kɔ̀ɔ́ nɔɔ vuu keɓe, tɔ̀ɔ, nɔɔ tãa tĩnang ɓɔɔ n tãa ɓɛɛ kaa jong. Tĩnang manɛ wu nwang kaa nyaa kiiri.

1 Yɔhana 1:4

Ruu bèé nɔɔ ruu keɓe, tɔ̀ɔ, tĩnang tãanang ɓuru wu ɓee nyaa kati.

Yahudi 13:19

N gàa nɔɔ katɔ gbãng gbãng, nɔɔ gaa Laa, tɔ̀ɔ, wu shingnɛ, n gbãayu kaa bii manɛ pati.

Rooma 15:24

N shing gn anang tɔ kati kãntang. N nɛɛ yupaa tipi Asabaniya daanang tɔ, n naa leng nɔɔ ka gbalang. N nɛɛ nwang tɔ nɛɛ nɔɔ diki nɛɛ bee tɔ tɔkɔlɔng, nɔ́ɔ yi m naa kagn, n daa Asabaniya.

Yɔhana 17:13

Kãntang keɓe, n gbãayu kaa tɔ ka bii ɓaaɓɛ. Wee n dòo ka koo nɛɛ ri ɓee, n kɔ̀ɔ́ vuu keɓe, tɔ̀ɔ, ri tãa tĩnang ɓɔɔ n tãa ɓɛɛ kaa jong. Tĩnang ɓarɛ wu ti nwang kaa nyaa kiiri.

Yɔhana 16:24

Nɔɔ gàa vuu gngn nɛɛ nung mɛɛ kpang, nɔɔ gàa ta, tɔɔ Laa wu a nɔɔ, tɔ̀ɔ, tĩnang manɛ wu nwang kaa nyaa kiiri.”

Yahudi 13:23

N kasɛ nɔɔ tãayi nɛɛ, zang yaa manzung ɓuru Timoti naa tɔ nɛɛ sãa. Nɛɛ à pati, ruu naa zi nɔɔ nɛɛ wu.

Filimon 1:22

Shĩli m yeti gãa katɔ gbete, ka ruu ɓɔɔ, n shing gn mɔ̀ɔ kɔɔ nɛɛ Laa kàsɛ́ nɔɔ nyaa ɓɔɔ nɔɔ gaa wu katɔ. Wu a nɔɔ n tɔkn.

2 Timoti 1:4

N nɛɛ kpaa danggn miiri ɓɔɔ mɔɔ tɛ̃ɛ tɔ, n kasɛ n zi jĩng ɓaaɓɛ, tɔ̀ɔ, n tãa tĩnang kaa gbãng gbãng.

Yɔhana 3:29

Sinyɛ ɓeevɛ ɓi wukɔ zang sinyɛ. Sinyɛ ɓeevɛ ɓeesang ɓɔɔ shiiyi, ɓaa shoo, tãa tĩnang dɔɔli nɛɛ tãa yee sinyɛ ɓeevɛ tɔ ɓɛɛ. N tãa tĩnang m doo nɔngkɔ. Tĩnang mɛɛ ti daa ɓi tɔ kiiri.”

3 Yɔhana 1:10

Ka ruu nɔngkɔ, n nɛɛ a tɔ, n naa nwangsɛ vuu ɓɔɔ wu pálɛ́ ɓɛɛ ditɔ. Vuu shi kpang ɓɔɔ wu kɔ̀ɔrɔ́ ka yuu ɓuru, nɛɛ sèé ɓɔɔ suuru ka yuu ɓuru ɓɛɛ. Ti palɛ vuu shi kpang ɓɔɔ ɓa weɓe katɔ kagn tɔkn. Naa zang ɓɔɔ ri dũng Laa arɛ, tà ri kpang. Ti zãa zang ɓɔɔ ri kasɛ zang kaɓa tanang ɓɛɛ katɔ. Wu ti nwángsɛ́ zang ɓɔɔ ta zang zanti kaɓa nɛɛ teteng zang ɓɔɔ ri dũng Laa ɓɛɛ.